Jozue 6:24 - Bibl Koad 21: Ar Bibl e Brezhoneg evit ar Vretoned

²⁴ Hag e tevjont en tan kêr ha kement a oa enni. Nemet an arc'hant hag an aour gant pep tra arem hag houarn a lakajont e teñzor ti an AOTROU .

Jozue 6:24 Referencias Cruzadas

2 Samuel 10:5

Ha kement-se a voe lavaret da Zavid, a gasas tud en arbenn dezho, rak mezhek-tre e oa an dud-se. Ar roue a lavaras dezho: Chomit e Jeriko ken na vo bountet ho parv, ha neuze e tistroiot.

2 Rouned 25:9

Deviñ a reas ti an AOTROU, ti ar roue hag holl diez Jeruzalem. An holl diez bras a voe devet dre an tan.

1 Danevelloù 18:11

Ar roue David a gensakras anezho d'an AOTROU , gant an arc'hant hag an aour en doa degaset eus an holl vroadoù, eus Edom, eus Moab, eus mibien Ammon, eus ar Filistined hag eus Amalek.

Niveroù 31:10

Tangwallañ a rejont o holl gêrioù ma oant o chom enno, gant o holl gampadurioù.

Adlezenn 13:16

Dastum a ri e-kreiz al leurgêr hec'h holl ziwisk hag e tevi en tan ar gêr gant hec'h holl ziwisk dirak an AOTROU da Zoue. Ur yoc'h e vo da viken ha ne vo ken adsavet.

Adlezenn 13:17

Ne chomo netra ez torn eus ar pezh a zo lakaet da verz, evit ma tistroio an AOTROU eus gwrez e gounnar, ma raio dit truez, m'en devo trugarez ouzhit ha ma lakaio ac'hanout da greskiñ, evel m'en deus touet da'z tadoù,

Adlezenn 20:16

Met e kêrioù ar pobloù-mañ a ro dit an AOTROU da Zoue evel hêrezh, ne lezi da vevañ netra eus ar pezh en deus c'hwezh ennañ.

Jozue 11:11

Lazhañ a rejont gant barvenn ar c'hleze an holl dud a oa enni, hag e lakajont anezhi da verz; ne chomas netra eus ar pezh a anale, hag e voe devet Hazor en tan.

Jozue 6:19

An holl arc'hant hag an holl aour gant pep tra arem hag houarn a vo santelaet d'an AOTROU ; mont a raint e teñzor an AOTROU .

Jozue 6:25

Jozue a lezas bev Rahab ar c'hast, tiegezh he zad hag he holl re. Chomet eo e-touez Israel betek hiziv, dre ma he doa kuzhet ar gannaded kaset gant Jozue da spiañ Jeriko.

Jozue 8:28

Jozue a zevas Ai, hag a reas anezhi ur bern peurbadus a zistruj, a zo chomet betek hiziv.

Apocalyps 17:16

An dek korn ac’h eus gwelet d’al loen a gasaio ar c’hast, he glac’haro, he diwisko, a zebro he c’hig hag he c’haso da netra gant an tan.

Apocalyps 18:8

dre-se, en un hevelep deiz, e teuio he goulioù: ar marv, ar c’hañv hag an naonegezh, hag e vo devet gant an tan. Rak galloudek eo an Aotrou Doue a varn anezhi.