Izaia 8:8 - Bibl Koad 21: Ar Bibl e Brezhoneg evit ar Vretoned

⁸ Tremen a raio war Juda, o tic'hlannañ hag o veuziñ, tapout a raio betek ar gouzoug. Hec'h eskell astennet a leunio da vro a-bezh, o Emanuel!

Izaia 8:8 Referencias Cruzadas

2 Rouned 17:3

Salmanazar roue Asiria a bignas a-enep dezhañ, hag Ozea a voe e sujed, hag e kase un truaj dezhañ.

2 Danevelloù 12:4

Tapout a reas ar c'hêrioù kreñv a oa da Juda, hag e teuas da Jeruzalem.

Izaia 10:6

Kas a rin anezhi a-enep ur vroad pilpous, hag e roin dezhi ur garg a-enep pobl va c'hounnar, evit skrapat, evit preizhata, evit mac'hañ anezho evel fank ar straedoù.

Izaia 30:28

e Spered a zo evel ur froud o tic'hlannañ, a dapo betek ar gouzoug, evit stlabezañ ar broadoù gant benveg an distruj; hag e vo lakaet ouzh javedoù ar pobloù ur brid d'o diankañ.

Izaia 43:2

Pa dreuzi an doureier e vin ganit, ar stêrioù ne c'holoint ket ac'hanout. Pa gerzhi dre an tan ne vi ket devet, hag ar flamm ne guzumo ket ac'hanout.

Izaia 7:14

Setu perak an AOTROU e-unan a roio deoc'h ur sin: Setu, ar werc'hez a vo brazez hag a c'hano ur mab, a vo anvet Emmanuel.

Izaia 7:17

An AOTROU a lakaio da zont warnout, war da bobl ha war di da dad, dre roue Asiria, deizioù evel n'eus ket bet reoù heñvel outo, abaoe an deiz ma en em zispartias Efraim digant Juda.

Izaia 8:10

Kemerit kuzul a-unan hag e vo kaset kuit, komzit hag ho komz a vo diefed, rak Doue a zo ganeomp.

Jeremiaz 47:2

Evel-henn e komz an AOTROU: Setu doureier a bign eus an hanternoz; dont a reont da vezañ ur froud o tic'hlannañ, hag e tic'hlannint war ar vro ha war ar pezh a zo enni, ar c'hêrioù hag ar re o chom enno. An dud a laosko kriadennoù, hag holl bobl ar vro a yudo.

Jeremiaz 48:40

Rak evel-henn e komz an AOTROU: Setu emañ o nijal evel un erer, hag ec'h astenno e eskell war Voab.

Jeremiaz 51:42

Ar mor a zo pignet a-enep Babilon, goloet eo gant maread e goummoù.

Ezekiel 17:3

Lavar: Evel-henn e komz an Aotrou AOTROU: Un erer bras, gant divaskell bras hag ur stuc'henn hir, goloet a bluñv fonnus ha liesliv, a zeuas d'al Liban hag a dapas brank uhelañ ar sedrezenn.

Ezekiel 26:19

Rak evel-henn e komz an Aotrou AOTROU: Pa rin ac'hanout ur gêr wastet, heñvel ouzh ar c'hêrioù n'o deus ket a annezidi, pa lakain an donder da bignat a-enep dit, ha pa c'holoio an doureier bras ac'hanout,

Daniel 11:10

Met e vibien a savo hag a zastumo ur maread bras a soudarded. Unan a yelo a-raok hag en em stlabezo evel ur froud o tremen hag o tont adarre, hag e tougo ar brezel betek e greñvlec’h.

Mika 1:9

Rak he gouli a zo dibareüs, mont a ra betek Juda, tapout a ra betek dor va fobl, betek Jeruzalem.

Mika 5:5

Eñ eo hag a vo ar peoc'h. Pa zeuio an Asiriad en hor bro, ha pa lakaio e dreid en hor palezioù, ni a lakaio da sevel en e enep seizh pastor hag eizh priñs eus ar bobl.

Mazhev 1:23

Setu, ar werc’hez a vo brazez hag a c’hano ur mab a vo galvet Emanuel, da lavarout eo: Doue ganeomp.