Jeremiaz 49:1 - Bibl Koad 21: Ar Bibl e Brezhoneg evit ar Vretoned

¹ Diwar-benn mibien Ammon, evel-henn e komz an AOTROU: Israel, ha n'en deus mab ebet? Ha n'en deus heritour ebet? Perak en deus heritet Malkam eus Gad? Perak emañ o chom e bobl en e gêrioù?

Jeremiaz 49:1 Referencias Cruzadas

Geneliezh 19:38

An hini yaouankañ ivez a c'hanas ur mab hag en galvas Ben-Ammi. Hemañ eo tad an Ammoniz betek hiziv.

2 Rouned 10:33

adalek ar Jourdan betek ar sav-heol, holl vro Galaad, ar C'hadiz, ar Rubeniz, ar Vanasiz, hag adalek Aroer war froud Arnon betek Galaad ha Basan.

2 Rouned 24:2

An AOTROU a gasas a-enep dezhañ soudarded eus Kaldea, soudarded eus Siria, soudarded eus Moab, ha soudarded eus Ammon. O c'has a reas a-enep Juda evit e zistrujañ, hervez ar gomz en doa disklêriet an AOTROU dre e servijerien.ar brofeded.

2 Danevelloù 20:1

Goude an traoù-se, mibien Moab ha mibien Ammon, rak ganto e oa an Ammoniz, a zeuas a-enep Jozafad evit ober brezel dezhañ.

2 Danevelloù 20:23

Mibien Ammon ha Moab en em savas a-enep tud menez Seir, evel evit o lakaat da verz hag o distrujañ. Ha p'o doe echu gant tud Seir, en em sikourjont an eil egile d'en em zistrujañ kenetrezo.

Nehemia 2:19

Met Samballad an Horonad, Tobija ar servijer Ammonad, ha Geshem an Arab, o vezañ klevet-se, a rejont goap ouzhimp hag hon disprizas o lavarout: Petra a rit? En em sevel a rit a-enep ar roue?

Nehemia 4:7

Pa glevas Samballad, Tobija, an Arabed, an Ammoniz hag an Asdodiz, e save mogerioù Jeruzalem, hag e oa an toulloù-freuz war o c'hlozadur, e voe droug enno-meurbet.

Salmoù 83:7

teltennoù Edom hag an Ismaeliz, Moab hag an Hagareniz,

Salmoù 9:6

Kastizet ec'h eus ar broadoù, distrujet ec'h eus an hini drouk, o anv ac'h eus diverket dalc'hmat ha da viken.

Jeremiaz 12:14

Evel-henn e komz an AOTROU a-enep va holl amezeien fall a zorn war an hêrezh am eus roet da'm fobl Israel: Setu ez an d'o diframmañ eus o bro, hag e tiframmin ti Juda eus o c'hreiz.

Jeremiaz 25:21

da Edom, da Voab, da vibien Ammon,

Jeremiaz 25:9

setu e kasin hag e kemerin holl bobloù an hanternoz, eme an AOTROU, ha Nebukadnezar roue Babilon va servijer, hag o lakain da zont a-enep ar vro-mañ hag a-enep hec'h holl dud hag a-enep an holl vroadoù tro-dro. Hag o lakain da verz, hag e rin anezho ur glac'har hag ur goapaerezh, ur gouelec'h peurbadus.

Jeremiaz 27:3

ha kas anezho da roue Edom, da roue Moab, da roue mibien Ammon, da roue Tir, da roue Sidon, dre zaouarn ar gannaded a zo deuet da Jeruzalem etrezek Sedesia roue Juda.

Jeremiaz 48:1

Diwar-benn Moab, evel-henn e komz AOTROU an armeoù, Doue Israel: Gwalleur da Nebo, rak gwastet eo! Kirjataim a zo mezhek, tapet eo. Ar gêr greñv a zo mezhet ha spontet.

Jeremiaz 49:23

Diwar-benn Damask. Hamad hag Arpad a zo mezhekaet, rak klevet o deus keloù fall, teuziñ a reont. Gwall vor 'zo ha ne c'hell ket sioulaat.

Jeremiaz 49:28

Diwar-benn Kedar ha rouantelezhioù Hazor, a vo kannet gant Nebukadnezar roue Babilon, evel-henn e komz an AOTROU: Savit, pignit a-enep Kedar, distrujit mibien ar sav-heol.

Jeremiaz 49:7

Diwar-benn Edom, evel-henn e komz AOTROU an armeoù: Ha n'eus ken a furnez e Teman? Hag e vank ar c'huzul d'an dud desket? Ha kouezhet eo o furnez?

Ezekiel 21:25

Tres unan eus an hentoù ma teuio ar c'hleze drezañ da Rabbad eus mibien Ammon, hag egile ma teuio da Juda, da Jeruzalem ar c'hêr greñvaet.

Ezekiel 25:1

Komz an AOTROU a voe disklêriet din o lavarout:

Sofonia 1:5

hag ar re a stou war an toennoù dirak arme an neñvoù, hag ar re a stou en ur douiñ dre an AOTROU hag en ur douiñ ivez dre o roue,

Niveroù 1:24

Mibien Gad, hervez o rummadoù, hervez o ziegezhioù, hervez tiez o zadoù, hervez niver o anvioù, adalek an oad a ugent vloaz hag ouzhpenn, an holl re a c'helle mont d'ar brezel,

Adlezenn 2:19

hag e tostai ouzh mibien Ammon, met na stourm ket a-enep dezho ha na vrezel ket outo, rak ne roin netra eus bro mibien Ammon dit en hêrezh; roet em eus anezhi da vibien Lot da hêrezh.

Adlezenn 23:3

An Ammonad hag ar Voabad ned aint ket e bodadenn an AOTROU, memes en dekvet rumm ned aint ket e bodadenn an AOTROU, biken,

Adlezenn 23:4

peogwir n'int ket deuet a-raok deoc'h war an hent, gant bara ha dour, pa zeuec'h eus an Ejipt, ha dre ma lakajont da zont evit arc'hant, a-enep dit, Balaam mab Peor eus Petor e Mezopotamia, evit da villigañ.