Jozue 17:18 - Bibl Koad 21: Ar Bibl e Brezhoneg evit ar Vretoned

¹⁸ Met ar menez a vo dit, ur goadeg eo, hag e troc'hi anezhi, hag he dibennoù a vo dit, rak e kasi kuit ar Gananeiz, petra bennak m'o deus kirri houarn ha petra bennak ma'z int kreñv.

Jozue 17:18 Referencias Cruzadas

Geneliezh 49:24

met e wareg a zo chomet start, e zivrec'h hag e zaouarn a zo bet nerzhet gant daouarn Galloudeg Jakob, mesaer ha roc'h Israel.

2 Samuel 18:6

Evel-se ar bobl a yeas er-maez en arbenn da Israel; an emgann a c'hoarvezas e koadeg Efraim.

Romaned 8:31

Petra a lavarimp eta diwar-benn an traoù-se? Mar d-eo Doue evidomp, piv a vo a-enep deomp?

Romaned 8:37

Met en holl draoù-se ez omp ouzhpenn trec’herien dre an hini en deus hor c’haret.

Adlezenn 33:17

Bez' en deus kaerded ar c'hentañ-ganet eus e goleoù, e gerniel a zo kerniel ur bual; ganto e vroudo ar pobloù a-gevret, betek pennoù an douar, bez' ez int dekviliadoù Efraim, bez' ez int miliadoù Manase.

Hebreed 13:6

Evel-se e lavaromp gant fiziañs: An Aotrou eo va sikour, ne’m bo ket aon. Petra a c’hell an den ober din?

Jozue 13:6

hag holl annezidi ar menez, adalek al Liban betek Misrefod-Maim, hag an holl Sidoniz. Me o c'haso kuit dirak mibien Israel. Laka hepken kement-se evel hêrezh da Israel, evel ma em eus gourc'hemennet dit,

Jozue 15:9

hag en em astenne an harz eus lein ar menez da gavout mammenn doureier Neftoa, hag ez ae da gavout kêrioù menez Efron, hag e plege an harz war-zu Baala, a zo Kirjad-Jearim,

Jozue 17:17

Jozue a lavaras da di Jozef, da Efraim ha da Vanase: Te a zo ur bobl niverus, hag ec'h eus ur galloud bras, ne vo ket ul lodenn hepken evidout.

Jozue 20:7

Santelaat a rejont eta Kedesh e Galilea, e menez Neftali, Sichem e menez Efraim, ha Kirjad-Arba, a zo Hebron, e menez Juda.

1 Samuel 1:1

Bez' e oa un den eus Ramataim-Zofim, eus menez Efraim, a oa e anv Elkana mab Jeroboam, mab Elihu, mab Tohu, mab Zuf, un Efratiad.