Mazhev 3:6 - Bibl Koad 21: Ar Bibl e Brezhoneg evit ar Vretoned

⁶ hag e oant badezet gantañ er Jordan, oc’h anzav o fec’hedoù.

Testamant Nevez 1897 (Jenkins)

⁶ hag e oent badezet ganthan er Jourdan, oc’h anzav ho fec’hejou.

Aviel revé St. Maheu troeit é Brehonec Guénet 1858

⁶ Hag ind e oent badéhet guet hou ér Jourdan, goudé en dout ansàuet hou féhedeu.

Mazhev 3:6 Referencias Cruzadas

Ezdra 10:1

Evel ma pede Ezdra ha ma rae an anzav-se o ouelañ, stouet dirak ti Doue, un engroez bras, gwazed, maouezed ha bugale, en em zastumas davetañ, hag ar bobl a ouelas a-boullad.

Salmoù 32:5

Roet em eus da anavezout dit va fec'hed ha ne'm eus ket kuzhet ouzhit va direizhder. Lavaret em eus: Anzav a rin va disentidigezh d'an AOTROU. Ha te ac'h eus lamet poan va fec'hed.  Ehan

Krennlavarioù 28:13

An hini a guzh e bec'hedoù ne raio ket berzh, met an hini o anzav hag o dilez en devo trugarez.

Ezekiel 36:25

Skuilhañ a rin warnoc'h doureier glan, hag e viot glanaet. Ho klanaat a rin eus hoc'h holl loustoni hag eus hoc'h holl idoloù.

Daniel 9:4

Hag e pedis an AOTROU va Doue, hag e ris va c'hofez o lavarout: A! Aotrou Doue bras ha spontus, a vir an emglev hag an drugarez e-keñver ar re a gar ac'hanout hag a vir da c'hourc'hemennoù,

Leviegezh 16:21

Aaron a lakaio e zaouarn war benn ar bouc’h bev hag ec’h anzavo warnañ holl zireizhderioù mibien Israel hag o disentidigezh en o holl bec’hedoù; o lakaat a raio war benn ar bouc’h hag en kaso kuit el lec’h distro gant sikour un den evit-se.

Leviegezh 26:40

Neuze ec’h anzavint o direizhder ha direizhder o zadoù, ha penaos o devo disentet ouzhin ha kerzhet a-enep din.

Niveroù 5:7

ec'h anzavo ar pec'hed en devo graet, e tic'haouo an dismegañs en ur lakaat ouzhpenn ar bempvedenn, hag e roio anezhañ d'an hini eo en em lakaet kablus en e geñver.

Mazhev 3:11

Me ho padez en dour evit ar geuzidigezh, met dont a ra unan war va lerc’h, galloudusoc’h eo egedon, ha n’on ket dellezek da zougen e votoù. Eñ ho padezo er Spered-Santel hag en tan.

Sant Marc 1:5

Holl vro Judea hag holl dud Jeruzalem a yae d’e gavout hag e oant badezet gantañ er stêr Jordan, oc’h anzav o fec’hedoù.

Sant Lucas 1:16

Distreiñ a raio kalz eus bugale Israel d’an Aotrou o Doue,

Sant Lucas 3:16

Yann en em lakaas da lavarout d’an holl: Me ho padez en dour, met unan all a zeu, galloudusoc’h egedon, ha n’on ket dellezek da zieren korreenn e votoù. Eñ ho padezo er Spered-Santel hag en tan.

Actou an Ebestel 1:5

rak Yann en deus badezet en dour, met c’hwi a vo badezet er Spered-Santel a-benn nebeut a zevezhioù.

Actou an Ebestel 11:16

Neuze e teuas soñj din eus ar ger-mañ a lavaras an Aotrou: Yann en deus badezet en dour, met c’hwi a vo badezet er Spered-Santel.

Actou an Ebestel 19:18

Kalz eus ar re o doa kredet a zeue da anzav ha da zisklêriañ ar pezh o doa graet.

Actou an Ebestel 22:16

Ha bremañ, perak e taleez? Sav, bez badezet ha bez gwalc’het eus da bec’hedoù en ur c’hervel anv an Aotrou.

1 Korintiz 10:2

int bet holl badezet dindan Moizez er goabrenn hag er mor,

Koloseiz 2:12

o vezañ bet sebeliet gantañ dre ar vadeziant, ennañ ivez oc’h adsavet a varv dre ar feiz e galloud Doue en deus e adsavet a-douez ar re varv.

Hebreed 6:2

eus kelennadurezh ar badeziantoù, eus al lakadur-daouarn, eus an adsavidigezh a-douez ar re varv hag eus ar varn peurbadus.

Hebreed 9:10

hag a oa hepken gourc’hemennoù kigel, gant bouedoù, evajoù ha meur a walc’hidigezh, lakaet betek an amzer ma vije renevezet pep tra.

S. Jakes 5:16

Anzavit ho faotoù an eil d’egile ha pedit an eil evit egile, evit ma viot yac’haet. Pedenn c’hredus an den reizh he deus ur galloud bras.

Jozue 7:19

Jozue a lavaras da Akan: Va mab, ro gloar d'an AOTROU Doue Israel, ro dezhañ meuleudi, ha disklêr din ar pezh ac'h eus graet, n'henn kuzh ket ouzhin.

1 Pêr 3:21

Hag ar skeudenn a gement-se, ar vadeziant, nann an hini a lam kuit saotroù ar c’horf met ar c’hoant start eus ur goustiañs vat dirak Doue, a zeu d’hor saveteiñ bremañ dre adsavidigezh Jezuz-Krist a varv.

1 Yann 1:9

Mar anzavomp hor pec’hedoù, eñ a zo feal ha reizh evit o fardoniñ deomp hag evit hor glanaat a bep direizhder.