Nehemia 7:1 - Bibl Koad 21: Ar Bibl e Brezhoneg evit ar Vretoned

¹ Evel-se, ar voger a zo bet adsavet, lakaet em eus stalafioù an dorojoù, lakaet eo bet en o c'hargoù ar borzhierien, ar ganerien hag al Levited,

Nehemia 7:1 Referencias Cruzadas

2 Rouned 7:10

Mont a rejont eta hag e c'halvjont porzhierien kêr evit disklêriañ ar c'heloù-se dezho o lavarout: Aet omp da gamp ar Siriz, ha setu, ne oa den eno na mouezh den e-barzh. N'eus nemet kezeg hag ezen stag, hag an teltennoù evel ma oant.

2 Danevelloù 31:2

Ezekias a adlakaas kevrennoù an aberzhourien hag al Levited, hervez o c'hevrennoù, o c'hargoù, ken an aberzhourien hag al Levited, evit al loskaberzhoù hag an aberzhoù a drugarekadennoù, evit ober ar servij, evit trugarekaat ha meuliñ ouzh dorojoù kamp an AOTROU.

Ezdra 3:8

D'an eilvet bloaz adalek o donedigezh e ti Doue e Jeruzalem, d'an eil miz, Zorobabel mab Salatiel, Jezua mab Jozadak, gant an nemorant eus o breudeur, an aberzhourien, al Levited, hag an holl re a oa deuet diouzh an harlu da Jeruzalem a stagas gant al labour. Hag e lakajont Levited, adalek an oad a ugent vloaz ha dreistoc'h, evit eveshaat ouzh labour ti an AOTROU.

Nehemia 10:39

Rak mibien Israel ha mibien Levi a zlee degas er c'hambroù ar profoù gwinizh, gwin hag eoul, e-lec'h m'emañ listri ar santual, ha m'en em zalc'h an aberzhourien oc'h ober ar servij, ar borzhierien hag ar ganerien. Evel-se ne zilezfemp ket ti hon Doue.

Nehemia 11:3

Setu amañ pennoù ar proviñs a reas o diazez e Jeruzalem. E kêrioù Juda e voe o chom pep hini en e zalc'h, en e gêr, Israeliz, aberzhourien, Levited, Netiniz, mibien servijerien Salomon.

Nehemia 12:24

Pennoù al Levited a oa: Hashabia, Sherebia, Jezua mab Kadmiel, hag o breudeur a-dal dezho, evit meuliñ ha trugarekaat, hervez gourc'hemenn David den Doue, ul lez-kanañ o respont d'egile.

Nehemia 6:1

Pa glevas Samballad, Tobija, Geshem an Arab, ha nemorant hon enebourien, em boa adsavet ar voger, ha ne vane freuz ebet enni, petra bennak ma ne'm boa ket c'hoazh lakaet ar stalafioù d'an dorojoù,

Nehemia 6:15

Ar voger a voe echuet d'ar pempvet deiz warn-ugent a viz Elul, e daou devezh hag hanter-kant.

Nehemia 6:19

Zoken e lavarent vad diwar e benn dirazon, hag ec'h adlavarent dezhañ va c'homzoù. Tobija a gase lizheroù da'm spontañ.