Sant Marc 7:34 - Bibl Koad 21: Ar Bibl e Brezhoneg evit ar Vretoned

³⁴ O sevel e zaoulagad etrezek an neñv, e huanadas hag e lavaras: Effata! da lavarout eo: Digor!

Testamant Nevez 1897 (Jenkins)

³⁴ Neuze, o sevel he zaou‐lagad etrezeg an env, ec’h huanadaz hag e lavaraz dezhan: Effatah, da lavaret eo, Digor.

Sant Marc 7:34 Referencias Cruzadas

Ermaeziadeg 2:23

Hag e c'hoarvezas, pell goude, penaos e varvas roue an Ejipt. Mibien Israel a hirvoude abalamour d'o sklaverezh, hag a grias. O c'hriadennoù a bignas war-zu Doue eus o sklaverezh.

Izaia 53:3

Disprizet ha distaolet gant an dud, den a c'hlac'har, kustumet ouzh ar boan, evel un den a zistroer an dremm dioutañ, disprizet eo ha ne reer van ebet anezhañ.

Sant Marc 1:41

Jezuz, o kaout truez outañ, a astennas e zorn, en stokas hag a lavaras dezhañ: Fellout a ra din, bez glanaet.

Sant Marc 15:34

D’an navet eur, Jezuz a grias gant ur vouezh kreñv: Eloi, Eloi, lama sabaktani? Da lavarout eo: Va Doue, va Doue, perak ec’h eus va dilezet?

Sant Marc 5:41

O kemer he dorn, e lavaras dezhi: Talita koumi, da lavarout eo: Plac’h yaouank, me a lavar dit, sav.

Sant Marc 6:41

Jezuz a gemeras ar pemp bara hag an daou besk hag, o sevel e zaoulagad etrezek an neñv, e vennigas, e torras ar baraoù hag o roas d’e ziskibien, evit m’o rojent d’ar bobl. Lodennañ a reas ivez an daou besk kenetrezo holl.

Sant Marc 7:35

Kerkent e zivskouarn a voe digoret, e deod a voe dizereet hag e komzas hep poan.

Sant Marc 8:12

O huanadiñ en e spered, e lavaras: Perak e c’houlenn ar rummad-mañ ur mirakl? Me a lavar deoc’h e gwirionez, ne vo roet mirakl ebet d’ar rummad-mañ.

Sant Lucas 18:42

Jezuz a lavaras dezhañ: Adkav ar gweled, da feiz he deus da yac’haet.

Sant Lucas 19:41

Pa voe tost da gêr, o welout anezhi, e ouelas warni hag e lavaras:

Sant Lucas 7:14

O vezañ tostaet, e stokas an arched. Ar re en douge a arsavas. Lavarout a reas: Den yaouank, me en lavar dit, sav!

Sant Ian 11:33

Pa welas Jezuz anezhi o ouelañ, hi hag ar Yuzevien a oa deuet ganti, e huanadas en e spered hag e voe trubuilhet.

Sant Ian 11:35

Jezuz a ouelas.

Sant Ian 11:38

Neuze Jezuz, o huanadiñ a-nevez ennañ e-unan, a zeuas d’ar bez. Ur c’hev e oa hag ur maen a oa bet lakaet warnañ.

Sant Ian 11:41

Lemel a rejont eta ar maen eus al lec’h ma oa gourvezet an hini marv. Jezuz, o sevel e zaoulagad war-zu an neñv, a lavaras: Tad, da drugarekaan peogwir ec’h eus va selaouet.

Sant Ian 11:43

Goude bezañ lavaret kement-se, e krias a vouezh uhel: Lazar, deus er-maez!

Sant Ian 17:1

Jezuz a gomzas evel-se, ha neuze, o sevel e zaoulagad etrezek an neñv, e lavaras: Tad, an eur a zo deuet. Ro gloar da’z Mab, evit ma roio gloar da Vab dit,

Actou an Ebestel 9:34

Pêr a lavaras dezhañ: Ene, Jezuz ar C’hrist a yac’ha ac’hanout, sav ha fich da wele. Ha raktal e savas.

Actou an Ebestel 9:40

Pêr, o vezañ kaset an holl er-maez, en em lakaas war e zaoulin hag a bedas. Hag, o treiñ etrezek ar c’horf, e lavaras: Tabita, sav! Hi a zigoras he daoulagad hag, o vezañ gwelet Pêr, ec’h azezas.

Hebreed 4:15

Rak n’hon eus ket ur beleg-meur na c’hellfe ket kaout truez d’hon dinerzhded, er c’hontrol temptet eo bet eveldomp en holl draoù, met hep pec’hiñ.