Leviegezh 16:12 - Bibl Koad 21: Ar Bibl e Brezhoneg evit ar Vretoned

¹² Kemer a raio un ezañsouer leun a c’hlaou-bev a-ziwar an aoter dirak an AOTROU ha daou zornad ezañs a c’hwezh-vat poultrek, hag e tougo an traoù-se en diabarzh ar ouel.

Leviegezh 16:12 Referencias Cruzadas

Ermaeziadeg 31:11

eoul an oleviadur hag an ezañs a c'hwezh-vat evit al lec’h santel. Ober a raint hervez kement am eus gourc’hemennet dit.

Ermaeziadeg 37:29

Ober a reas an eoul evit an oleviadur santel, hag an ezañs glan a c'hwezh-vat, graet hervez ijin ar fronder.

Leviegezh 10:1

Nadab hag Abihu, mibien Aaron, a gemeras pep hini e ezañsouer, a lakaas tan ennañ, a lakaas ezañs warnañ hag a ginnigas dirak an AOTROU un tan estren, ar pezh n’en doa ket gourc’hemennet.

Niveroù 16:18

Kemer a reas pep hini anezho e bod-glaou-bev, lakaat a reas c'hwezh-vat ennañ, hag en em zalc'hjont ouzh digor teltenn an engalv gant Moizez hag Aaron.

Niveroù 16:46

Moizez a lavaras da Aaron: Kemer ar podoù-glaou-bev, laka tan ennañ a-ziwar an aoter, laka c'hwezh-vat warnañ, kae buan da gavout ar vodadenn ha gra dic'haou evito, rak ar gounnar a zo aet kuit a-zirak an AOTROU ha kroget eo ar gouli.

Adlezenn 33:10

Kelenn a raint da varnedigezhioù da Jakob, ha da lezenn da Israel. Lakaat a raint ar c'hwezh-vat dindan da zivfron, hag al loskaberzh war da aoter.

Hebreed 9:14

pegement muioc’h gwad Krist, hag a zo dre ar Spered peurbadus en em ginniget e-unan dinamm da Zoue, a c’hlanaio ho koustiañs eus an oberoù marv, evit ma servijot an Doue bev.

Hebreed 9:7

met ar beleg-meur e-unan a ya e-barzh an eilvet ur wech ar bloaz, nann hep dougen gwad kinniget evitañ e-unan hag evit pec’hedoù ar bobl.

1 Yann 1:7

Met mar kerzhomp er sklêrijenn, evel ma’z emañ e-unan er sklêrijenn, ez omp e kenunvaniezh an eil gant egile ha gwad Jezuz-Krist e Vab hor glana a bep pec’hed.

Apocalyps 8:5

An ael a gemeras an ezañsouer, a leunias anezhañ gant tan eus an aoter hag a daolas anezhañ war an douar. Hag e voe mouezhioù, kurunoù, luc’hed hag ur c’hren-douar.