Jozue 8:35 - Bibl Koad 21: Ar Bibl e Brezhoneg evit ar Vretoned

³⁵ Ne voe netra a gement en doa gourc'hemennet Moizez, ha ne voe lennet gant Jozue dirak holl vodadenn Israel, gant ar gwragez, ar vugale hag an diavaezidi a gerzhe en o zouez.

Jozue 8:35 Referencias Cruzadas

Ezdra 10:1

Evel ma pede Ezdra ha ma rae an anzav-se o ouelañ, stouet dirak ti Doue, un engroez bras, gwazed, maouezed ha bugale, en em zastumas davetañ, hag ar bobl a ouelas a-boullad.

Nehemia 8:2

D'an deiz kentañ eus ar seizhvet miz, Ezdra an aberzhour a zegasas al lezenn dirak ar vodadeg, gwazed ha maouezed, hag an holl re a oa gouest d'he c'hlevout.

Nehemia 8:3

Hag e lennas al levr war al leurenn a zo dirak dor an Doureier, adalek gouloù-deiz betek kreisteiz, dirak gwazed ha maouezed, hag an holl re a oa gouest d'e glevout. Divskouarn ar bobl a oa aketus ouzh lennadenn levr al lezenn.

Ermaeziadeg 12:38

Un niver bras a ziavaezidi a bignas ivez ganto, kenkoulz ha deñved, ejened ha loened niverus.

Jeremiaz 26:2

Evel-henn e komz AOTROU: En em zalc'h war leurenn ti an AOTROU, ha lavar da holl gêrioù Juda a zeu da stouiñ e ti an AOTROU an holl gomzoù am eus gourc'hemennet dit lavarout dezho; na lam ket ur ger.

Joel 2:16

Dastumit ar bobl, santelait ar vodadenn, dastumit an henaourien, dastumit ar vugale hag ar re a zen ar vronn. Ra zeuio ar gwaz-nevez eus e gambr hag ar plac'h-nevez eus he c'hambrig.

Zakaria 8:23

Evel-henn e komz AOTROU an armeoù: En deizioù-se, dek den a-douez holl yezhoù ar broadoù a grogo e pleg toneg ur yuzev en ur lavarout: Ni a yelo ganeoc'h, rak anavezet hon eus emañ Doue ganeoc'h.

Sant Marc 10:14

Jezuz, o welout-se, a yeas droug ennañ hag a lavaras dezho: Lezit ar vugale vihan da zont davedon ha na zifennit ket outo, rak rouantelezh Doue a zo d’ar re a zo heñvel outo.

Actou an Ebestel 20:27

rak disklêriet em eus deoc’h holl guzul Doue, hep kuzhat netra.

Actou an Ebestel 21:5

Met an devezhioù-se o vezañ tremenet ez ejomp kuit hag ec’h ambrougjont ac’hanomp holl gant o gwragez hag o bugale betek er-maez eus kêr. O vezañ daoulinet war an aod, hon eus pedet.

Adlezenn 29:10

En em gavit holl hiziv dirak an AOTROU ho Toue, pennoù ho meuriadoù, hoc'h henaourien, hoc'h ofiserien, holl wazed Israel,

Adlezenn 29:11

ho pugale, ho kwragez, da ziavaeziad a zo e-barzh da gamp, adalek da faouter koad betek da denner dour,

Adlezenn 29:9

Mirout a reot komzoù an emglev-mañ hag e reot diouto, evit ober berzh e kement a reot.

Adlezenn 31:12

Dastum ar bobl, gwazed, gwragez, bugale, hag an diavaeziad a vo e-barzh da zorojoù, evit ma klevint ha ma teskint doujañ an AOTROU ho Toue, ha ma virint holl gomzoù al lezenn-mañ ha ma raint diouto.

Adlezenn 4:2

Ne lakaiot netra ouzhpenn er c'homzoù a gemennan deoc'h ha ne lammot netra diouto, met mirout a reot gourc'hemennoù an AOTROU ho Toue a gemennan deoc'h.