Mazhev 23:28 - Bibl Koad 21: Ar Bibl e Brezhoneg evit ar Vretoned

²⁸ Evel-se c’hwi ivez, en diavaez en em ziskouezit reizh d’an dud, met en diabarzh oc’h leun a bilpouzerezh hag a zireizhder.

Testamant Nevez 1897 (Jenkins)

²⁸ Evel‐se c’houi ive, en diaveaz a zeblant d’an dud beza just, mes en diabarz ez oc’h leun a hipocrizi hag a fallagriez.

Aviel revé St. Maheu troeit é Brehonec Guénet 1858

²⁸ El‐cé hui ehué, én dianvez, en hum zisco divlam d’en dud; mæs én diabarh oh lan a gùeuïér hag a fallanté.

Mazhev 23:28 Referencias Cruzadas

Salmoù 51:6

Pec'het em eus a-enep dit, a-enep dit-te da-unan, hag em eus graet ar pezh a zo fall dirak da zaoulagad, en doare ma vi reizh pa gomzi, didamall pa varni.

Krennlavarioù 26:26

An hini a guzh e gasoni gant an touell, a vo dizoloet dirak ar vodadeg.

Mazhev 23:27

Gwalleur deoc’h, skribed ha farizianed pilpouzed! Abalamour ma’z oc’h heñvel ouzh bezioù gwennet, en em ziskouez kaer en diavaez, hag a zo leun a eskern tud varv hag a bep dic’hlanded en diabarzh.

Mazhev 23:29

Gwalleur deoc’h, skribed ha farizianed pilpouzed! Abalamour ma savit bezioù d’ar brofeded ha ma vravait bezioù an dud reizh,

Mazhev 23:5

O holl oberoù a reont evit bezañ gwelet gant an dud. Evel-se o deus fulakterioù ledan ha pempilhoù hir ouzh o dilhad,

Sant Lucas 16:15

Hag e lavaras dezho: Evidoc’h-c’hwi, a fell deoc’h tremen evit reizh dirak an dud, met Doue a anavez ho kalonoù. Rak ar pezh a zo uhel dirak an dud a zo fall bras dirak Doue.

Galated 2:13

Hag asambles gantañ ar Yuzevien all a heulias e bilpouzerezh, en hevelep doare ma voe sachet Barnabaz zoken en o filpouzerezh.

1 Samuel 16:7

Met an AOTROU a lavaras da Samuel: Na laka ket evezh ouzh e zremm nag ouzh uhelder e vent, rak taolet em eus kuit anezhañ. An AOTROU ne wel ket evel ma wel an den. An den a sell ouzh diavaez an dud, met an AOTROU a sell ouzh ar galon.