Jeremiaz 5:21 - Bibl Koad 21: Ar Bibl e Brezhoneg evit ar Vretoned

²¹ Selaou eta kement-mañ, pobl sot ha diboell: Daoulagad hoc'h eus ha ne welit ket, divskouarn hoc'h eus ha ne glevit ket.

Jeremiaz 5:21 Referencias Cruzadas

Salmoù 94:8

Diwallit, c'hwi ar re ziskiantañ eus ar bobl! Tud diboell, pegoulz ho po skiant?

Krennlavarioù 17:16

Petra a servij ar priz e dorn an amoed evit prenañ furnez, pa vank ar galon?

Izaia 27:11

Pa vez sec'h ar skourroù, e vint torret, hag ar merc'hed a zeuio da enaouiñ un tan. Ar bobl-mañ n'he deus ket a skiant, en abeg da-se an hini en deus o c'hrouet n'en devo ket truez outo, an hini en deus o stummet ne raio ket trugarez dezho.

Izaia 43:8

Ra vo lakaet da zont er-maez ar bobl dall hag o deus daoulagad, ar re vouzar hag o deus divskouarn.

Izaia 44:18

N'anavezont ha ne gomprenont netra. Goloet eo o daoulagad ha ne c'hellont ket gwelout, o c'halon ha ne c'hellont ket kompren.

Jeremiaz 10:8

Holl int a-gevret fall ha diboell. Ar c'hoad ne gelenn nemet mogidelloù.

Jeremiaz 4:22

Va fobl a zo diskiant, n'anavezont ket ac'hanon. Mibien sot, diboell, barrek d'ober an droug, n'ouzont ket ober ar mad.

Jeremiaz 5:20

Roit da anavezout kement-mañ da di Jakob, henn embannit e Juda, en ur lavarout:

Jeremiaz 5:4

Lavaret em eus: N'eo nemet ar re-vihan en em ziskouez diskiant, rak n'anavezont ket hent an AOTROU.

Jeremiaz 6:10

Ouzh piv e komzin ha da biv e lavarin, ma vin selaouet? Setu, o skouarn a zo diamdroc'h, ha ne c'hellont ket klevout. Setu, komz an AOTROU a zo evito un dra disprizus, ne gavont plijadur ebet enni.

Jeremiaz 7:13

Ha bremañ, peogwir e rit an oberoù-se, eme an AOTROU, hag em eus komzet deoc'h, komzet adalek ar beure ha n'hoc'h eus ket selaouet, peogwir em eus ho kalvet ha n'hoc'h eus ket respontet din,

Jeremiaz 8:7

Ar c'hwibon zoken, en oabl, a oar hec'h amzerioù, an durzhunell, ar wennili hag ar c'haran a zouj amzer o donedigezh, met va fobl n'anavez ket barnedigezh an AOTROU.

Ezekiel 12:2

Mab an den, emaout o chom e-touez un ti disent, daoulagad o deus evit gwelout ha ne welont ket, divskouarn o deus evit klevout ha ne glevont ket, rak un ti disent ez int.

Ozea 7:11

Efraim a zo evel ur goulm sot ha diskiant: gervel a reont an Ejipt, mont a reont da gavout Asiria.

Zakaria 7:11

Met ne fellas ket dezho selaou, tennet o deus o skoaz a-dreñv, ha pounneraet o deus o divskouarn evit chom hep klevout.

Sant Marc 4:12

evit o welout e welont ha n’anavezont ket, hag o klevout e klevont ha ne gomprenont ket, en aon na zistrofent ha na vefe pardonet dezho o fec’hedoù.

Sant Marc 8:18

O kaout daoulagad, ne welit ket? O kaout divskouarn, ne glevit ket? Ha n’hoc’h eus ket a soñj?

Sant Ian 12:40

Dallet en deus o daoulagad ha kaletaet o c’halon, gant aon na zeufe o daoulagad da welout, o c’halon da gompren, na zistrofent, ha na yac’hafen anezho.

Actou an Ebestel 28:26

pa en deus lavaret: Kae etrezek ar bobl-mañ ha lavar: C’hwi a glevo gant ho tivskouarn ha ne gomprenot ket. C’hwi a sello gant ho taoulagad ha ne welot ket.

Romaned 1:20

E gwirionez, traoù diwelus Doue, e c’halloud peurbadus hag e zoueelezh, a weler ken sklaer ha gant an daoulagad abaoe krouidigezh ar bed, pa seller outo a-dreuz e oberoù, en hevelep doare ma n’o deus digarez ebet,

Romaned 11:8

hervez ma’z eo skrivet: Doue en deus roet dezho betek an devezh-mañ ur spered a vorgousk, daoulagad ha ne welont ket, divskouarn ha ne glevont ket.

Adlezenn 29:3

an amprouennoù bras en deus gwelet da zaoulagad, ar sinoù hag ar burzhudoù bras.

Adlezenn 29:4

Met an AOTROU n'en deus ket roet deoc'h ur galon evit kompren, na daoulagad evit gwelout, na divskouarn evit klevout, betek hiziv.

Adlezenn 32:6

Hag evel-se eo e trugarekait an AOTROU, pobl diskiant hag hep furnez? Ha n'eo ket da dad, an hini en deus da brenet, an hini en deus da c'hraet ha da startaet?