Leviegezh 16:13 - Bibl Koad 21: Ar Bibl e Brezhoneg evit ar Vretoned

¹³ Lakaat a raio an ezañs war an tan dirak an AOTROU, evit ma c’holoio mogedenn an ezañs al lec’h-a-drugarez a zo war an Testeni, ha ne varvo ket.

Leviegezh 16:13 Referencias Cruzadas

Ermaeziadeg 25:21

Hag e lakai al lec'h-a-drugarez d'an nec'h war an arc'h, hag e lakai en arc'h an Testeni a roin dit.

Ermaeziadeg 28:43

Aaron hag e vibien a vo gwisket ganto pa'z aint e teltenn an engalv, pe pa dostaint ouzh an aoter evit ober servij el lec'h santel, ha ne vint ket kablus ha ne varvint ket. Ur gourc'hemenn peurbadus eo evitañ hag evit e ziskennidi war e lerc'h.

Ermaeziadeg 30:1

Ober a ri un aoter evit mogediñ an ezañs. Gant koad kasia e ri anezhi.

Leviegezh 22:9

Mirout a raint va barnedigezhioù, gant aon na zougint o fec’hedoù ha na varvint evit bezañ disakr. Me eo an AOTROU a santela anezho.

Niveroù 16:18

Kemer a reas pep hini anezho e bod-glaou-bev, lakaat a reas c'hwezh-vat ennañ, hag en em zalc'hjont ouzh digor teltenn an engalv gant Moizez hag Aaron.

Niveroù 16:46

Moizez a lavaras da Aaron: Kemer ar podoù-glaou-bev, laka tan ennañ a-ziwar an aoter, laka c'hwezh-vat warnañ, kae buan da gavout ar vodadenn ha gra dic'haou evito, rak ar gounnar a zo aet kuit a-zirak an AOTROU ha kroget eo ar gouli.

Niveroù 16:7

warc'hoazh, lakait tan enno ha lakait c'hwezh-vat warno dirak an AOTROU, hag an den a vo dibabet gant an AOTROU a vo santel. A-walc'h-se deoc'h, mibien Levi!

Niveroù 4:15

Goude m'o devo echuet Aaron hag e vibien da c’holeiñ ar santual ha traoù ar santual, pa'z aio ar c'hamp kuit, mibien Kehad a zeuio evit o dougen. Met ne stokint ket ouzh an traoù santel gant aon na varvfent. Setu karg mibien Kehad e-keñver teltenn an engalv.

Niveroù 4:20

met ned aint ket e-barzh da welout pa vo goloet an traoù santel, gant aon na varvfent.

Adlezenn 33:10

Kelenn a raint da varnedigezhioù da Jakob, ha da lezenn da Israel. Lakaat a raint ar c'hwezh-vat dindan da zivfron, hag al loskaberzh war da aoter.

Hebreed 7:25

Dre-se e c’hell salviñ ervat ar re a dosta ouzh Doue drezañ, pa’z eo bev bepred evit erbediñ evito.

Hebreed 9:24

Rak Krist n’eo ket aet e-barzh ur santual graet gant dorn an den evel skeudenn an hini gwirion, met aet eo e-barzh an neñv e-unan, evit en em ziskouez bremañ evidomp dirak Doue,