Mazhev 4:23 - Bibl Koad 21: Ar Bibl e Brezhoneg evit ar Vretoned

²³ Jezuz a valeas dre holl C’halilea, o kelenn en o sinagogennoù, o prezeg keloù mat ar rouantelezh, o yac’haat kement kleñved ha kement mac’hagn a oa e-touez ar bobl.

Testamant Nevez 1897 (Jenkins)

²³ Ha Jesus a iea dre an holl C’halile, o kelen en ho zinagogou, hag o prezeg aviel rouantelez Doue, hag o iac’haad kement klenved, ha kement infirmite a oa e‐touez ar bobl.

Aviel revé St. Maheu troeit é Brehonec Guénet 1858

²³ Ha Jesus e yas dré en ol Galile, de quelen én ou synagogueu, ha de berdêgue aviel er ranteleah, ha de yahat quement clinhuet, ha quement gouander, e oé é vésq en dud.

Mazhev 4:23 Referencias Cruzadas

Salmoù 103:3

Eñ eo a bardon dit da holl zireizhder, a bare da holl gleñvedoù,

Salmoù 74:8

Lavaret o deus en o c'halon: Distrujomp holl! Devet o deus dre ar vro holl lec'hioù-emgav Doue.

Mazhev 11:5

ar re dall a wel, ar re gamm a gerzh, ar re lovr a zo glanaet, ar re vouzar a glev, ar re varv a adsav da vev, an Aviel a zo prezeget d’ar beorien.

Mazhev 12:9

O vezañ aet ac’hane, eñ a yeas en hor sinagogenn.

Mazhev 13:19

Pa selaou un den ger ar rouantelezh ha pa ne gompren ket anezhañ, an hini fall a zeu hag a skrap ar pezh a zo bet hadet en e galon: hennezh eo an hini en deus degemeret an had a-hed an hent.

Mazhev 13:54

O vezañ deuet en e vro, e kelennas anezho en o sinagogenn, en hevelep doare ma oant souezhet ha ma lavarent: A-belec’h e teu dezhañ ar furnez hag ar mirakloù-se?

Mazhev 14:14

Jezuz, o vezañ aet er-maez, a welas ul lod bras a dud, en doe truez outo hag a yac’haas o c’hlañvourien.

Mazhev 24:14

An Aviel-mañ eus ar rouantelezh a vo prezeget er bed a-bezh evit reiñ testeni d’an holl vroadoù. Neuze e teuio ar fin.

Mazhev 3:2

o lavarout: Ho pet keuz, rak rouantelezh an neñvoù a zo tost.

Mazhev 9:35

Jezuz a yae tro-war-dro er c’hêrioù hag er bourc’hioù, o kelenn en o sinagogennoù, o prezeg keloù mat ar rouantelezh hag o yac’haat pep kleñved ha pep mac’hagn e-touez ar bobl.

Sant Marc 1:14

Goude ma voe bet lakaet Yann er prizon, Jezuz a zeuas e Galilea, o prezeg Aviel rouantelezh Doue

Sant Marc 1:21

Mont a rejont e Kafarnaoum. O vezañ da gentañ aet er sinagogenn d’an deiz sabad, e kelennas enni.

Sant Marc 1:39

Hag e prezege en o sinagogennoù dre an holl C’halilea hag e kase kuit an diaouled.

Sant Marc 3:10

Rak en doa yac’haet kalz anezho, en hevelep doare m’en em daole warnañ kement en doa ur c’hleñved evit stekiñ outañ.

Sant Marc 6:2

Pa zeuas ar sabad, en em lakaas da gelenn er sinagogenn. Kalz eus ar re en kleve a voe souezhet hag a lavaras: A-belec’h e teu an traoù-se d’an den-mañ? Petra eo ar furnez-se a zo bet roet dezhañ hag ar mirakloù bras en em ra dre e zaouarn?

Sant Marc 6:6

Souezhet e voe eus o diskredoni. Hag ez eas dre ar bourc’hioù tro-war-dro, en ur gelenn.

Sant Lucas 10:9

yac’hait ar re glañv a vo eno ha lavarit dezho: Rouantelezh Doue a zo deuet tost ouzhoc’h.

Sant Lucas 13:10

Edo o kelenne en unan eus ar sinagogennoù d’an deiz sabad.

Sant Lucas 16:16

Al lezenn hag ar brofeded a badas betek Yann. Adalek an amzer-se rouantelezh Doue a zo prezeget, ha pep hini a ya e-barzh dre nerzh.

Sant Lucas 20:1

Un devezh ma kelenne ar bobl en templ ha ma prezege an Aviel, ar veleien vras, ar skribed hag an henaourien, o vezañ deuet,

Sant Lucas 4:14

Jezuz a zistroas da C’halilea, dindan galloud ar Spered, hag ar vrud anezhañ a redas dre an holl vro tro-war-dro.

Sant Lucas 5:17

Un devezh ma kelenne, e oa azezet eno farizianed ha doktored al lezenn deuet eus holl vourc’hioù eus Galilea, eus Judea hag eus Jeruzalem. Galloud an Aotrou a oberie evit yac’haat.

Sant Lucas 6:17

O vezañ neuze diskennet ganto, e chomas en ur blaenenn, gant e vandenn diskibien hag ul lod bras a dud eus Judea, eus Jeruzalem hag eus ar vro arvorek Tir ha Sidon. Deuet e oant evit e glevout hag evit bezañ yac’haet eus o c’hleñvedoù.

Sant Lucas 6:6

C’hoarvezout a reas ivez, un deiz sabad all, ma’z eas er sinagogenn ha ma kelennas. Bez’ e oa eno un den ma oa disec’het e zorn dehou.

Sant Lucas 7:21

En eur-se zoken, eñ a yac’haas kalz a dud eus o c’hleñvedoù, eus o mac’hagnoù hag eus drouk-speredoù, hag e roas ar gweled da veur a hini dall.

Sant Lucas 7:22

Jezuz a respontas dezho: It ha lavarit da Yann ar pezh hoc’h eus gwelet ha klevet: ar re dall a wel, ar re gamm a gerzh, ar re lovr a zo glanaet, ar re vouzar a glev, ar re varv a adsav da vev, an Aviel a zo prezeget d’ar beorien.

Sant Lucas 8:1

Goude-se, Jezuz a yeas eus eil kêr hag eus eil bourc’h d’egile, o prezeg hag o kemenn keloù mat rouantelezh Doue. An daouzek a oa gantañ,

Sant Lucas 9:11

Ar bobl, o vezañ klevet-se, en heulias. Eñ a zegemeras anezho hag a gomzas outo diwar-benn rouantelezh Doue. Yac’haat a reas ivez ar re o doa ezhomm da vezañ yac’haet.

Sant Lucas 9:60

Jezuz a lavaras dezhañ: Lez ar re varv da sebeliañ o re varv, met te, kae da brezeg rouantelezh Doue.

Sant Ian 18:20

Jezuz a respontas dezhañ: Komzet em eus sklaer d’an dud. Atav em eus kelennet er sinagogenn hag en templ e-lec’h m’en em zastum ar Yuzevien, ha ne’m eus lavaret netra e-kuzh.

Sant Ian 6:59

Lavarout a reas an traoù-mañ o kelenn e sinagogenn Gafarnaoum.

Sant Ian 7:1

Goude-se, Jezuz a valeas dre C’halilea; ne fellas ket dezhañ bale dre Judea, abalamour ma klaske ar Yuzevien e lazhañ.

Actou an Ebestel 10:38

penaos Doue en deus olevet gant ar Spered-Santel ha gant galloud Jezuz a Nazared, a yae a lec’h da lec’h oc’h ober vat hag o yac’haat ar re holl a oa mac’het gant an diaoul, abalamour ma oa Doue gantañ.

Actou an Ebestel 18:4

Komz a reas er sinagogenn pep devezh sabad hag e lakaas Yuzevien ha Gresianed da grediñ.

Actou an Ebestel 20:25

Ha bremañ setu, me a oar na welot ken va dremm, c’hwi holl on tremenet en ho touez o prezeg rouantelezh Doue.

Actou an Ebestel 28:31

o prezeg rouantelezh Doue hag o kelenn ar pezh a sell ouzh an Aotrou Jezuz-Krist gant pep frankiz hag hep harz ebet.

Romaned 10:15

Ha penaos e vo prezeget ma ne vez kaset den? Skrivet eo eta: Pegen kaer eo treid ar re a brezeg Aviel ar peoc’h, ar re a gemenn keleier mat!