Sant Marc 9:47 - Bibl Koad 21: Ar Bibl e Brezhoneg evit ar Vretoned

⁴⁷ Ha ma laka ac’hanout da lagad da gouezhañ, diframm anezhañ. Gwelloc’h eo dit mont e rouantelezh Doue gant ul lagad hepken, eget kaout daou lagad ha bezañ taolet e tan ar gehenn,

Testamant Nevez 1897 (Jenkins)

⁴⁷ Ha mar gra da lagad d’id kweza er pec’hed, difram anezhan; gwell eo d’id antren en rouantelez Doue, o kaoud eul lagad kep‐ken, eget kaoud daou‐lagad, ha beza taolet en eun ifern a dan?

Sant Marc 9:47 Referencias Cruzadas

Geneliezh 3:6

Pa welas ar wreg e oa ar frouezh mat da zebriñ ha plijus d'an daoulagad, ha ma oa prizius evit digeriñ ar skiant, e kemeras eus he frouezh hag e tebras diouto. Reiñ a reas ivez diouto d'he fried a oa ganti, hag hemañ a zebras diouto.

Levr Job 31:1

Graet em boa un emglev gant va daoulagad; penaos em befe sellet ouzh ur werc'hez?

Salmoù 119:37

Distro va daoulagad diouzh gwel an traoù didalvez, va laka da advevañ ez hentoù!

Mazhev 18:9

Ha ma laka ac’hanout da lagad da gouezhañ, diframm anezhañ ha taol anezhañ pell diouzhit. Gwelloc’h eo dit mont er vuhez born, eget kaout da zaoulagad ha bezañ taolet e tan ar gehenn.

Mazhev 5:22

Met me a lavar deoc’h penaos piv bennak a fuloro ouzh e vreur hep abeg a zellezo bezañ barnet, an hini a lavaro d’e vreur: Raka! a zellezo bezañ kastizet gant ar sanedrin, hag an hini a lavaro d’e vreur: Diskiant! a zellezo bezañ kastizet gant tan ar gehenn.

Sant Marc 9:43

Ma laka ac’hanout da zorn da gouezhañ, troc’h anezhañ. Gwelloc’h eo dit mont er vuhez, o kaout nemet un dorn, eget kaout daou zorn ha bezañ taolet er gehenn,

Sant Marc 9:46

e pelec’h o freñv ne varv ket hag an tan ne voug ket.

Sant Lucas 14:26

Mar deu unan bennak da’m c’havout ha ne gasa ket e dad, e vamm, e wreg, e vugale, e vreudeur, e c’hoarezed, ha muioc’h c’hoazh e vuhez hec’h-unan, ne c’hell ket bezañ va diskibl.

Sant Ian 3:3

Jezuz a respontas dezhañ: E gwirionez, e gwirionez, me a lavar dit, ma ne vez ket ganet un den eus an nec’h, ne c’hell ket gwelout rouantelezh Doue.

Sant Ian 3:5

Jezuz a respontas: E gwirionez, e gwirionez, me a lavar dit, ma ne vez ket un den ganet a zour hag a Spered, ne c’hell ket mont e rouantelezh Doue.

Galated 4:15

Petra eta a rae neuze hoc’h eürusted? Rak reiñ a ran ouzhoc’h an testeni-mañ, penaos ma vije bet posupl, ho pije tennet ho taoulagad evit o reiñ din.