Jozue 9:1 - Bibl Koad 21: Ar Bibl e Brezhoneg evit ar Vretoned

¹ Pa glevas an traoù-se an holl rouaned a oa en tu-mañ d'ar Jordan, er menez, er blaenenn ha war holl aodoù ar Mor Bras dirak al Liban, an Hitited, an Amoreaned, ar Gananeiz, ar Ferezianed, an Hevianed, ar Jebuziz,

Jozue 9:1 Referencias Cruzadas

2 Samuel 24:7

Dont a rejont ivez da greñvlec’h Tir hag en holl gêrioù an Hevianed hag ar Gananeiz, hag ec'h echujont dre greisteiz Juda e Beer-Sheba.

Ermaeziadeg 23:23

Rak va ael a gerzho dirazout hag a lakaio ac'hanout e bro an Amoreaned, an Hitited, ar Ferezianed, ar Gananeiz, an Hevianed hag ar Jebuziz, hag e kasin anezho da get.

Ermaeziadeg 23:31

Hag e lakain da harzoù adalek ar Mor Ruz betek Mor ar Filistined, hag adalek ar gouelec'h betek ar stêr, rak lakaat a rin etre ho taouarn tud ar vro hag o c'hasin kuit dirazout.

Ermaeziadeg 3:17

hag em eus lavaret: Me a lakaio ac'hanoc'h da bignat eus glac'har an Ejipt da vro ar Gananeiz, an Hitited, an Amoreaned, ar Ferezianed, an Hevianed hag ar Jebuziz, d'ur vro a zever gant laezh ha mel.

Ermaeziadeg 34:11

Laka evezh d'ar pezh a c'hourc'hemennan dit hiziv. Setu, ez an da gas kuit dirazout an Amoreaned, ar Gananeiz, an Hitited, ar Ferezianed, an Hevianed hag ar Jebuziz.

Niveroù 13:29

An Amalekited a zo o chom e bro ar c'hreisteiz, an Hitited, ar Jebuziz hag an Amoreaned a zo o chom er menez, ar Gananeiz a zo o chom e-kichen ar mor hag a-hed ar Jordan.

Niveroù 34:6

Diwar-benn harz ar c'huzh-heol, ar Mor Bras a vo an harz evidoc'h, hoc'h harz kornog e vo.

Adlezenn 1:7

Distroit hag it kuit, deuit war-zu menez an Amoreaned hag el lec'hioù tro-dro, d'ar blaenenn, d'ar menez, d'an draonienn, d'ar c'hreisteiz, da aod ar mor, da vro ar Gananeiz, d'al Liban betek ar stêr vras, ar stêr Efratez.

Adlezenn 3:25

Me az ped, ma tremenin ha ma welin ar vro vat-se a zo en tu all d'ar Jordan, ar menez mat-se hag al Liban.

Adlezenn 4:49

hag an holl blaenenn en tu-mañ d'ar Jordan, d'ar sav-heol, betek mor ar blaenenn e traoñ ar Pisga.

Adlezenn 7:1

P'en devo da lakaet an AOTROU da Zoue da vont er vro ma'z ez e-barzh d'he ferc'hennañ, ha p'en devo kaset kuit kalz a vroadoù azirazout, an Hitited, ar C'hirgazianed, an Amoreaned, ar Gananeiz, ar Ferezianed, an Hevianed, ar Jebuziz, seizh broad brasoc'h ha kreñvoc'h egedout,

Jozue 1:15

ken na roio diskuizh an AOTROU d'ho preudeur evel deoc'h, ha ken na berc'hennint int ivez ar vro emañ an AOTROU ho Toue o vont da reiñ dezho. Hag e tistroiot d'ar vro a zo deoc'h da berc'hennañ anezhi, an hini en deus roet deoc'h Moizez servijer an AOTROU en tu-mañ d'ar Jordan, war-zu ar sav-heol.

Jozue 1:4

Ho harzoù a vo adalek ar gouelec'h hag al Liban-mañ, adalek ar stêr, ar stêr Eufratez, holl vro an Hitited, betek ar Mor Bras er c'huzh-heol.

Jozue 10:23

Hag e rejont evel-se. Lakaat a rejont ar pemp roue da zont er-maez eus ar vougev, roue Jeruzalem, roue Hebron, roue Jarmud, roue Lakish ha roue Eglon, hag o degasjont dezhañ.

Jozue 11:17

adalek Menez Halak a bign da Seir, betek Baal-Gad e traonienn al Liban, e traoñ Menez Hermon. Hag e tapas ivez o holl rouaned, e skoas warno hag o lakaas d'ar marv.

Jozue 13:5

bro ar C'hibliz hag al Liban holl war-zu ar sav-heol, adalek Baal-Gad e traoñ Menez Hermon betek digor Hamad,

Jozue 15:12

An harz kornôg a oa ar Mor Bras hag e ribl. Evel-se e voe harzoù mibien Juda, a bep tu, hervez o ziegezhioù.

Jozue 22:4

Bremañ an AOTROU ho Toue en deus roet diskuizh d'ho preudeur, evel m'en doa lavaret. Distroit eta bremañ, kit d'ho teltennoù, d'ar vro a zo deoc'h, an hini en deus roet deoc'h Moizez servijer an AOTROU en tu all d'ar Jordan.

Jozue 22:7

Moizez en doa roet da un hanter eus meuriad Manase ul lodenn e Basan, ha Jozue a roas d'an hanter all ul lodenn gant o breudeur en tu-mañ d'ar Jordan, er c'huzh-heol. Pa gasas Jozue anezho d'o zeltennoù, e vennigas anezho,

Jozue 23:4

Gwelit, lodennet em eus deoc'h evel hêrezh, hervez ho meuriadoù, an holl vroadoù a zo chomet adalek ar Jordan, hag an holl vroadoù am eus distrujet betek ar Mor Bras war-zu ar c'huzh-heol.

Jozue 24:11

Tremenet hoc'h eus ar Jordan hag oc'h deuet da Jeriko. Tud Jeriko, an Amoreaned, ar Ferezianed, ar Gananeiz, an Hitited, ar C'hirgazianed, an Hevianed, ar Jebuziz a reas brezel deoc'h; hag o lakaet em eus etre ho taouarn.

Jozue 3:10

Jozue a lavaras: Dre gement-mañ e oueziot penaos emañ an Doue bev en ho touez, ha penaos e kaso kuit a-zirazoc'h ar Gananeiz, an Hitited, an Hevianed, ar Ferezianed, ar C'hirgazianed, an Amoreaned hag ar Jebuziz,

Jozue 3:17

An aberzhourien a zouge arc'h emglev an AOTROU a chomas start, a-sav, war ar sec'h e-kreiz ar Jordan, e-pad ma tremenas holl Israel war ar sec'h, ken n'o doe an holl bobl echuet tremen ar Jordan.

Jozue 5:1

Pa glevas holl rouaned an Amoreaned a oa en tu all d'ar Jordan war-zu ar c'huzh-heol, hag holl rouaned ar Gananeiz a oa e-kichen ar mor, penaos en doa disec'het an AOTROU doureier ar Jordan dirak mibien Israel ken na oant tremenet, o c'halonoù a deuzas ha ne voe ken a nerzh-kalon enno dirak mibien Israel.

Jozue 6:27

An AOTROU a voe gant Jozue, hag ar vrud anezhañ en em skuilhas dre ar vro holl.

Jozue 9:7

Tud Israel a respontas d'an Hevianed-se: Marteze emaoc'h o chom en hon touez, ha penaos a raimp un emglev ganeoc'h?