Levr Rud 4:6 - Bibl Koad 21: Ar Bibl e Brezhoneg evit ar Vretoned

⁶ An hini a c'helle dasprenañ a lavaras: N'on ket evit dasprenañ, gant aon na foeltrfen va hêrezh. Te, daspren ar pezh a c'hellan dasprenañ, pa n'on ket evit dasprenañ evidon.

Levr Rud 4:6 Referencias Cruzadas

Geneliezh 38:8

Neuze Juda a lavaras da Onan: Kae davet gwreg da vreur, kemer anezhi evel breur-kaer ha sav ul lignez da'z preur.

Leviegezh 25:25

Mar deu da vreur da vezañ paour ha mar gwerzh ul lodenn eus e berc’henniezh, ha mar deu e gar nesañ da zasprenañ, ec’h adpreno ar pezh en devo gwerzhet e vreur.

Adlezenn 25:7

Ma ne fell ket d'an den-se kemer e c'hoar-gaer, e pigno e c'hoar-gaer betek an nor da gavout an henaourien hag e lavaro: Va breur-kaer ne fell ket dezhañ adsevel anv e vreur en Israel, ne raio ket evel ma'z eo dereat d'ur breur-kaer.

Adlezenn 25:8

Henaourien kêr a c'halvo anezhañ hag a gomzo outañ. Mar chom start ha ma lavar: Ne fell ket din kemer anezhi,

Adlezenn 25:9

neuze e c'hoar-gaer a dostaio outañ dirak an henaourien hag a lamo e votez diwar e droad hag a grañcho ouzh e zremm hag a responto o lavarout: Evel-se e vo graet d'an den na sav ket ti e vreur.

Levr Rud 2:20

Naomi a lavaras d'he merc'h-kaer: Ra vo benniget gant an AOTROU, a ziskouez an hevelep trugarez e-keñver ar re vev hag e-keñver ar re varv! Naomi a lavaras ivez: An den-mañ a zo kar deomp, hag emañ eus ar re o deus warnomp an droed a zaspren.

Levr Rud 3:13

Chom amañ an nozvezh-mañ, ha setu a-benn warc'hoazh, ma fell dezhañ da zasprenañ, mat e vo, e taspreno, met ma ne blij ket dezhañ da zasprenañ, me a zaspreno ac'hanout; an AOTROU a zo bev. Chom gourvezet amañ betek ar mintin.

Levr Rud 3:9

Lavarout a reas dezhi: Piv out? Hi a respontas: Me eo Rud, da servijerez. Astenn da sae war da servijerez, dre ma c'hellez va dasprenañ.