Nahum 2:13 - Bibl Koad 21: Ar Bibl e Brezhoneg evit ar Vretoned

¹³ Setu em eus droug ouzhit, eme AOTROU an armeoù, lakaat a rin an tan ez kirri, hag ez aint e moged, ar c'hleze a lonko da leoned yaouank, tennañ a rin eus ar vro da breizh, ha ne vo ken klevet mouezh da gannaded.

Nahum 2:13 Referencias Cruzadas

2 Rouned 18:17

Roue Asiria a gasas Tartan, Rabsariz ha Rabshake, eus Lakish da Jeruzalem, gant un arme vras, a-enep ar roue Ezekiaz. Pignat a rejont hag e teujont da Jeruzalem. P'o deus pignet, e teujont hag en em zalc'hjont e-kichen ar gorzenn dour eus ar stank uhelañ, war hent park ar c'hommer.

2 Rouned 18:19

Rabshake a lavaras dezho: Lavarit bremañ da Ezekiaz: Evel-henn e komz ar roue bras, roue Asiria: Petra eo ar fiziañs-se en em harpez warni?

2 Rouned 19:23

Dre da gannaded ec'h eus dismegañset an Aotrou, hag ec'h eus lavaret: Gant niver va c'hirri em eus pignet war-lein ar menezioù, war grec'hioù al Liban. Troc'hañ a rin e wez-sedrez uhelañ hag e wez-siprez kaerañ, mont a rin betek e lein diwezhañ, betek koadeg ar C'harmel.

2 Rouned 19:9

Klevout a reas ar c'heloù-mañ diwar-benn Tirhaka roue Etiopia: Deuet eo evit brezeliñ a-enep dit. Hag e kasas c'hoazh kannaded da Ezekiaz o lavarout dezho:

2 Danevelloù 32:19

Komz a raent eus Doue Jeruzalem evel eus doueoù broadoù an douar, ha n'int nemet oberoù daouarn an dud.

Salmoù 46:9

Deuit ha gwelit oberennoù an AOTROU, an distrujoù en deus graet war an douar.

Jeremiaz 21:13

Setu em eus droug ouzhit, te hag a zo o chom en draonienn, war roc'h ar blaenenn, eme an AOTROU, c'hwi hag a lavar: Piv a ziskenno a-enep deomp? Piv a zeuio en hor chomlec'hioù?

Jeremiaz 46:14

Disklêriit en Ejipt, embannit e Migdol, e Nof, e Tapanez, lavarit: Sav ha bez prest! Rak ar c'hleze a lonk en-dro dit.

Jeremiaz 50:31

Setu em eus droug ouzhit-te, lorc'hus, eme an Aotrou, AOTROU an armeoù, rak da zeiz a zo deuet, an amzer ma'z kastizin.

Jeremiaz 51:25

Setu em eus droug ouzhit, menez distrujus, eme an AOTROU, a zistruj an douar a-bezh. Astenn a rin va dorn warnout, hag e ruilhin ac'hanout eus lein ar reier, hag e rin dit bezañ ur menez entanet.

Ezekiel 13:8

Setu perak evel-henn e komz an Aotrou AOTROU: Peogwir hoc'h eus lavaret traoù aner hag hoc'h eus roet gweledigezhioù touellus, setu em eus droug ouzhoc'h, eme an Aotrou AOTROU.

Ezekiel 21:3

Lavar da goadeg ar c'hreisteiz: Selaou komz an AOTROU: Evel-henn e komz an Aotrou AOTROU: Setu ez an da enaouiñ un tan en da ziabarzh, a zebro en da greiz pep gwezenn c'hlas ha pep gwezenn sec'h. Ar flamm o teviñ ne varvo ket, an holl ziwar c'horre a vo devet eus ar c'hreisteiz d'an hanternoz.

Ezekiel 26:3

evel-henn e komz an Aotrou AOTROU: Setu em eus droug ouzhit, Tir, hag e lakain meur a vroad da bignat a-enep dit, evel ma laka ar mor e goummoù da bignat.

Ezekiel 28:22

Lavar: Evel-henn e komz an Aotrou AOTROU: Setu em eus droug ouzhit Sidon, hag e vo roet gloar din en da greiz. Hag e ouezint ez on me an AOTROU, pa rin va barnedigezhioù a-enep dezhi, ha ma tiskouezin va santelezh.

Ezekiel 29:10

Setu perak em eus droug ouzhit hag ouzh da stêrioù, hag e lakain bro Ejipt da vezañ ur rivin bras hag ur glac'har, adalek Migdol betek Sien ha betek harzoù Kush.

Ezekiel 29:3

Komz ha lavar: Evel-henn e komz an Aotrou AOTROU: Setu em eus droug ouzhit Faraon roue an Ejipt, krokodil bras gourvezet e-kreiz da stêrioù, hag a lavar: Va stêr a zo din, me am eus graet anezhi.

Ezekiel 35:3

Lavar: Evel-henn e komz an Aotrou AOTROU: Setu em eus droug ouzhit Menez Seir, hag ec'h astennin va dorn a-enep dit, hag e lakain ac'hanout da vezañ un digenvez hag ur gouelec'h.

Ezekiel 38:3

Lavar: Evel-henn e komz an Aotrou AOTROU: Setu em eus droug ouzhit, Gog, priñs Rosh, Meshek ha Tubal,

Ezekiel 39:1

Te eta, mab an den, ro da brofediezh ouzh Gog ha lavar: Evel-henn e komz an Aotrou AOTROU: Setu em eus droug ouzhit, Gog, priñs Rosh, Meshek ha Tubal.

Ezekiel 5:8

en abeg da-se evel-henn e komz an Aotrou AOTROU: Setu em eus droug ouzhit, hag e rin va-unan va barnedigezhioù en da greiz, dirak daoulagad ar broadoù.

Nahum 2:12

Al leon a ziframme evit e re vihan, tagañ a rae evit e leonezed, leuniañ a rae a breizhoù e doulloù, hag a gorfoù drailhet e gavarnioù.

Nahum 3:1

Gwalleur d'ar gêr wadsec'hedik, leun a c'hevier hag a breizhoù, ar skrapadeg n'eo ket en em dennet diouti!

Nahum 3:12

Da holl greñvlec'hioù a zo evel gwez-fiez gant fiez abred. Pa vezont hejet e kouezhont e genoù an hini a fell dezhañ o debriñ.

Nahum 3:15

Eno an tan a lonko ac'hanout, ar c'hleze az lazho, debriñ a raio ac'hanout evel ar biskoul. Liesa evel ar biskoul, liesa evel ar c'hilheien-raden.

Nahum 3:5

Setu em eus droug ouzhit, eme AOTROU an armeoù, sevel a rin pleg da sae war da zremm, hag e tiskouezin da noazhder d'ar broadoù, ha da vezh d'ar rouantelezhioù.

Jozue 11:6

An AOTROU a lavaras da Jozue: Na'z pez ket aon razo, rak warc'hoazh, war-dro d'ar c'houlz-mañ, e lakain anezho holl gloazet d'ar marv dirak Israel. Troc'hañ a ri o garoù d'o c’hezeg, hag e tevi o c'hirri en tan.

Jozue 11:9

Jozue a reas evel m'en doa lavaret an AOTROU dezhañ, troc'hañ a reas o garoù d'o c’hezeg, hag e tevas o c'hirri en tan.