Jozue 18:1 - Bibl Koad 21: Ar Bibl e Brezhoneg evit ar Vretoned

¹ Holl vodadenn mibien Israel en em zastumas e Silo, hag e lakajont eno teltenn an engalv. Ar vro a oa bet mestroniet ganto.

Jozue 18:1 Referencias Cruzadas

2 Samuel 7:6

Rak n'on ket bet o chom en un ti abaoe an deiz ma em eus lakaet mibien Israel da bignat eus an Ejipt betek hiziv, met kerzhet em eus amañ hag ahont dindan un deltenn hag un tabernakl.

1 Rouaned 14:2

Jeroboam a lavaras d'e wreg: Sav bremañ hag en em zic'hiz, ma ne vo ket gouezet ez out gwreg Jeroboam, ha kae da Silo. Eno emañ ar profed Akija, an hini en deus lavaret e vefen roue war ar bobl-mañ.

1 Rouaned 14:4

Gwreg Jeroboam a reas evel-se, sevel a reas, mont a reas da Silo, hag ez eas da di Akija. Akija ne c'helle ket gwelout, rak e zaoulagad a oa teñvalaet gant ar gozhni.

1 Rouaned 2:27

Evel-se Salomon a gasas Abiatar kuit, ha ne voe ken aberzhour d'an AOTROU, evit ma vefe sevenet ar gomz en doa disklêriet an AOTROU e Silo a-enep ti Heli.

Nehemia 9:24

O mibien a zeuas e-barzh hag a berc'hennas ar vro, izelaet ec'h eus dirazo ar Gananeiz, annezidi ar vro, hag o lakaet ec'h eus etre o daouarn, gant o rouaned ha pobloù ar vro, evit ma rafent dezho hervez o c'hoant.

Salmoù 78:60

Dilezel a reas tabernakl Silo, an deltenn en doa savet e-touez an dud.

Salmoù 78:66

Kas a reas e enebourien kuit, en ur vec'hiañ anezho a zismegañs peurbadus.

Jeremiaz 26:6

me a lakaio an ti-mañ evel Silo, hag e rin eus ar gêr-mañ ur vallozh evit holl vroadoù an douar.

Jeremiaz 26:9

Perak e profedez en anv an AOTROU o lavarout: An ti-mañ a vo evel Silo, hag ar gêr-mañ a vo gwastet ha ne vo ken a dud enni? Hag an holl bobl a vodadas en-dro da Jeremiaz e ti an AOTROU.

Jeremiaz 41:5

e teuas tud eus Sichem, eus Silo hag eus Samaria, pevar-ugent den, touzet o barv ha roget o dilhad, o vezañ graet flañchoù dezho o-unan, gant profoù hag ezañs en o daouarn, evit o degas da di an AOTROU.

Niveroù 32:22

ma vo ar vro sujet dirak an AOTROU, ma tistroit goude-se, neuze e viot didamall e-keñver an AOTROU hag e-keñver Israel, hag ar vro-se a vo deoc'h, evel ho talc'h dirak an AOTROU.

Actou an Ebestel 7:45

Hon tadoù, o vezañ e gemeret, a zegasas anezhañ ganto dindan renerezh Jozue, er vro a oa perc’hennet gant ar broadoù a voe argaset a-ziaraok hon tadoù gant Doue, betek deizioù David.

Jozue 18:2

Met chomet e oa, e-touez mibien Israel, seizh meuriad ha n'o doa ket bet a hêrezh.

Jozue 18:8

An dud-se a savas hag a yeas. Jozue a c'hourc'hemennas d'ar re a yeas ober un tres eus ar vro, o lavarout: Kit, ergerzhit ar vro, grit un tres anezhi ha tistroit da'm c'havout, hag e taolin ar sord evidoc'h, amañ, dirak an AOTROU , e Silo.

Jozue 19:51

Setu an hêrezhioù a voe lodennet evel hêrezh gant Eleazar an aberzhour, Jozue mab Nun, ha pennoù-tadel meuriadoù mibien Israel, dre ar sord, e Silo, dirak an AOTROU , ouzh digor teltenn an engalv. Hag e voe echu da lodennañ ar vro.

Jozue 21:2

hag e komzjont outo e Silo, e bro Ganaan, o lavarout: An AOTROU en deus gourc'hemennet dre c'henoù Moizez reiñ deomp kêrioù evit chom enno, gant an douaroù tro-dro evit hol loened.

Jozue 22:12

Mibien Israel a glevas kement-se, hag holl vodadenn mibien Israel en em zastumas e Silo, evit pignat d'ober brezel dezho.

Jozue 22:19

Mard eo dic'hlan ar vro a berc'hennit, tremenit er vro a zo d'an AOTROU , e-lec'h ma chom tabernakl an AOTROU , hag e vo ho talc'h en hon touez. Met n'enebit ket ouzh an AOTROU ha na bellait ket diouzhimp, en ur sevel un aoter deoc'h, ouzhpenn aoter an AOTROU hon Doue.

Jozue 22:9

Mibien Ruben, mibien Gad hag hanter-veuriad Manase a zistroas hag a yeas kuit a-zigant mibien Israel, eus Silo a zo e bro Ganaan, evit mont da vro C'halaad, d'ar vro a berc'hennent, e-lec'h m'o doa bet o dalc'h, hervez gourc'hemenn an AOTROU dre c'henoù Moizez.

Ar Varnerien 18:31

Lakaat a rejont evito ar skeudenn gizellet en doa graet Mika, e-keit ha ma voe ti Doue e Silo.

Ar Varnerien 21:12

Hag e kavjont e-touez annezidi Jabez e Galaad pevar c'hant gwerc'h yaouank n'o doa anavezet den ha n'o doa kousket gant gwaz ebet, hag o degasjont d'ar c'hamp, da Silo a zo e bro Ganaan.

Ar Varnerien 21:19

Hag e lavarjont: Setu, bez' ez eus bep bloaz ur gouel d'an AOTROU e Silo, ouzh hanternoz Betel, er sav-heol eus an hent a bign eus Betel da Sichem, hag e kreisteiz Lebona.

1 Samuel 1:24

Adalek ma voe dizonet, e lakaas anezhañ da bignat ganti, hag e kemeras tri leue, un efa bleud hag ul lestrad gwin, hag e kasas anezhañ da di an AOTROU da Silo. Ar bugel a oa yaouank-kenañ c'hoazh.

1 Samuel 1:3

Ha bep bloaz, an den-mañ a bigne eus e gêr evit azeuliñ AOTROU an armeoù hag aberzhiñ dezhañ e Silo. Daou vab Eli, Hofni ha Fineaz a oa eno aberzhourien an AOTROU .