Ester 4:4 - Bibl Koad 21: Ar Bibl e Brezhoneg evit ar Vretoned

⁴ Mitizhien Ester hag he spazhidi a zeuas d'he c'havout hag a lavaras dezhi kement-se. Ar rouanez a voe gwall spouronet, hag e kasas dilhad da wiskañ Mardoke, evit ma lamje e sac'h diwarnañ, met n'o c'hemeras ket.

Ester 4:4 Referencias Cruzadas

Geneliezh 37:35

E holl vibien hag e holl verc'hed a zeuas d'e frealziñ, met ne felle ket dezhañ bezañ frealzet. Lavarout a reas: Diskenn a rin e kañv etrezek va mab e lec'h ar marv! Hag e dad a ouele dezhañ.

2 Rouned 9:32

Hag e savas e zremm etrezek ar prenestr, hag e lavaras: Piv a zo ganin? Piv? Daou pe tri spazhad a sellas outañ.

Ester 1:12

Met ar rouanez Vasti ne fellas ket dezhi sentiñ ouzh ar gourc'hemenn en doa roet dezhi ar roue dre ar spazhidi. Hag ar roue a gounnaras meurbet, e fulor en em danas ennañ.

Ester 4:3

Hag e pep proviñs, el lec'hioù ma oa erruet urzh ar roue hag e gemenn, ar Yuzevien a voe en ur glac'har bras, o yunañ, o ouelañ hag oc'h hirvoudiñ. Kalz a c'hourveze war seier ha ludu.

Ester 4:5

Neuze Ester a c'halvas Hatak, unan eus spazhidi ar roue, a oa bet lakaet evit he servijañ; hag hi a c'hourc'hemennas dezhañ goulenn digant Mardoke petra en devoa ha perak e rae evel-se.

Salmoù 77:2

Va mouezh a sav da Zoue hag e krian. Va mouezh a sav da Zoue hag e selaouo ac'hanon.

Izaia 56:3

Mab an diavaeziad hag a zo staget ouzh an AOTROU, ra ne lavaro ket: An AOTROU am dilamm kuit eus e bobl. Ar spazhad, ra ne lavaro ket: Setu ez on ur wezenn sec'h.

Jeremiaz 31:15

Evel-henn e komz an AOTROU: Ur vouezh a zo bet klevet e Rama, hirvoudoù ha gouelvanoù c'hwerv, Rachel o ouelañ he mibien, ha ne fellas ket dezhi bezañ frealzet diwar-benn he mibien pa n'eus ken anezho.

Actou an Ebestel 8:27

O vezañ savet, ez eas. Ha setu, un Etiopad, un eunuk ministr bras Kandake rouanez Etiopia, merour war hec’h holl deñzorioù, deuet da Jeruzalem evit azeuliñ,

1 Samuel 8:15

Sevel a raio an deog diwar ho trevadoù ha diwar ho mendemoù, evit o reiñ d'e spazhidi ha d'e servijerien.