Jozue 5:6 - Bibl Koad 21: Ar Bibl e Brezhoneg evit ar Vretoned

⁶ Mibien Israel o doa kerzhet er gouelec'h e-pad daou-ugent vloaz, ken na voe aet da get an holl bobl tud a vrezel a oa deuet er-maez eus an Ejipt ha n'o doa ket selaouet ouzh mouezh an AOTROU . An AOTROU en doa touet dezho n'o lezje ket da welout ar vro a douas an AOTROU reiñ deomp, ur vro a zever gant laezh ha mel.

Jozue 5:6 Referencias Cruzadas

Salmoù 107:4

Kantren a raent er gouelec'h, en un hent digenvez, ha ne gavent ket ur gêr da chom enni.

Ermaeziadeg 3:17

hag em eus lavaret: Me a lakaio ac'hanoc'h da bignat eus glac'har an Ejipt da vro ar Gananeiz, an Hitited, an Amoreaned, ar Ferezianed, an Hevianed hag ar Jebuziz, d'ur vro a zever gant laezh ha mel.

Ermaeziadeg 3:8

Diskennet on evit o zennañ eus dorn an Ejipsianed hag evit o lakaat da vont eus ar vro-se etrezek ur vro vat ha ledan, ur vro a zever gant laezh ha mel, e-lec'h m'emañ o chom ar Gananeiz, an Hitited, an Amoreaned, ar Ferezianed, an Hevianed hag ar Jebuziz.

Jeremiaz 2:2

Kae ha youc'h ouzh divskouarn Jeruzalem, o lavarout: Evel-henn e komz an AOTROU: Soñj am eus ac'hanout, eus hegarated da yaouankiz, eus karantez da zimeziñ, pa zeues war va lerc'h er gouelec'h, en un douar na veze ket hadet.

Ezekiel 20:15

Savet em eus va dorn dirazo er gouelec'h, na gasfen ket anezho d'ar vro am boa roet dezho, ur vro a zever gant laezh ha mel, ar gaerañ eus an holl vroioù,

Ezekiel 20:6

en deiz-se em eus savet va dorn dirazo, evit tennañ anezho eus bro Ejipt etrezek ur vro am boa klasket evito, ur vro a zever gant laezh ha mel, ar gaerañ eus an holl vroioù,

Joel 3:18

En deiz-se e tevero ar menezioù a win, al laezh a ruilho war ar c'hrec'hiennoù, an dour a redo en holl wazhioù Juda. Un eienenn a zeuio er-maez eus ti an AOTROU hag a zouraio traonienn Sitim.

Niveroù 14:23

ne welint ket ar vro am eus touet reiñ d'o zadoù; an holl re o deus disprizet ac'hanon ne welint ket anezhi.

Niveroù 26:63

Setu ar re a voe niveret gant Moizez hag Eleazar an aberzhour, a niveras mibien Israel e plaenennoù Moab, e-kichen ar Jordan, a-dal da Jeriko.

Adlezenn 1:3

D'an daou-ugentvet bloaz, d'an unnekvet miz, d'an deiz kentañ eus ar miz, Moizez a lavaras da vibien Israel kement en doa gourc'hemennet an AOTROU dezhañ evito,

Adlezenn 2:14

An amzer ma'z omp bet o kerzhout eus Kadesh-Barnea betek tremen froud Sered a zo bet eizh vloaz ha tregont, betek ma voe kuzumet holl rummad an dud a vrezel a-greiz ar c'hamp, evel m'en doa touet an AOTROU dezho.

Adlezenn 2:7

Rak an AOTROU da Zoue en deus da venniget e kement a ri gant da zaouarn. Anavezet en deus da gerzhadeg dre ar gouelec'h bras-mañ. An AOTROU da Zoue a zo bet ganit e-pad an daou-ugent vloaz-se, ha netra n'en deus graet diouer dit.

Adlezenn 8:4

Da zilhad ne voent ket uzet warnout, ha da droad ne voe ket goeñvet e-pad an daou-ugent vloaz-se.

Hebreed 3:11

Touet em eus eta em c’hounnar: N’antreint ket em diskuizh.

Jozue 1:6

En em galoneka ha bez kreñv! Rak te eo a lakaio ar bobl-mañ da berc'hennañ ar vro am eus touet d'o zadoù reiñ dezho.

Jozue 24:7

Hag e krijont d'an AOTROU , a lakaas un deñvalijenn etrezoc'h hag an Ejipsianed; hag e tegasas warno ar mor, a c'holoas anezho. Ho taoulagad a welas ar pezh am eus graet d'an Ejipsianed. Hag ez oc'h chomet pell amzer er gouelec'h.

Jozue 5:5

Ya, an holl bobl a zeuas kuit a oa bet amdroc'het, met n'eo ket bet amdroc'het an holl bobl a zo bet ganet er gouelec'h, en hent, goude bezañ deuet er-maez eus an Ejipt.

Jozue 5:7

Savet en deus o mibien en o lec'h, hag ar re-se eo a voe amdroc'het gant Jozue, rak diamdroc'h e oant, ne oant ket bet amdroc'het en hent.