Adlezenn 7:25 - Bibl Koad 21: Ar Bibl e Brezhoneg evit ar Vretoned

²⁵ Deviñ a reot en tan skeudennoù kizellet o doueoù. Ne c'hoantai ket ha ne gemeri ket evidout an arc'hant hag an aour a vo warno, gant aon na vefe kement-se ur stign, rak ez int un euzhusted d'an AOTROU da Zoue.

Adlezenn 7:25 Referencias Cruzadas

2 Rouned 23:14

Bruzunañ a reas ar peulioù, troc'hañ an Asheraoù, hag e leunias al lec'h ma oant gant eskern tud.

1 Danevelloù 14:12

Lezel a rejont eno o doueoù, ha David a urzhias deviñ anezho.

Ermaeziadeg 20:17

Ne c'hoantai ket ti da nesañ, ne c'hoantai ket gwreg da nesañ, nag e servijer, nag e vatezh, nag e ejen, nag e azen, na tra ebet a vefe da'z nesañ.

Ermaeziadeg 32:20

Kemer a reas al leue o doa graet, en devas en tan hag en freuzas ken na voe aet e poultr a skuilhas war an dour. Hag e roas anezhañ da evañ da vibien Israel.

Ermaeziadeg 8:26

Moizez a lavaras: N'eo ket dereat ober kement-se, rak ar pezh a aberzhfemp d'an AOTROU hon Doue a vefe un euzhusted dirak an Ejipsianed. Setu, mar kinnigfemp dirak o daoulagad aberzhoù a zo un euzhusted dirak an Ejipsianed, ha ne veinataint ket ac'hanomp?

Izaia 30:22

Sellout a reot evel dic'hlan ar golo arc'hant eus ho skeudennoù kizellet, hag ar gwiskad aour eus ho skeudennoù teuzet. O zeurel a ri pell evel un hudurniezh, hag e lavari dezho: Er-maez ac'hann!

Izaia 41:24

Setu ez oc'h nebeutoc'h eget netra, hag ar pezh a rit n'eo mann ebet. Un euzhusted eo en em blijout ennoc'h.

Leviegezh 13:52

Deviñ a raio an dilhad, pe ar steuñvenn pe an anneuenn e gloan pe e lin, pe an dra bennak a groc’hen a vo ar gouli warnañ, rak ul lorgnez wriziennet eo. Devet e vo en tan.

Leviegezh 19:4

N’en em droit ket etrezek an idoloù ha ne rit ket deoc’h doueoù teuzet. Me eo an AOTROU ho Toue.

Sofonia 1:3

Lakaat a rin da vont da goll an dud hag al loened, da vont da goll laboused an neñvoù ha pesked ar mor, hag abegoù da gouezhañ gant ar re fall, hag e lamin an dud a-ziwar c'horre an douar, eme an AOTROU.

Adlezenn 12:3

Hag e tiskarot o aoterioù, e torrot o delwennoù, e tevot en tan o asheraoù, e troc'hot skeudennoù kizellet o doueoù, e tilamot o anvioù diwar al lec'hioù-se.

Adlezenn 13:16

Dastum a ri e-kreiz al leurgêr hec'h holl ziwisk hag e tevi en tan ar gêr gant hec'h holl ziwisk dirak an AOTROU da Zoue. Ur yoc'h e vo da viken ha ne vo ken adsavet.

Adlezenn 17:1

N'aberzhi ket d'an AOTROU da Zoue ur c'hole pe un oan en defe ur si bennak pe a vefe distumm, rak un euzhusted e vefe d'an AOTROU da Zoue.

Adlezenn 23:18

Ne zegasi ket e ti an AOTROU da Zoue gopr ur c'hast na priz ur c'hi evit gouestl ebet, rak o-daou a zo un euzhusted dirak an AOTROU da Zoue.

Adlezenn 27:15

Milliget ra vo an den a ra ur skeudenn gizellet pe teuzet, a zo un euzhusted d'an AOTROU, labour daouarn ur micherour a laka anezhi en ul lec'h kuzh! Hag an holl bobl a responto o lavarout: Amen!

Adlezenn 7:16

Distrujañ a ri an holl bobloù a roio dit an AOTROU da Zoue, da lagad a vo didruez ha ne serviji ket o doueoù, rak ur stign e vefe evidout.

Adlezenn 7:5

Evel-se e reot: neuze e tiskarot o aoterioù, e torrot o delwennoù, e troc'hot o asheraoù, e tevot en tan o skeudennoù kizellet.

Jozue 7:1

Mibien Israel a dorras ar reolenn diwar-benn an traoù lakaet da verz. Akan mab Karmi, mab Zabdi, mab Zerak, eus meuriad Juda, a gemeras diwar an traoù lakaet da verz, ha kounnar an AOTROU en em danas a-enep mibien Israel.

Jozue 7:21

Gwelet em eus er preizh ur vantell gaer a Shinear, daou c'hant sikl arc'hant, hag un dolzenn aour a hanter-kant sikl a bouez. O droukc'hoantaet em eus hag o c'hemeret, ha setu, an traoù-se a zo kuzhet en douar e-kreiz va zeltenn, hag emañ an arc'hant dindan.

Apocalyps 17:5

War he zal e oa skrivet un anv: Mister, Babilon vras, mamm ar gadalezed ha traoù euzhus an douar.