Jeremiaz 5:22 - Bibl Koad 21: Ar Bibl e Brezhoneg evit ar Vretoned

²² Ha ne zoujot ket ac'hanon, eme an AOTROU, ha ne grenot ket dirazon? Me am eus lakaet an traezh evel harz d'ar mor, dre ur reolenn beurbadus na dremeno ket. E goummoù a fiñv met dic'halloud int, krozal a reont met ne dremenint ket dreist.

Jeremiaz 5:22 Referencias Cruzadas

Geneliezh 1:9

Doue a lavaras: Ra en em zastumo an doureier a zo dindan an neñvoù en ul lec'h hepken, ma en em ziskouezo ar sec'h. Hag evel-se e voe.

1 Rouaned 13:28

Mont a reas hag e kavas ar c'horf astennet war an hent, hag an azen hag al leon en em zalc'he e-kichen ar c'horf. Al leon n'en doa ket debret ar c'horf na diframmet an azen.

Levr Job 26:10

Merket en deus ur c'helc'h war an doureier, evel bevenn etre sklêrijenn ha teñvalijenn.

Levr Job 37:24

Setu perak an dud a zouj anezhañ. Ne sell ket ouzh ar re a zo fur a galon.

Levr Job 38:8

Piv en deus endalc'het ar mor gant dorojoù, p'en deus strinket er-maez eus ar mammog,

Salmoù 104:9

Un harz ec'h eus lakaet d'an doureier ha ne dremenint ket pelloc'h, ne zistroint ket da c'holeiñ an douar.

Salmoù 119:120

Va c'hig a gren gant an aon am eus razout, hag e toujan da varnedigezhioù.

Salmoù 33:7

Dastum a ra doureier ar mor evel ur bern, hag e laka ar c'hoummadoù e stankadennoù.

Salmoù 46:3

Setu perak n'hor bo ket aon pa vefe kemmesket an douar, pa vefe brañsellet ar menezioù e-kreiz ar mor,

Salmoù 99:1

An AOTROU a ren, ra greno ar pobloù! Azezet eo etre ar cherubined, ra vrañsello an douar.

Krennlavarioù 8:29

pa roe e reolennoù d'ar mor, evit na dremenje ket e zoureier o harz, pa lakae diazezoù an douar,

Izaia 50:2

Perak ne'm eus kavet den pa'z on deuet? Perak n'en deus respontet den pa em eus galvet? Va dorn, ha re verr eo evit dieubiñ? Ha n'eus ket a nerzh ennon evit saveteiñ? Setu e lakaan ar mor da zisec'hañ pa c'hourdrouzan anezhañ, hag e troan ar stêrioù e gouelec'h, o fesked o vreinañ dre ziouer a zour, marvet gant ar sec'hed.

Izaia 64:2

hag evel ma krog an tan er c'hoad sec'h ha ma laka an tan an dour da virviñ, e rofes da anavezout da anv da'z enebourien, hag ar broadoù a grenfe dirazout!

Izaia 66:5

Selaouit komz an AOTROU, c'hwi a gren d'e gomz: Lavaret eo bet gant ho preudeur a gasa hag a zistaol ac'hanoc'h en abeg da'm anv: Ra ziskouezo an AOTROU e c'hloar! Gwelet e vo evit ho levenez, hag e vint mezhek.

Jeremiaz 10:7

Piv ne zoujfe ket ac'hanout, Roue ar broadoù? Kement-se a zo dleet dit, rak e-touez re furañ ar broadoù, hag en holl rouantelezhioù, den n'eo heñvel ouzhit.

Jeremiaz 2:19

Da zrougiezh az kastizo, da zianzavadur az kourdrouzo, hag e ouezi hag e weli ez eo un dra fall ha c'hwerv, ma az pefe dilezet an AOTROU da Zoue, ha ma ne vefe ket va doujañs ennout, eme an Aotrou AOTROU an armeoù.

Jeremiaz 31:35

Evel-henn e komz an AOTROU, a ro an heol evit bezañ sklerijenn an deiz, a reizh al loar hag ar stered evit bezañ sklerijenn an noz, a faout ar mor hag e goummoù a groz, a zo e anv AOTROU an armeoù:

Daniel 6:26

Eus va ferzh ez eo roet an urzh-mañ: E-barzh va holl rouantelezh, ra vo doujañs ha spont e-keñver Doue Daniel, rak an Doue bev eo, hag e chom da virviken, hag e rouantelezh ne vo ket distrujet, hag e ren a bado betek an diwezh.

Amoz 4:12

Setu perak e rin dit en hevelep doare, Israel. Ha peogwir e rin dit evel-se, bez prest d'en em gavout gant da Zoue, o Israel!

Amoz 9:6

Sevel a ra en neñvoù e solieradurioù, diazezet en deus e volz war an douar, gervel a ra doureier ar mor, hag e skuilh anezho war-c'horre an douar, an AOTROU eo e anv.

Jonaz 1:16

Un doujañs vras e-keñver an AOTROU a grogas en dud-mañ, hag e kinnigjont aberzhoù d'an AOTROU hag e rejont gouestloù.

Nahum 1:4

Gourdrouz a ra ar mor hag e tisec'h, kas a ra da hesk an holl stêrioù. Ar Basan hag ar C'harmel a goazh, bleuñv al Liban a goazh.

Mazhev 10:28

N’ho pet ket aon dirak ar re a lazh ar c’horf ha ne c’hellont ket lazhañ an ene. Doujit kentoc’h an hini a c’hell lakaat an ene hag ar c’horf er gehenn.

Sant Marc 4:39

O vezañ dihunet, e c’hourdrouzas d’an avelioù hag e lavaras d’ar mor: Tav! Bez sioul! An avel a davas hag e voe ur sioulder bras.

Sant Lucas 12:5

Met me a ziskouezo deoc’h piv a dleit doujañ. Doujit an hini en deus ar galloud da gas d’ar gehenn, goude m’en deus lazhet. Ya, a lavaran deoc’h, hennezh eo an hini a dleit doujañ.

Adlezenn 28:58

Ma ne virez ket an holl gomzoù eus al lezenn-mañ, a zo skrivet el levr-mañ, o toujañ anv glorius ha spontus an AOTROU da Zoue,

Apocalyps 15:4

Piv na zoujfe ket dit, Aotrou, ha na rofe ket gloar da’z anv? Rak te eo ar Sant hepken. An holl vroadoù a zeuio hag a blego d’an daoulin dirazout, dre ma’z eo bet da varnedigezhioù disklêriet.