Jeremiaz 31:9 - Bibl Koad 21: Ar Bibl e Brezhoneg evit ar Vretoned

⁹ Dont a raint gant daeroù hag o renin e-kreiz aspedennoù, o c'has a rin d'an doureier-red, dre un hent eeun e-lec'h na gouezhint ket. Me a zo un tad evit Israel, hag Efraim eo va c'hentañ-ganet.

Jeremiaz 31:9 Referencias Cruzadas

1 Danevelloù 29:10

David a vennigas an AOTROU dirak an holl vodadeg, ha David a lavaras: Benniget ra vi, AOTROU , Doue Israel hon tad, a gantved da gantved!

Salmoù 107:7

O renet en deus dre an hent eeun, da gavout ur gêr da chom enni.

Salmoù 23:2

Va lakaat a ra da ziskuizhañ war beuriñ glas, va c'has a ra a-hed an doureier sioul.

Salmoù 89:27

Va gervel a raio, o lavarout: Te eo va Zad, va Doue, ha roc'h va silvidigezh!

Ermaeziadeg 4:22

Lavarout a ri da Faraon: Evel-henn en deus lavaret an AOTROU: Israel eo va mab, va c'hentañ-ganet,

Izaia 42:16

Lakaat a rin an dalled da gerzhout dre un hent n'anavezont ket, o renin dre wenodennoù dianav dezho, dirazo e trein an deñvalijenn e sklêrijenn, an traoù kamm e traoù eeun; kement-se a rin dezho, ha ne zilezin ket anezho.

Izaia 43:20

Loened ar parkeier a roio gloar din, gant an aourgon hag ar struskañvaled, dre ma em bo lakaet doureier er gouelec'h, ha stêrioù el lec'h didud, evit reiñ da evañ da'm fobl, va re zibabet.

Izaia 45:11

Evel-henn e komz an AOTROU, Sant Israel hag e grouer: Hag e c'houlennatit ac'hanon diwar-benn an traoù da zont? Hag e roit din urzhioù diwar-benn va mibien ha labour va daouarn?

Izaia 57:14

Hag e vo lavaret: Plaenait, plaenait, kempennit an hent! Tennit pep harz diwar hent va fobl!

Izaia 63:13

a reas dezho kerzhout a-dreuz d'an islonkoù hep kouezhañ, evel ur marc'h er gouelec'h?

Izaia 63:16

A-dra-sur te eo hon tad. Pa ne oufe Abraham anv ebet deomp, pa n'anavezfe ket Israel ac'hanomp, AOTROU, te eo hon tad, hon dasprener, setu aze da anv a bep amzer.

Izaia 64:8

Met bremañ, AOTROU, te eo hon tad. Ni eo ar pri, ha te eo an hini en deus hor stummet, labour da zaouarn ez omp holl.

Jeremiaz 3:19

Ha me, me am eus lavaret: Penaos e lakain ac'hanout e-touez va mibien, hag e roin dit ur vro a zudioù, gwellañ hêrezh armeoù ar broadoù? Hag em eus lavaret: Va gervel a ri: Va zad! Ha ne zistroi ket diouzhin.

Jeremiaz 3:4

Bremañ e kriez etrezek ennon: Va zad! Mignon va yaouankiz ez out!

Jeremiaz 31:20

Efraim, ha n'eo ket evidon ur mab karet? Ha ne'm eus ket lakaet ennañ va holl levenez? Rak adalek ma komzan diwar e benn, atav em eus soñj anezhañ. Setu perak va c'hreizon a zo fromet en e geñver, hag a-dra-sur em bo truez outañ, eme an AOTROU.

Jeremiaz 50:4

En deizioù-se, en amzer-se, eme an AOTROU, mibien Israel a zeuio, int ha mibien Juda a-gevret. Kerzhout a raint en ur ouelañ, hag e klaskint an AOTROU o Doue.

Ozea 12:4

Adalek kof e vamm e touellas e vreur, hag en e nerzh-gour e c'hourenas gant Doue.

Ozea 3:5

Goude-se, mibien Israel a zistroio, hag e klaskint an AOTROU o Doue ha David o roue. Hag e teuint gant doujañs da gavout an AOTROU hag e vadelezh, en deizioù diwezhañ.

Zakaria 12:10

Skuilhañ a rin war di David ha war dud Jeruzalem ar Spered a c'hras hag a bedennoù, hag e sellint ouzhin, an hini o deus toullet. Hag e raint kañv dezhañ evel ma reer kañv d'ur mab nemetañ, hag e ouelint c'hwerv evel ma oueler war ur mab kentañ-ganet.

Malaki 2:10

Ha n'hon eus ket holl un hevelep tad? Un hevelep Doue, ha n'en deus ket hor c'hrouet? Perak eta ez omp fall an eil e-keñver egile, o tisakrañ emglev hon tadoù?

Niveroù 2:18

War-zu ar c'huzh-heol, e vo banniel kamp Efraim gant e strolladoù; Elishama mab Amihud a vo priñs mibien Efraim

Mazhev 3:3

Anezhañ eo en deus komzet ar profed Izaia, o lavarout: Mouezh an hini a gri el lec’h distro: Kempennit hent an Aotrou, grit eeun e wenodennoù.

Mazhev 5:4

Eürus ar re a zo er glac’har, rak frealzet e vint!

Mazhev 6:9

C’hwi eta, pedit evel-henn: Hon Tad hag a zo en neñv, ra vo santelaet da anv,

Sant Lucas 6:21

Eürus oc’h, c’hwi hag hoc’h eus naon bremañ, rak leuniet e viot! Eürus oc’h, c’hwi hag a ouel bremañ, rak karget e viot gant levenez!

Romaned 8:26

Evel-se ivez ar Spered a sikour ac’hanomp en hon dinerzhded. Rak n’ouzomp ket petra a dleomp goulenn evit pediñ evel ma’z eo dereat. Met ar Spered e-unan a erbed evidomp dre huanadoù na c’hellont ket bezañ displeget.

2 Korintiz 6:18

Me a vo tad deoc’h hag e viot mibien ha merc’hed din, eme an Aotrou holl-c’halloudek.

Adlezenn 14:1

Mibien an AOTROU ho Toue emaoc'h-c'hwi. N'en em reot flañch ebet ha n'en em douzot ket etre ho taoulagad evit unan marv.

Adlezenn 32:6

Hag evel-se eo e trugarekait an AOTROU, pobl diskiant hag hep furnez? Ha n'eo ket da dad, an hini en deus da brenet, an hini en deus da c'hraet ha da startaet?

Hebreed 12:13

ha grit un hent eeun d’ho treid, evit ma n’en em ziheñcho ket ar pezh a zo kamm met ma vo kentoc’h yac’haet.

Hebreed 12:23

ouzh bodadeg hag ouzh iliz ar re gentañ-ganet a zo skrivet o anvioù en neñvoù, ouzh ar barner a zo Doue an holl, ouzh speredoù ar re reizh deuet d’ar barfeted,

Hebreed 5:7

Eñ eo an hini, e-pad deizioù e gig, o vezañ kinniget pedennoù ha goulennoù gant kriadennoù bras ha gant daeroù d’an hini a c’helle e saveteiñ eus ar marv, hag o vezañ bet selaouet en abeg d’e zoujañs Doue,

Apocalyps 7:17

rak an Oan a zo e-kreiz an tron o mesaio hag o degaso da vammennoù dour ar vuhez, ha Doue a sec’ho pep daeraouenn eus o daoulagad.