Jozue 18:7 - Bibl Koad 21: Ar Bibl e Brezhoneg evit ar Vretoned

⁷ Ne vo ket a lodenn evit al Levited en ho touez, rak ar servij evel aberzhourien d'an AOTROU eo o hêrezh. Gad, Ruben hag hanter-veuriad Manase o deus resevet o hêrezh en tu all d'ar Jordan, er sav-heol, ar pezh en deus roet dezho Moizez servijer an AOTROU .

Jozue 18:7 Referencias Cruzadas

Niveroù 18:20

An AOTROU a lavaras da Aaron: Ne vo hêrezh ebet evidout en o bro, ne vo lodenn ebet evidout en o zouez, me a vo da lodenn ha da hêrezh e-touez mibien Israel.

Niveroù 18:23

Al Levited eo ar re a raio servij teltenn an engalv, hag e tougint o direizhder. Ur reolenn beurbadus e vo a rummadoù da rummadoù, ne vo hêrezh ebet evito e-touez mibien Israel.

Niveroù 18:7

Te ha da vibien ganit a viro ar servij evel aberzhourien e kement a sell ouzh an aoter hag ouzh ar pezh a zo e diabarzh ar ouel, ho servij e vo. Reiñ a ran deoc'h ar velegiezh, ar servij roet deoc'h eo. An diavaeziad a dostaio a vo lakaet d'ar marv.

Adlezenn 10:9

Setu perak n'en deus Levi na lodenn na hêrezh gant e vreudeur, an AOTROU eo e hêrezh, evel m'en deus lavaret an AOTROU da Zoue dezhañ.

Jozue 12:6

Moizez servijer an AOTROU ha mibien Israel a bilas anezho, ha Moizez servijer an AOTROU a roas d'o ferc'hennañ d'ar Rubeniz, d'ar C'hadiz ha da hanter-veuriad Manase.

Jozue 13:33

Moizez ne roas ket a hêrezh da veuriad Levi, an AOTROU Doue Israel a voe o hêrezh, evel m'en doa lavaret dezho.