Adlezenn 8:9 - Bibl Koad 21: Ar Bibl e Brezhoneg evit ar Vretoned

⁹ ur vro e-lec'h na zebri ket bara gant rouezded, e-lec'h na vanko dit netra, ur vro ma'z eo he mein houarn hag eus he menezioù e kizelli arem.

Adlezenn 8:9 Referencias Cruzadas

1 Danevelloù 22:14

Setu, em zrubuilhoù em eus kempennet evit ti an AOTROU kant mil talant aour hag ur milion a dalantoù arc'hant, hag arem hag houarn e-leizh, na c'heller ket pouezañ. Kempennet em eus ivez koad ha mein, hag e lakai ouzhpenn.

1 Danevelloù 22:3

David a gempennas ivez houarn e-leizh evit tachoù stalafioù an dorojoù hag evit ar c'hraponoù, hag arem e-leizh na c'helled ket pouezañ,

Levr Job 28:2

An houarn a vez tennet diouzh ar poultr, hag ar maen teuzet a ro an arem.

Adlezenn 33:25

Da brennoù a vo a houarn hag a arem, ha da nerzh a bado keit ha da zeizioù.

Adlezenn 8:10

Pa ez po debret hag ez po da walc'h, e vennigi an AOTROU da Zoue abalamour d'ar vro vat en devo roet dit.

Adlezenn 8:8

ur vro gant gwinizh, heiz, gwini, gwez-fiez ha greunavalenned, ur vro gant gwez-olivez o reiñ eoul ha gant mel,

Jozue 22:8

hag e lavaras dezho: Distreiñ a rit d'ho teltennoù gant pinvidigezhioù bras ha gant loened niverus, gant arc'hant, gant aour, gant arem, gant houarn, gant dilhad e-leizh; lodennit an diwisk eus hoc'h enebourien gant ho preudeur.

Ar Varnerien 18:10

Pa'z eot, ec'h erruot e-tal ur bobl a zo o chom e surentez, hag ur vro a zo frank. Doue en deus e lakaet etre ho taouarn. Ul lec'h eo na vank netra eus an traoù a zo war an douar.