Daniel 3:10 - Bibl Koad 21: Ar Bibl e Brezhoneg evit ar Vretoned

¹⁰ Te, o roue, ac'h eus roet un urzh, penaos pep den a glevfe son ar c'horn, ar c'hleron, ar gitar, al lourenn, an delenn, ar binioù, ha pep seurt binvioù-seniñ, a dlefe stouiñ hag azeuliñ an delwenn aour,

Daniel 3:10 Referencias Cruzadas

1 Danevelloù 15:16

David a lavaras da bennoù al Levited dibab o breudeur, ar ganerien, gant o binvioù, lourennoù, telennoù ha simbalennoù, evit seniñ hag ober klevout o mouezhioù gant levenez.

1 Danevelloù 15:28

Holl Israel a zegasas arc'h emglev an AOTROU gant kriadennoù a levenez, ouzh son ar shofar, an trompilhoù hag ar simbalennoù, hag ouzh tregern al lourennoù hag an telennoù.

2 Danevelloù 29:25

Hag e lakaas al Levited e ti an AOTROU, gant simbalennoù, lourennoù ha telennoù, hervez gourc'hemenn David, Gad gwelour ar roue, ha Natan ar profed, rak ur gourc'hemenn a-berzh an AOTROU e oa, deuet dre e brofeded.

Salmoù 94:20

Ha bez' e vefes sikourer tron ar fallentez, a ra direizhderioù a-enep al lezenn?

Ermaeziadeg 1:16

Lavarout a reas: Pa wilioudot gwragez an Hebreed ha pa welot anezho war an azezoù, mard eo ur mab, e lazhot anezhañ, mard eo ur plac'h, e lezot anezhi da vevañ.

Ermaeziadeg 1:22

Neuze Faraon a roas an urzh-mañ d'e holl bobl: Taolit er stêr an holl vibien a c'hano, met lezit da vevañ an holl verc'hed.

Ar Prezeger 3:16

Gwelet em eus c'hoazh dindan an heol ez eus fallentez el lec'h gouestlet d'ar varn, hag ez eus fallentez el lec'h gouestlet d'ar reizhder.

Izaia 10:1

Gwalleur d'ar re a ra reolennoù drouk, hag a skriv evit urzhiañ an taerder,

Daniel 3:11

ha piv bennak na stoufe ket ha n'azeulfe ket, a vefe taolet en ur fornez-dan grizias.

Daniel 3:15

Bremañ eta mard oc'h prest, kerkent hag e klevot son ar c'horn, ar c'hleron, ar gitar, al lourenn, an delenn, ar binioù, ha pep seurt binvioù-seniñ, e stouot hag ec'h azeulot an delwenn am eus savet. Met ma n'azeulit ket, raktal e viot taolet er fornez-dan grizias. Ha petore doue a zieubo ac'hanoc'h eus va dorn?

Daniel 6:12

Hag e tostajont ouzh ar roue hag e lavarjont diwar-benn an difenn roueel: Ha ne'c'h eus ket sinet un difenn penaos kement hini a raio ur bedenn da un doue pe un den bennak, e-pad tregont devezh, nemet ouzhit o roue, a vefe taolet e foz al leoned? Ar roue a respontas o lavarout: An dra-se a zo gwir, hervez lezenn ar Veded hag ar Bersed a zo didorrus.

Amoz 6:5

Mouskanañ a reont ouzh son al lud, hag ec'h ijinont binvioù-seniñ evel David.

Sant Ian 11:57

Ar veleien vras hag ar farizianed o doa roet urzh, ma ouije unan bennak pelec’h e oa, en lavarje, evit ma krogjed ennañ.