Jozue 18:12 - Bibl Koad 21: Ar Bibl e Brezhoneg evit ar Vretoned

¹² O harz hanternoz a yae adalek ar Jordan, hag e pigne war gostez hanternoz Jeriko, hag e pigne er menez war-zu ar c'huzh-heol, hag e tape gouelec'h Betaven,

Jozue 18:12 Referencias Cruzadas

Ozea 10:5

Tud Samaria a vo spouronet abalamour da leueoù Betaven. Rak ar bobl a raio kañv warno, hag o aberzhourien a greno evit o gloar a ya da vont kuit eus o c'hreiz.

Ozea 4:15

Mar gastaouez, Israel, ra ne zeuio ket Juda da vezañ kablus. N'it ket da C'hilgal, na bignit ket da Vetaven, ha na douit ket: An AOTROU a zo bev!

Ozea 5:8

Sonit ar shofar e Gibea, sonit an drompilh e Rama, laoskit kriadennoù e Betaven, emaomp war da lerc'h, Benjamin!

Jozue 16:1

Setu al lodenn degouezhet dre ar sord da vibien Jozef. En em astenn a rae adalek ar Jordan e-kichen Jeriko da zoureier Jeriko ouzh ar reter, betek ar gouelec'h a bign eus Jeriko da venez Betel,

Jozue 18:11

Hag ar sord a gouezhas war veuriad mibien Benjamin, hervez o ziegezhioù, hag an douar a roas ar sord dezho a zegouezhas etre mibien Juda ha mibien Jozef.

Jozue 2:1

Jozue mab Nun a gasas e kuzh eus Sitim daou spier o lavarout: Kit da spiañ ar vro, ha Jeriko. Mont a rejont eta hag e teujont da di ur c'hast anvet Rahab, hag e kouskjont eno.

Jozue 3:16

an doureier a ziskenne eus krec'h a chomas a-sav, en ur bern, pell bras, tost da gêr Adam a zo eus tu Zartan, hag a re a ziskenne war-zu mor ar blaenenn, Mor an Holen, a voe troc'het holl. Hag ar bobl a dremenas a-dal da Jeriko.

Jozue 6:1

Jeriko a oa kloz, klozet e oa gant evezh abalamour da vibien Israel; den ne yae er-maez ha den ne yae e-barzh.

Jozue 7:2

Jozue a gasas tud eus Jeriko da Ai, e-kichen Betaven, e sav-heol da Vetel, hag a lavaras dezho: Pignit da spiañ ar vro. An dud a bignas hag a spias Ai.

Jozue 8:15

Jozue hag holl Israel a reas van da vezañ pilet dirazo hag a dec'has war-zu ar gouelec'h.

1 Samuel 13:5

Hag ar Filistined en em zastumas evit ober brezel da Israel, gant tregont mil karr ha c'hwec'h mil marc'heger, hag ur bobl niverus evel an traezh a zo war vord ar mor. Pignat a rejont hag e kampjont e Mikmash, ouzh sav-heol Bet-Aven.