Mazhev 16:21 - Bibl Koad 21: Ar Bibl e Brezhoneg evit ar Vretoned

²¹ Adalek neuze, Jezuz en em lakaas da zisklêriañ d’e ziskibien e oa ret dezhañ mont da Jeruzalem, gouzañv kalz a draoù a-berzh an henaourien, ar veleien vras hag ar skribed, bezañ lakaet d’ar marv, hag adsevel a varv d’an trede deiz.

Testamant Nevez 1897 (Jenkins)

²¹ Divar neuze Jesus a gommansaz discleria d’he ziskibien e oa red dezhan mond da Jerusalem, ha souffr kalz euz a‐berz ar Senatourien hag ar re genta e‐touez ar veleien hag ar Scribed, beza lakeet d’ar maro, ha resussita an trede deiz.

Aviel revé St. Maheu troeit é Brehonec Guénet 1858

²¹ A nezé Jesus hum laquas de ziscoein d’é zisciplèd penaus e oé ret tehou monnet de Jerusalem, ha bout goal‐casset dré er Ré‐Gouh ag en dud, hag er Scribed, hag er Pen‐Vêlean, bout lahet, ha distroeit a varhue de vihue en drivèd dé.

Mazhev 16:21 Referencias Cruzadas

Nehemia 12:7

Sallu, Amok, Hilkija, Jedaja. Ar re-se a voe pennoù an aberzhourien hag o breudeur en amzer Jezua.

Mazhev 12:40

Rak evel ma voe Jona tri devezh ha teir nozvezh e kof ur pesk bras, evel-se e vo Mab an den tri devezh ha teir nozvezh e kalon an douar.

Mazhev 16:22

Pêr, o vezañ e gemeret a-du, en em lakaas d’e repren, o lavarout: Aotrou, az pez truez ouzhit! Kement-se ne c’hoarvezo ket ganit.

Mazhev 16:28

Me a lavar deoc’h e gwirionez, ez eus hiniennoù eus a-douez ar re a zo amañ ha ne varvint ket ken n’o devo gwelet Mab an den o tont en e rouantelezh.

Mazhev 17:12

Met me a lavar deoc’h penaos Elia a zo dija deuet, ha n’o deus ket e anavezet, met o deus graet dezhañ kement o deus c’hoantaet. Evel-se ivez e tle Mab an den gouzañv eus o ferzh.

Mazhev 17:9

Evel ma tiskennent eus ar menez, Jezuz a roas dezho ar gourc’hemenn-mañ: Na gomzit da zen eus ar weledigezh-mañ, ken na vo adsavet Mab an den a-douez ar re varv.

Mazhev 20:28

Evel-se n’eo ket deuet Mab an den evit bezañ servijet, met evit servijañ hag evit reiñ e vuhez e daspren evit kalz.

Mazhev 26:2

Gouzout a rit emañ gouel ar Pask a-benn daou zevezh ha Mab an den a vo gwerzhet evit bezañ staget ouzh ar groaz.

Mazhev 26:47

Evel ma komze c’hoazh, setu Judaz, unan eus an daouzek, a zeuas ha gantañ ur vandenn vras a dud gant klezeier ha gant bizhier, a-berzh ar veleien vras hag henaourien ar bobl.

Mazhev 27:12

Met pa voe tamallet gant ar veleien vras ha gant an henaourien, ne respontas netra.

Mazhev 27:63

hag a lavarjont dezhañ: Aotrou, deuet eo da soñj deomp penaos an trompler-se a lavaras pa oa bev: A-benn tri devezh ec’h adsavin a varv.

Mazhev 28:6

N’emañ ket amañ, rak adsavet eo a varv hervez m’en doa lavaret. Deuit ha gwelit al lec’h ma oa gourvezet an Aotrou,

Sant Marc 8:31

Neuze en em lakaas da zisklêriañ dezho e oa ret da Vab an den gouzañv kalz a draoù, bezañ taolet kuit gant an henaourien, gant ar veleien vras ha gant ar skribed, bezañ lakaet d’ar marv, hag adsevel a varv tri devezh goude.

Sant Marc 9:12

Respont a reas dezho: Gwir eo penaos Elia a dle dont da gentañ hag adlakaat pep tra, ha penaos Mab an den, hervez ma’z eo skrivet diwar e benn, a dle gouzañv kalz a draoù ha bezañ disprizet?

Sant Lucas 17:25

Met ret eo dezhañ kent-se gouzañv kalz a draoù ha bezañ taolet kuit gant ar rummad-mañ.

Sant Lucas 24:46

hag e lavaras dezho: Evel-se eo skrivet, hag evel-se e oa ret d’ar C’hrist gouzañv ha sevel a-douez ar re varv d’an trede deiz.

Sant Lucas 9:31

En em ziskouezjont gant gloar, hag e komzjont eus e zisparti, a dlee c’hoarvezout e Jeruzalem.