Ar Prezeger 8:4 - Bibl Koad 21: Ar Bibl e Brezhoneg evit ar Vretoned

⁴ E-lec'h m'emañ komz ar roue, eno emañ ar galloud; ha piv a lavaro dezhañ: Petra a rez?

Ar Prezeger 8:4 Referencias Cruzadas

2 Samuel 24:4

Koulskoude komz ar roue a c'hounezas war Joab ha war bennoù an arme. Ha Joab ha pennoù an arme a yeas a-zirak ar roue evit ober an niveradeg eus pobl Israel.

1 Rouaned 1:30

Evel ma em eus touet dit dre an AOTROU Doue Israel, o lavarout: A-dra-sur Salomon da vab a reno war va lerc'h hag a azezo war va zron em lec'h, evel-se e rin hiziv.

1 Rouaned 2:25

Ar roue Salomon a roas urzh da Venaja mab Jehojada, a skoas warnañ, hag e varvas.

1 Rouaned 2:46

Ar roue Salomon a roas urzh da Venaja mab Jehojada, a yeas hag a skoas warnañ, hag e varvas. Hag ar rouantelezh a voe startaet etre daouarn Salomon.

Ezdra 6:13

Neuze Tatnai gouarnour an tu-mañ d'ar stêr, Shetar-Boznai hag o c'henseurted a rejont buan kement-se, dre m'en doa Dariuz e skrivet dezho.

Levr Job 9:12

Mar dilam, piv a raio dezhañ reiñ en-dro? Piv a lavaro dezhañ: Petra a rez?

Ermaeziadeg 1:18

Roue an Ejipt a c'halvas an amiegezed hag a lavaras: Perak hoc'h eus graet evel-se, hag hoc'h eus lezet ar baotred da vevañ?

Krennlavarioù 19:12

Erez ar roue a zo evel yudadenn al leon yaouank, met e c'hrad-vat a zo evel ar c'hlizhenn war ar geot.

Krennlavarioù 20:2

Gourdrouz ar roue a zo evel yudadenn al leon yaouank, an hini a hegas anezhañ a bec'h a-enep dezhañ e-unan.

Krennlavarioù 30:31

al loen gourizet e zivgroazell, ar bouc'h, ar roue na c'hell den herzel outañ.

Daniel 3:15

Bremañ eta mard oc'h prest, kerkent hag e klevot son ar c'horn, ar c'hleron, ar gitar, al lourenn, an delenn, ar binioù, ha pep seurt binvioù-seniñ, e stouot hag ec'h azeulot an delwenn am eus savet. Met ma n'azeulit ket, raktal e viot taolet er fornez-dan grizias. Ha petore doue a zieubo ac'hanoc'h eus va dorn?

Daniel 4:35

Dirazañ holl annezidi an douar a zo kontet evel netra, ober a ra evel ma plij dezhañ, ken gant arme an neñvoù, ken gant annezidi an douar, ha n'eus den hag a c'hellfe herzel ouzh e zorn ha lavarout dezhañ: Petra ac'h eus graet?

Romaned 9:20

Met kentoc’h, o den, piv out evit tabutal gant Doue? Hag ar pod a lavaro d’an hini en deus graet anezhañ: Perak ec’h eus va graet evel-se?