Jozue 5:7 - Bibl Koad 21: Ar Bibl e Brezhoneg evit ar Vretoned

⁷ Savet en deus o mibien en o lec'h, hag ar re-se eo a voe amdroc'het gant Jozue, rak diamdroc'h e oant, ne oant ket bet amdroc'het en hent.

Jozue 5:7 Referencias Cruzadas

Geneliezh 34:14

Lavarout a rejont: Un dra eo na c'hellomp ket ober, reiñ hor c'hoar d'un den diamdroc'h, rak kement-se a vefe ur vezh evidomp.

Niveroù 14:31

Ho pugale vihan, hoc'h eus lavaret diwar o fenn e vijent ur preizh eno, lakaat a rin anezho da vont e-barzh hag ec'h anavezint ar vro hoc'h eus disprizet.

Adlezenn 1:39

Ho pugale vihan, hoc'h eus lavaret diwar o fenn e vijent ur preizh enni, hag ho mibien n'anavezont ket hiziv ar pezh a zo mat pe fall, int eo ar re a yelo enni, dezho e roin anezhi, int a berc'henno anezhi.

Jozue 5:6

Mibien Israel o doa kerzhet er gouelec'h e-pad daou-ugent vloaz, ken na voe aet da get an holl bobl tud a vrezel a oa deuet er-maez eus an Ejipt ha n'o doa ket selaouet ouzh mouezh an AOTROU . An AOTROU en doa touet dezho n'o lezje ket da welout ar vro a douas an AOTROU reiñ deomp, ur vro a zever gant laezh ha mel.

Jozue 5:8

Pa voe echu amdroc'h an holl bobl, e chomjont er c'hamp betek ma voent pareet.