Nehemia 13:13 - Bibl Koad 21: Ar Bibl e Brezhoneg evit ar Vretoned

¹³ Hag e lakais da verour war an teñzorioù Shelemia an aberzhour, Zadok ar skrib, Pedaja unan eus al Levited, hag evit o eilañ Hanan mab Zakkur, mab Matania. Ar re-se a veze sellet evel tud eeun, hag e oant e karg da lodennañ etre o breudeur.

Nehemia 13:13 Referencias Cruzadas

2 Rouned 12:15

Ne veze ket graet kont d'ar re a zegemere an arc'hant-se etre o daouarn evit e lodennañ d'ar vicherourien, rak gant reizhder e labourent.

2 Rouned 12:16

Arc'hant an aberzhoù a gablusted hag arc'hant an aberzhoù-dic'haouiñ ne veze ket degaset da di an AOTROU, rak evit an aberzhourien e oa.

2 Rouned 22:7

Ra ne vo ket goulennet kontoù diganto evit an arc'hant a vo lakaet en o daouarn, rak labourat a reont gant lealded.

Nehemia 10:12

Zakkur, Sherebia, Shebania,

Nehemia 10:38

Bez' e vefe un aberzhour mab Aaron gant al Levited pa gemeront an deog, hag al Levited a zegasfe un dekvedenn eus an deog da di hon Doue, e kambroù ti an teñzor.

Nehemia 11:22

Penn al Levited e Jeruzalem a oa Uzzi mab Bani, mab Hashabia, mab Matania, mab Mika, a-douez mibien Azaf, ar ganerien karget eus al lidoù e ti Doue,

Nehemia 12:35

ha mibien an aberzhourien gant trompilhoù: Zakaria mab Jonatan, mab Shemaja, mab Matania, mab Mikaja, mab Zakkur, mab Azaf,

Nehemia 12:44

Lakaet e voe en deiz-se tud war ar c'hambroù evit an teñzorioù, evit ar profoù savet, evit ar frouezh kentañ, hag evit an deogoù, da zastum enno eus tiriadoù ar c'hêrioù, al lodennoù merket gant al lezenn evit an aberzhourien hag evit al Levited. Rak Juda a voe el levenez en abeg d'an aberzhourien ha d'al Levited a oa eno,

Nehemia 3:30

War e lerc'h e tresas Hanania mab Shelemia hag Hanun c'hwec'hvet mab Zalaf ul lodenn all. War o lerc'h e tresas Meshullam mab Berekia dirak e gambr.

Nehemia 7:2

ha roet em eus va urzhioù da'm breudeur Hanani ha da Hanania, mestr ar c’hreñvlec’h e Jeruzalem. Eñ a oa un den leal, a zouje Doue muioc'h eget kalz a re all.

Nehemia 8:4

Ezdra ar skrib en em zalc'he war ur savenn goad, a oa bet graet evit kement-se. A-zehou dezhañ e oa Matitia, Shema, Anaia, Uri, Hilkija ha Maaseja; hag a-gleiz e oa Pedaja, Mishael, Malkija, Hashum, Hashbadana, Zakaria ha Meshullam.

Sant Lucas 12:42

An Aotrou a lavaras: Piv eo ar merour feal ha fur en deus ar mestr lakaet war e vevelien evit reiñ dezho en amzer dereat o muzuliad ed?

Actou an Ebestel 4:35

hag en lakae ouzh treid an ebestel. e Lodennet e oa da bep hini hervez ma en doa ezhomm.

Actou an Ebestel 6:1

En deizioù-se, evel ma kreske niver an diskibien, e savas ur grozmol eus ar C’hresianegerien a-enep an Hebreed, abalamour ma oa o intañvezed lezet a-gostez er servij pemdeziek.

Actou an Ebestel 6:3

Dibabit eta, breudeur, seizh den en ho touez a zo roet testeni mat anezho, tud leun eus ar Spered-Santel hag a furnez, evit ma roimp dezho ar garg-se.

1 Korintiz 4:2

A-hend-all, ar pezh a c’houlenner digant ar verourien, eo ma vefe kavet pep hini feal.

1 Timote 1:12

Trugarekaat a ran an hini en deus va nerzhet, Jezuz-Krist hon Aotrou, dre ma en deus va c’havet feal o lakaat ac’hanon er servij,

1 Timote 3:10

Ra vo ar re-mañ ivez amprouet da gentañ, ha goude ra vint lakaet d’o servij mar d-int divlam.