Izaia 8:9 - Bibl Koad 21: Ar Bibl e Brezhoneg evit ar Vretoned

⁹ Gouzañvit, pobloù, ha bezit bruzunet! Roit ho skouarn, c'hwi holl eus broioù pell! Prientit ha bezit bruzunet, prientit ha bezit bruzunet!

Izaia 8:9 Referencias Cruzadas

1 Rouaned 20:11

Ha roue Israel a respontas: Lavarit dezhañ: Arabat d'an hini a wisk e c'houriz fougasiñ evel an hini a ziwisk anezhañ.

Krennlavarioù 11:21

Abred pe ziwezhat an hini drouk ne chomo ket digastiz, met lignez an dud reizh a vo dieubet.

Izaia 28:13

Setu perak komz an AOTROU a vo dezho kemenn war gemenn, kemenn war gemenn, reolenn war reolenn, reolenn war reolenn, un tamm amañ, un tamm aze, evit ma kouezhint war o c'hein en ur gerzhout ha ma vint torret, evit ma kouezhint en ur stign ha ma vint paket.

Izaia 37:36

Ael an AOTROU a zeuas hag a skoas e kamp an Asiriz, war gant pemp ha pevar-ugent mil den. Pa voed savet abred diouzh ar beure, setu, e oa korfoù marv a bep tu.

Izaia 54:15

Pa vo iriennoù ez enep, ne vint ket eus va ferzh, an neb a zroukc'hraio ez enep a gouezho dirazout.

Jeremiaz 42:11

N'ho pet ket aon rak roue Babilon, ma hoc'h eus aon dirazañ, n'ho pet ket aon razañ, eme an AOTROU, rak me a zo ganeoc'h evit ho saveteiñ hag ho tieubiñ eus e zorn,

Jeremiaz 46:3

Kempennit ar skoed bihan hag ar skoed bras, ha tostait d'an emgann.

Jeremiaz 46:4

Stagit ar c'hezeg, ha c'hwi marc'hegerien pignit! En em ziskouezit gant ho tokarnoù, naetait ho koafioù, gwiskit ho hobregonoù!

Jeremiaz 51:20

Bet out ur morzhol din, ur benveg a vrezel, drezout em eus brevet broadoù, drezout em eus distrujet rouantelezhioù,

Ezekiel 38:7

Bez prest, en em gempenn, te hag an holl engroez dastumet en-dro dit, bez o gward!

Ezekiel 38:8

A-benn kalz a zeizioù e vi galvet, er bloavezhioù diwezhañ e teui d'ar vro dieubet eus ar c'hleze ha dastumet a-douez meur a bobl, war venezioù Israel, a vo bet gwastet pell. Neuze, distroet holl a-douez ar pobloù, e vint o chom eno e surentez.

Jozue 11:5

An holl rouaned-se en em unanas hag a zeuas da gampiñ asambles e-kichen doureier Merom, evit brezeliñ ouzh Israel.