Leviegezh 19:15 - Bibl Koad 21: Ar Bibl e Brezhoneg evit ar Vretoned

¹⁵ Ne ri ket a zireizhder en da varnedigezh, ne zougi ket bri d’an den paour ha n’enori ket an den bras, met e varni da nesañ gant reizhder.

Leviegezh 19:15 Referencias Cruzadas

Levr Job 13:8

Daoust hag e savit anezhañ, hag e vreutait evit Doue?

Levr Job 32:21

Ne rin van eus diavaez an dud, ha ne loavin den ebet.

Levr Job 34:19

Piv a ra van ebet eus ar re vras, ha n'anavez ket ar pinvidig muioc'h eget ar paour? Rak ez int holl oberoù e zaouarn.

Salmoù 82:2

Betek pegoulz e viot barnerien disleal, hag e reot van ouzh diavaez ar re zrouk?

Ermaeziadeg 18:21

Dibab a-douez ar bobl holl tud barrek o toujañ Doue, tud leal o kasaat ar gounid dizonest, ha laka anezho warno evel renerien a vilieroù, renerien a gantoù, renerien a hanter-kantoù ha renerien a zegoù.

Krennlavarioù 18:5

N'eo ket mat lakaat evezh ouzh an den drouk, evit ober gaou d'an hini reizh er varnedigezh.

Krennlavarioù 24:23

Setu ivez ar pezh a zeu eus ar re fur: n'eo ket mat sellout ouzh diavaez an dud er varnedigezh.

Krennlavarioù 31:9

Digor da c'henoù, barn gant reizhder, breuta kaoz ar beorien hag an ezhommeien.

Leviegezh 19:35

Ne reot ket a zireizhder er barnedigezhioù nag er muzulioù nag er pouezioù nag en endalc’hioù.

Sant Ian 7:24

Na varnit ket hervez an diavaez, met barnit hervez ar reizhder.

Actou an Ebestel 23:3

Neuze Paol a lavaras dezhañ: Doue a skoio ac’hanout moger wennaet! Azezet out evit va barn hervez al lezenn, hag e terrez al lezenn o c’hourc’hemenn va skeiñ.

Adlezenn 1:17

Ne reot van eus diavaez an dud er barnedigezhioù, selaou a reot an hini bihan evel an hini bras, n'ho po aon rak den ebet, rak ar varn a zo da Zoue, hag e lakaiot da zont dirazon an dra a vo re ziaes evidoc'h, ha me he c'hlevo.

Adlezenn 10:17

Rak an AOTROU ho Toue eo Doue an doueoù had Aotrou an aotrounez, an Doue bras, galloudek ha spontus, na ra van ebet eus diavaezioù an dud ha na gemer ket a zonezon,

Adlezenn 16:19

Ne wei ket ar barnedigezhioù, ne ri van eus diavaez an dud, ne zegemeri ket donezonoù, rak an donezonoù a zall daoulagad ar re fur hag a vrein komzoù ar re reizh.

Adlezenn 27:19

Milliget ra vo an hini a gemm barnedigezh un diavaeziad, un emzivad, un intañvez! Hag an holl bobl a lavaro: Amen!