Jeremiaz 48:47 - Bibl Koad 21: Ar Bibl e Brezhoneg evit ar Vretoned

⁴⁷ Koulskoude, en deizioù diwezhañ, ec'h adsavin harluidi Moab. Betek amañ ez a barnedigezh Moab.

Jeremiaz 48:47 Referencias Cruzadas

Levr Job 19:25

Gouzout a ran-me ez eo bev va dasprener, ha d'an diwezh e savo war an douar,

Izaia 18:7

En amzer-se e vo degaset ur prof da AOTROU an armeoù gant ar bobl galloudus ha skedus, gant ar bobl spouronus zoken er pellder, ur vroad kreñv a vac'h gant an treid, lodennet he douar gant stêrioù, d'al lec'h m'emañ o chom anv an AOTROU, war Venez Sion.

Izaia 23:18

Hag he madoù hag he gounid a vo santelaet d'an AOTROU. Ne vint ket berniet na miret. He madoù a vo evit a re a zo o chom dirak an AOTROU, evit m'o devo o gwalc'h da zebriñ ha ma en em wiskint gant dilhad a-zibab.

Izaia 25:11

Aze ec'h astenno e zaouarn, evel ma astenn anezho an neuñvier da neuñvial, hag ec'h izelaio o lorc'h ha touell o daouarn.

Izaia 45:20

En em zastumit ha deuit, tostait a-unvan, c'hwi hag a zo en em dennet eus ar broadoù. N'anavezont netra ar re a zoug koad o skeudenn gizellet, hag a gas o fedenn d'un doue na savete ket.

Jeremiaz 12:14

Evel-henn e komz an AOTROU a-enep va holl amezeien fall a zorn war an hêrezh am eus roet da'm fobl Israel: Setu ez an d'o diframmañ eus o bro, hag e tiframmin ti Juda eus o c'hreiz.

Jeremiaz 12:15

Hag e c'hoarvezo, goude bezañ o diframmet, ma em bo c'hoazh truez outo, hag e lakain pep hini anezho da zistreiñ d'e hêrezh, ha pep hini d'e zouar.

Jeremiaz 23:20

Kounnar an AOTROU ne zistroio ket, ken n'en devo graet mennadoù e galon hag o c'haset da benn. Kement-mañ a gomprenot sklaer en deizioù diwezhañ.

Jeremiaz 30:24

Kounnar entanet an AOTROU ne zistroio ket, ken n'en devo graet mennadoù e galon hag o c'haset da benn. Kement-mañ a gomprenot sklaer en deizioù diwezhañ.

Jeremiaz 46:26

Hag e lakain anezho etre daouarn ar re a glask o buhez, etre daouarn Nebukadnezar roue Babilon hag etre daouarn e servijerien, met goude-se, e vo annezet evel en deizioù gwechall, eme an AOTROU.

Jeremiaz 49:39

Met en deizioù diwezhañ e tegasin en-dro re zalc'het Elam, eme an AOTROU.

Jeremiaz 49:6

Met goude-se e tegasin en-dro re zalc'het mibien Ammon, eme an AOTROU.

Ezekiel 38:8

A-benn kalz a zeizioù e vi galvet, er bloavezhioù diwezhañ e teui d'ar vro dieubet eus ar c'hleze ha dastumet a-douez meur a bobl, war venezioù Israel, a vo bet gwastet pell. Neuze, distroet holl a-douez ar pobloù, e vint o chom eno e surentez.

Daniel 10:14

Dont a ran bremañ evit reiñ dit da anavezout ar pezh a c'hoarvezo gant da bobl en deizioù diwezhañ, rak ez a ar weledigezh betek an deizioù-se.

Daniel 11:41

Dont a raio da vro ar c'hloar, ha kalz a gouezho. Met ar re-mañ a dec'ho diouzh e zorn: Edom, Moab ha re bennañ mibien Ammon.

Daniel 2:28

Met un Doue a zo en neñvoù hag a ziskuilh an traoù kuzhet, hag a ro da anavezout d'ar roue Nebukadnezar ar pezh a c'hoarvezo en deizioù da zont. Setu da huñvre hag ar gweledigezhioù ac'h eus bet ez penn war da wele.

Ozea 3:5

Goude-se, mibien Israel a zistroio, hag e klaskint an AOTROU o Doue ha David o roue. Hag e teuint gant doujañs da gavout an AOTROU hag e vadelezh, en deizioù diwezhañ.

Niveroù 24:14

Ha bremañ ez an etrezek va fobl. Deus, ma kemennin dit ar pezh a raio ar bobl-se da'z pobl en amzerioù da zont.

Adlezenn 31:29

Rak gouzout a ran penaos, goude va marv, en em vreinot hag e tistroiot diouzh an hent am eus gourc'hemennet deoc'h; hag e c'houzañvot poanioù en deizioù da zont, pa ho po graet ar pezh a zo fall dirak daoulagad an AOTROU, o fuloriñ anezhañ dre oberennoù ho taouarn.

Adlezenn 4:30

Pa vi er glac'har ha ma vo erruet an holl draoù-se ganit, neuze, en deizioù war-lerc'h, e tistroi d'an AOTROU da Zoue hag e senti ouzh e vouezh,