Jozue 6:22 - Bibl Koad 21: Ar Bibl e Brezhoneg evit ar Vretoned

²² Jozue a lavaras d'an daou zen o doa spiet ar vro: Kit da di ar c'hast ha lakait da zont er-maez ar wreg-se hag he holl re, evel ma hoc'h eus touet dezhi.

Jozue 6:22 Referencias Cruzadas

2 Samuel 21:2

Ar roue a c'halvas ar C'habaoniz evit komz outo. Met ar C'habaoniz ne oant ket eus mibien Israel, un nemorant eus an Amoreaned e oant, ha mibien Israel a oa en em ereet en o c'heñver dre le. Koulskoude Saül a glaskas o lakaat da vervel en abeg d'e c'hred evit mibien Israel ha Juda.

2 Samuel 21:7

Ar roue a espernas Mefiboshed mab Jonatan, mab Saül, en abeg d'al le o doa graet etrezo dirak an AOTROU, David ha Jonatan mab Saül.

Salmoù 15:4

an hini a sell gant fae an den disprizus, an hini a enor ar re a zouj an AOTROU, an hini na cheñch ket e le zoken pa vefe en e c'haou,

Ezekiel 17:13

Kemeret en deus un diskennad eus ar roue, graet en deus emglev gantañ, e lakaet en deus d'ober le, ha tapet en deus galloudeien ar vro,

Ezekiel 17:16

Me a zo bev, eme an Aotrou AOTROU; a-dra-sur, e bro ar roue en deus e lakaet da ren, ha m'en deus disprizet e le ha torret e emglev, tost outañ, e-kreiz Babilon eo e varvo.

Hebreed 11:31

Dre ar feiz Rahab ar c’hast ne voe ket kollet asambles gant ar re zisent, dre ma he doa degemeret ar spierien e peoc’h.

Jozue 6:17

Kêr a vo lakaet da verz, hi ha kement a zo enni, evit an AOTROU . Met Rahab ar c'hast a vevo, hi hag an holl re a vo ganti en ti, rak kuzhet he deus ar gannaded hor boa kaset.

Jozue 6:23

An dud yaouank o doa spiet a yeas hag a lakaas da zont er-maez Rahab, he zad, he mamm, he breudeur hag he holl re, hag e lakajont da zont er-maez he holl diegezh, hag o lezjont er-maez eus kamp Israel.

Jozue 9:15

Jozue a reas ar peoc'h ganto hag a reas un emglev ganto, o warantiñ dezho ma vevjent. Hag ar re gentañ eus ar vodadenn a reas ul le dezho.

Ar Varnerien 1:25

Hag e tiskouezas dezho dre belec'h tremen evit mont e-barzh kêr, hag e skojont war gêr gant troc'h ar c'hleze. Met lezel a rejont an den-se da vont kuit gant e holl diegezh.