Leviegezh 3:16 - Bibl Koad 21: Ar Bibl e Brezhoneg evit ar Vretoned

¹⁶ An aberzhour a lakaio da vogediñ kement-se war an aoter. Ar boued eus ur prof graet dre an tan e vo, ur c’hwezh dudius; an holl lard a vo d’an AOTROU.

Leviegezh 3:16 Referencias Cruzadas

Geneliezh 4:4

hag Abel a ginnigas ivez eus ar re gentañ-ganet eus e dropell hag eus o lard. An AOTROU en doe evezh ouzh Abel hag ouzh e brof,

2 Danevelloù 29:35

Bez' e voe ivez un niver bras a loskaberzhoù, gant lardoù an aberzhoù a drugarekadennoù, ha gant evadkinnigoù al loskaberzhoù. Evel-se servij ti an AOTROU a voe adsavet.

2 Danevelloù 7:7

Salomon a santelaas kreiz al leurenn a oa dirak ti an AOTROU, rak kinnig a reas eno al loskaberzhoù ha lard an aberzhoù a drugarekadennoù, rak an aoter arem graet gant Salomon ne c'helle ket kenderc'hel al loskaberzhoù, an donezonoù hag al lard.

Ermaeziadeg 29:13

Kemer a ri an holl lard a c'holo ar bouzelloù, ar flip a zo war an avu, an div lounezh gant al lard a zo warno, hag o lakai da vogediñ war an aoter.

Ermaeziadeg 29:22

Kemer a ri lard an tourz, al lost, al lard a c'holo ar bouzelloù, ar flip a zo war an avu, an div lounezh gant al lard a zo warno, ar skoaz dehou rak un tourz a ouestladur eo,

Izaia 53:10

Plijet eo bet gant an AOTROU e vreviñ, e lakaet en deus er poanioù. Goude bezañ kinniget e ene evel aberzh a gablusted, e welo ul lignez, hiraat a raio e zeizioù, ha plijadur an AOTROU a raio berzh dre e zorn.

Ezekiel 44:15

Met an aberzhourien Levited, mibien Zadok, o deus miret servij va santual, pa o deus diheñchet diouzhin mibien Israel, int a dostaio ouzhin evit va servijañ hag en em zalc'ho dirazon evit kinnig din lard ha gwad, eme an Aotrou AOTROU.

Leviegezh 17:6

An aberzhour a skuilho ar gwad war aoter an AOTROU ouzh digor teltenn an engalv, hag e lakaio al lard da vogediñ; ur c’hwezh dudius d’an AOTROU e vo.

Leviegezh 4:26

Lakaat a raio an holl lard da vogediñ war an aoter evel lard an aberzh a drugarekadennoù. Evel-se e raio an aberzhour an dic’haou eus e bec’hed evit ar penn-bras-mañ, hag e vo pardonet dezhañ.

Leviegezh 4:31

An aberzhour a lamo an holl lard evel ma vez lamet lard an aberzh a drugarekadennoù, hag en lakaio da vogediñ war an aoter; ur c’hwezh dudius d’an AOTROU e vo. Evel-se e raio an aberzhour an dic’haou evit an den-mañ, hag e vo pardonet dezhañ.

Leviegezh 8:25

Kemer a reas al lard, al lost, an holl lard a c’holo ar bouzelloù, ar flipezenn a zo war an avu, an div lounezhenn gant o lard hag ar skoaz dehou;

Leviegezh 9:24

An tan a zeuas er-maez a-zirak an AOTROU, hag a guzumas war an aoter al loskaberzh hag al lard. An holl bobl henn gwelas hag en ur leuskel kriadennoù a levenez e em daoljont war o dremmoù.

Mazhev 22:37

Jezuz a lavaras dezhañ: Karout a ri an Aotrou da Zoue, eus da holl galon, eus da holl ene, eus da holl soñj.