Jeremiaz 49:2 - Bibl Koad 21: Ar Bibl e Brezhoneg evit ar Vretoned

² Setu perak e teu an deizioù, eme an AOTROU, ma rin klevout ar griadenn a vrezel etrezek Rabba mibien Ammon. Dont a raio da vezañ ur bern distruj, he c'hêriadennoù a vo devet dre an tan, hag Israel a berc'henno ar re o devo e berc'hennet, eme an AOTROU.

Jeremiaz 49:2 Referencias Cruzadas

2 Samuel 11:1

Ar bloaz war-lerc'h, d'ar c'houlz ma'z a er-maez ar rouaned, David a gasas Joab, ha gantañ e servijerien hag holl Israel, da zistrujañ bro mibien Ammon ha da sezizañ Rabba. Met David a chomas e Jeruzalem.

Salmoù 48:11

Evel da anv, o Doue, evel-se eo da veuleudi betek pennoù an douar! Da du dehou a zo leun a reizhder.

Salmoù 97:8

Sion he deus e glevet hag a zo bet laouenaet, merc'hed Juda o deus tridet gant levenez abalamour da'z parnedigezhioù, o AOTROU!

Izaia 11:14

Nijal a raint war skoaz ar Filistined war-zu ar c'huzh-heol, a-gevret e preizhataint mibien ar sav-heol, astenn a raint o dorn war Edom ha Moab, mibien Ammon a vo dindano.

Izaia 17:1

Diougan diwar-benn Damask. Setu, Damask a baouez da vezañ ur gêr, dont a ra da vezañ ur bern atredoù.

Jeremiaz 4:19

Va c'hof! Va c’hof! Poan am eus en diabarzh va c'halon! Va c'halon a lamm, ne c'hellan ket tevel, rak o va ene, klevet ec'h eus son ar shofar, kri ar brezel.

Jeremiaz 49:1

Diwar-benn mibien Ammon, evel-henn e komz an AOTROU: Israel, ha n'en deus mab ebet? Ha n'en deus heritour ebet? Perak en deus heritet Malkam eus Gad? Perak emañ o chom e bobl en e gêrioù?

Ezekiel 21:20

evit ma teuzo ar c'halonoù ha ma kresko ar c'houzañverien e-kichen an holl zorojoù. Kemeret em eus ar c'hleze gourdrouzus. A! Graet eo evit luc'hediñ, lemmet eo evit lazhadegañ.

Ezekiel 21:25

Tres unan eus an hentoù ma teuio ar c'hleze drezañ da Rabbad eus mibien Ammon, hag egile ma teuio da Juda, da Jeruzalem ar c'hêr greñvaet.

Amoz 1:14

Enaouiñ a rin e mogerioù Rabba un tan a lonko he falezioù gant trouz ar youc'hoù da zeiz an emgann, e-kreiz an arnev, da zevezh ar barr-avel.

Abdia 1:19

Re ar c'hreisteiz a berc'henno menez Ezaü, re ar blaenenn a berc'henno bro ar Filistined, douar Efraim ha douar Samaria, Benjamin a berc'henno Galaad.

Niveroù 10:9

Pa'z eot d'ar brezel en ho pro a-enep an enebourien a stourmo ouzhoc'h, e sonot a-strak an trompilhoù hag e vo soñj ac'hanoc'h dirak an AOTROU ho Toue, hag e viot dieubet eus hoc'h enebourien.

Niveroù 21:25

Israel a gemeras an holl gêrioù-se hag a ziazezas en holl gêrioù an Amoreaned, en Hesbon hag en holl gêriadennoù en-dro dezhi.

Adlezenn 13:16

Dastum a ri e-kreiz al leurgêr hec'h holl ziwisk hag e tevi en tan ar gêr gant hec'h holl ziwisk dirak an AOTROU da Zoue. Ur yoc'h e vo da viken ha ne vo ken adsavet.

Adlezenn 3:11

Og, roue Basan, a oa e-unan manet e dilerc'h ar Refaim. E wele a oa ur gwele houarn, ha n'emañ ket e Rabbad e-touez mibien Ammon? E hirder a zo nav ilinad, e ledander pevar ilinad, a ilinad den.

Jozue 17:11

Manase en doa en Isakar hag en Aser: Bet-Shean gant he c'hêrioù, Jibleam gant he c'hêrioù, annezidi Dor gant he c'hêrioù, annezidi En-Dor gant he c'hêrioù, annezidi Taanak gant he c'hêrioù, annezidi Megiddo gant he c'hêrioù, tri c'horn-bro.

Jozue 17:16

Mibien Jozef a lavaras: Ar menez ne vo ket a-walc'h deomp, ha kirri houarn o deus an holl Gananeiz a zo o chom war zouar an draonienn, ar re a zo o chom e Bet-Shean hag en he c'hêrioù, hag ar re a zo o chom e traonienn Jizreel.