Leviegezh 11:32 - Bibl Koad 21: Ar Bibl e Brezhoneg evit ar Vretoned

³² Pa gouezho ur pezh bennak eus o c’horfoù marv war un dra bennak, an dra-se a vo dic’hlan, benveg-koad, dilhad, kroc’hen, sac’h, pep tra a vez graet implij anezhañ; lakaet e vo en dour hag e vo dic’hlan betek an noz, ha neuze e vo glan.

Leviegezh 11:32 Referencias Cruzadas

Leviegezh 11:31

Dic’hlan e vint evidoc’h e-touez an holl stlejviled; an hini a stoko outo pa vint marv a vo dic’hlan betek an noz.

Leviegezh 14:46

An hini a vo aet e-barzh an ti e-pad an holl amzer ma oa bet serret a vo dic’hlan betek an noz.

Leviegezh 15:12

Pep lestr-pri a vo stoket ennañ gant an hini en deus ar berad, a vo torret, ha pep lestr-koad a vo gwalc’het en dour.

Leviegezh 15:15

An aberzhour a ginnigo anezho, unan evel aberzh-dic’haouiñ hag eben evel loskaberzh. Evel-se e raio an aberzhour an dic’haou evitañ dirak an AOTROU, abalamour d’e verad.

Leviegezh 16:26

An hini en devo kaset kuit ar bouc’h evit Azazel a ganno e zilhad hag a walc’ho e gorf en dour; goude-se e teuio er c’hamp en-dro.

Leviegezh 17:15

Pep den, henvroad pe diavaeziad, a zebro ul loen marv pe diframmet, a ganno e zilhad, en em walc’ho en dour, hag e vo dic’hlan betek an noz. Neuze e vo glan.

Leviegezh 22:6

An hini a stoko ouzh an traoù-se a vo dic’hlan betek an noz; ne zebro ket traoù santel, met e walc’ho e gorf en dour;

Leviegezh 6:28

Al lestr-pri ma vo poazhet e-barzh a vo torret; mar d-eo poazhet en ur pod arem, e vo puret ha gwalc’het en dour.

Niveroù 19:15

Pep lestr digor, hep golo stag ebet, a vo dic'hlan.

Niveroù 19:7

An aberzhour a ganno e zilhad hag a walc'ho e gorf en dour. Goude-se e tistroio d'ar c'hamp, hag e vo dic'hlan an aberzhour betek an noz.

Titus 2:14

a zo en em roet e-unan evit hon dasprenañ a bep direizhder hag evit hor glanaat, evel ur bobl a zo dezhañ e-unan, gredus evit an oberoù mat.

Titus 3:5

en deus hor salvet, nann abalamour d’an oberoù a reizhder hor bije graet, met hervez e drugarez, dre walc’hadenn an eil c’hinivelezh ha dre nevezidigezh ar Spered-Santel,