Mazhev 9:2 - Bibl Koad 21: Ar Bibl e Brezhoneg evit ar Vretoned

² Ha setu, e tegasjont dezhañ un den seizet gourvezet war ur gwele. Jezuz, o welout o feiz, a lavaras d’an den seizet: Mab, kemer fiziañs, da bec’hedoù a zo pardonet dit.

Testamant Nevez 1897 (Jenkins)

² Hag e tigassjont dezhan eur paralitic gourvezet var eur gwele; ha Jesus, o velet feiz an dud‐se, a lavaraz d’ar paralitic: Va mab, kemer courach, da bec’hejou a zo pardonet d’id.

Aviel revé St. Maheu troeit é Brehonec Guénet 1858

² Ino e oé bet disgasset dehou ur paralitiq astennet ar é hulé. Jesus é huéled ou fé, e laras d’er paralitiq: Me mab hou péet fé, hou péhedeu e zou distollet t’oh.

Mazhev 9:2 Referencias Cruzadas

Ar Prezeger 9:7

Kae, debr gant levenez da vara, hag ev laouen da win, rak Doue en deus dija kavet mat da oberoù.

Izaia 44:22

Diverket em eus da zrougoberoù evel ur goabrenn deñval, ha da bec'hedoù evel ur goumoulenn. Distro davedon, rak da zasprenet em eus.

Mazhev 14:27

Kerkent Jezuz a lavaras dezho: Ho pet fiziañs, me eo, n’ho pet ket aon!

Mazhev 4:24

Ar vrud anezhañ en em skuilhe dre holl Siria, hag e tegasent dezhañ an holl re glañv, re zalc’het gant meur a boan ha gant meur a zroug, re zalc’het gant diaouled, re loariek, re seizet, hag eñ a yac’hae anezho.

Mazhev 6:12

pardon deomp hor pec’hedoù evel ma pardonomp ivez d’ar re o deus manket ouzhimp,

Mazhev 8:10

Jezuz, pa glevas kement-se, a voe souezhet hag a lavaras d’ar re en heulie: Me a lavar deoc’h e gwirionez, ne’m eus ket kavet ur feiz ken bras, zoken en Israel.

Mazhev 8:16

An abardaez o vezañ deuet, e voe degaset dezhañ meur a hini dalc’het gant diaouled. Eñ a gasas kuit ar speredoù dre e c’her hag a yac’haas an holl re a oa klañv,

Mazhev 9:22

Jezuz, o vezañ distroet hag o sellout outi, a lavaras: Merc’h, kemer fiziañs, da feiz he deus da yac’haet. Hag ar wreg a voe yac’haet adalek an eur-se.

Mazhev 9:5

Rak, petra eo an aesoc’h, lavarout: Da bec’hedoù a zo pardonet dit, pe lavarout: Sav ha kerzh?

Mazhev 9:6

Met evit ma ouiot penaos Mab an den en deus war an douar ar galloud da bardoniñ ar pec’hedoù, e lavaras d’an den seizet: Sav, kemer da wele ha kae da’z ti.

Sant Marc 1:32

Diouzh an abardaez, pa voe kuzhet an heol, e tegasjont dezhañ an holl dud klañv hag ar re a oa dalc’het gant diaouled.

Sant Marc 10:49

Jezuz o chom en e sav, a lavaras e c’hervel. Gervel a rejont an dall, hag e lavarjont dezhañ: Sav, bez kalonek, da c’hervel a ra.

Sant Marc 5:34

Lavarout a reas dezhi: Merc’h, da feiz he deus da yac’haet, kae e peoc’h ha bez dizereet eus da gleñved.

Sant Marc 6:50

rak holl e weljont anezhañ hag e voent spontet. Met kerkent e komzas outo hag e lavaras dezho: Ho pet fiziañs, me eo, n’ho pet ket aon.

Sant Ian 16:33

Lavaret em eus deoc’h an traoù-mañ evit ma ho po ar peoc’h ennon. Trubuilhoù ho po er bed, met bezit kalonek, me am eus trec’het ar bed.

Sant Ian 2:25

ha dre ma n’en doa ket ezhomm e vije roet testeni gant unan bennak diwar-benn un den, rak anavezout a rae ar pezh a oa en den.

Sant Ian 21:5

Jezuz a lavaras dezho: Bugale, ha n’hoc’h eus netra da zebriñ? Int a respontas dezhañ: Nann.

Actou an Ebestel 14:9

Selaou a rae Paol o komz. Hemañ, o sellout gant evezh outañ, a welas en doa ar feiz evit bezañ yac’haet

Actou an Ebestel 19:12

en hevelep doare ma lakaed war ar re glañv mouchoueroù pe lienennoù o doa stoket ouzh e gorf, hag e oant yac’haet eus o c’hleñvedoù hag an drouk-speredoù a yae er-maez.

Actou an Ebestel 23:11

En noz war-lerc’h, an Aotrou a zeuas d’e gavout hag a lavaras: Paol, az pez kalon vat, rak, evel ma ec’h eus roet testeni e Jeruzalem diwar va fenn, e vo ret dit ivez reiñ testeni e Rom.

Romaned 5:11

N’eo ket kement-se hepken, met c’hoazh e kavomp gloar e Doue dre hon Aotrou Jezuz-Krist, hon eus resevet bremañ an adunvanidigezh drezañ.

S. Jakes 2:18

Met unan bennak a lavaro: Te ac’h eus ar feiz, ha me am eus an oberoù. Diskouez din da feiz hep da oberoù, ha me a ziskouezo dit va feiz dre va oberoù.