Ester 4:3 - Bibl Koad 21: Ar Bibl e Brezhoneg evit ar Vretoned

³ Hag e pep proviñs, el lec'hioù ma oa erruet urzh ar roue hag e gemenn, ar Yuzevien a voe en ur glac'har bras, o yunañ, o ouelañ hag oc'h hirvoudiñ. Kalz a c'hourveze war seier ha ludu.

Ester 4:3 Referencias Cruzadas

Ester 1:1

En amzer Asueruz, an Asueruz-mañ a oa an hini a rene adalek India betek Etiopia war gant seizh proviñs warn-ugent,

Ester 3:12

D'an trizekvet deiz eus ar miz kentañ e voe galvet skriverien ar roue, hag e voe skrivet ar pezh en doa gourc'hemennet Haman da ofiserien ar roue, da c'houarnourien pep proviñs, da briñsed pep pobl, da bep proviñs hervez e zoare da skrivañ ha da bep pobl hervez e yezh. Kement-se a voe skrivet en anv ar roue Asueruz, ha siellet gant gwalenn ar roue.

Ester 4:16

Kae, dastum an holl Yuzevien a zo e Suza, yunit evidon, na zebrit ha na evit netra e-pad tri deiz, ken en noz evel en deiz, me ha va mitizhien a yuno ivez, ha goude ez in da gavout ar roue evel-se, petra bennak ma'z eo enep al lezenn, ha ma c'hoarvez e varvin, me a varvo!

Ester 4:2

Hag e teuas betek dirak dor ar roue, rak ne c'helle den gwisket gant ur sac'h mont dre zor ar roue.

Ester 4:4

Mitizhien Ester hag he spazhidi a zeuas d'he c'havout hag a lavaras dezhi kement-se. Ar rouanez a voe gwall spouronet, hag e kasas dilhad da wiskañ Mardoke, evit ma lamje e sac'h diwarnañ, met n'o c'hemeras ket.

Ester 9:31

evit diazezañ an deizioù Pourim-mañ en o c'houlz, evel m'o doa o diazezet ar Yuzev Mardoke hag ar rouanez Ester evito o-unan hag evel m'o doa o diazezet evit o diskennidi, da geñver o yunoù hag o hirvoudoù.

Levr Job 2:8

Hag e kemeras un darbod evit en em gravat, hag ec'h azezas el ludu.

Izaia 22:12

E-pad ma c'halve an Aotrou, AOTROU an armeoù, da ouelañ en deiz-se, da huanadiñ, da douzañ ho pennoù, da c'hourizañ ar sac'h,

Izaia 22:4

Abalamour da-se e lavaran: Distroit diouzhin ho taoulagad, ma ouelin gant c'hwervded. Na hastit ket frealziñ ac'hanon diwar-benn diskar merc'h va fobl.

Izaia 58:5

Hag eo hennezh ar yun a fell din en deiz ma c'hlac'har un den e ene? Plegañ e benn evel ur vroenenn, gourvez war ar sac'h hag al ludu? Hag ec'h anvi kement-se ur yun, un deiz dereat d'an AOTROU?

Ezekiel 27:30

hag e lakaint o mouezh da vezañ klevet warnout, hag e c'harmint c'hwerv, hag e taolint poultr war o fenn, hag en em ruilhint el ludu,

Daniel 9:3

Hag e trois va dremm etrezek an Aotrou Doue, evit kinnig goulennoù ha pedennoù dezhañ gant yun, sac'h ha ludu.

Jonaz 3:6

Ar gomz-se a zeuas betek roue Ninive, a savas eus e dron, a lamas diwarnañ e vantell, en em c'holoas gant ur sac'h hag a azezas war al ludu.

Mazhev 13:42

hag e taolint anezho en ur forn-dan, e-lec’h ma vo goueladegoù ha grigoñsadegoù-dent.

Mazhev 22:13

Neuze ar roue a lavaras d’ar vevelien: Ereit e zaouarn hag e dreid, kemerit anezhañ d’e deurel en deñvalijenn a-ziavaez, e-lec’h ma vo goueladegoù ha grigoñsadegoù-dent.

Mazhev 25:30

Ha taolit ar servijer didalvoud en deñvalijenn a-ziavaez, e-lec’h ma vo goueladegoù ha grigoñsadegoù-dent.

Jozue 7:6

Jozue a rogas e zilhad hag a gouezhas war e zremm d'an douar dirak arc'h an AOTROU betek an abardaez, eñ hag henaourien Israel, hag e taoljont poultr war o fenn.

1 Samuel 11:4

Ar gannaded a zeuas da C'hibea kêr Saül, hag e lavarjont ar c'homzoù-se d'ar bobl. Hag ar bobl a savas o mouezh hag a c'harmas.