Nehemia 13:12 - Bibl Koad 21: Ar Bibl e Brezhoneg evit ar Vretoned

¹² Neuze holl Juda a zegasas deog ar gwinizh, ar gwin hag an eoul, d'an teñzorioù.

Nehemia 13:12 Referencias Cruzadas

2 Danevelloù 31:4

Hag e lavaras d'ar bobl, da dud Jeruzalem, reiñ lodenn an aberzhourien hag al Levited, evit mirout lezenn an AOTROU.

2 Danevelloù 31:5

Kerkent ha ma voe embannet an dra, mibien Israel a roas frouezh kentañ e-leizh eus gwinizh, gwin, eoul, mel, hag holl eostadoù ar parkeier. Degas a rejont an deog eus pep tra, a-leizh.

Nehemia 12:44

Lakaet e voe en deiz-se tud war ar c'hambroù evit an teñzorioù, evit ar profoù savet, evit ar frouezh kentañ, hag evit an deogoù, da zastum enno eus tiriadoù ar c'hêrioù, al lodennoù merket gant al lezenn evit an aberzhourien hag evit al Levited. Rak Juda a voe el levenez en abeg d'an aberzhourien ha d'al Levited a oa eno,

Leviegezh 27:30

Pep deog eus an douar, kenkoulz eus had an douar evel eus frouezh ar gwez, a vo d’an AOTROU. Un dra santelaet eo evit an AOTROU.

Malaki 3:10

Degasit an holl zeogoù da di an teñzor, evit ma vo bevañs em zi. Va amprouit e kement-se, eme AOTROU an armeoù, daoust ha ne zigorin ket skluzioù an neñvoù, ha ne skuilhin ket warnoc'h ar vennozh hep muzul.

Malaki 3:8

An den, ha touellañ a raio Doue? Rak va zouellañ a rit. Hag e lavarit: E petra hon eus da douellet? En deogoù hag er profoù!

Adlezenn 14:22

Ne vanki ket da reiñ an deog eus an holl frouezh taolet diwar da had, eus ar pezh a denni eus da bark, bep bloaz.