Adlezenn 7:24 - Bibl Koad 21: Ar Bibl e Brezhoneg evit ar Vretoned

²⁴ Hag e lakaio e rouaned etre da zaouarn, hag e tilami o anv a-zindan an neñvoù, den ne zalc'ho dirazout betek ma vint aet da get.

Adlezenn 7:24 Referencias Cruzadas

Salmoù 9:5

Rak roet ec'h eus din va gwir, va c'haoz ac'h eus difennet, azezet out war da dron, te barner reizh.

Ermaeziadeg 17:14

An AOTROU a lavaras da Voizez: Skriv kement-mañ evit eñvor el levr, ha ro da anavezout da Jozue penaos e lamin holl eñvor Amalek a-zindan an neñvoù.

Krennlavarioù 10:7

Eñvor ar re reizh a vo benniget, met anv ar re zrouk a vreino.

Izaia 54:17

Arm ebet goveliet a-enep dit ne zeuio da vat, ha pep teod a savo er varn ez enep a gondaoni. Evel-se eo hêrezh servijerien an AOTROU, diganin o devo o reizhder, eme an AOTROU.

Jeremiaz 10:11

Evel-henn e komzot outo: An doueoù ha n'o deus ket graet an neñvoù hag an douar, a yelo da goll diwar an douar hag a-zindan an neñvoù.

Sofonia 1:4

Astenn a rin va dorn war Juda ha war holl dud Jeruzalem, hag e lamin eus al lec'h-se ar pezh a chom eus Baal, hag anv e servijerien hag e aberzhourien,

Romaned 8:37

Met en holl draoù-se ez omp ouzhpenn trec’herien dre an hini en deus hor c’haret.

1 Korintiz 15:57

Met ra vo trugarekaet Doue a ro deomp an trec’h dre hon Aotrou Jezuz-Krist!

Adlezenn 11:25

Den ne zalc'ho dirazoc'h. An AOTROU ho Toue a skuilho aon ha spont ouzhoc'h dre ar vro a vac'hot warni, evel m'en deus lavaret.

Adlezenn 25:19

P'en devo roet diskuizh an AOTROU da Zoue dit eus da holl enebourien tro-war-dro, er vro a ro dit an AOTROU da Zoue evel hêrezh evit he ferc'hennañ, e tiverki eñvor Amalek a-zindan an neñv. N'ankounac'ha ket!

Adlezenn 29:20

an AOTROU ne fello ket dezhañ pardoniñ d'an den-se, met kounnar an AOTROU hag e warizi en em dano en e enep, an holl vallozhioù skrivet el levr-mañ a bouezo warnañ, hag an AOTROU a lamo e anv a-zindan an neñvoù.

Adlezenn 9:14

Lez ac'hanon hag e tistrujin anezho hag e lamin o anv a-zindan an neñvoù, hag e rin ac'hanout ur bobl kreñvoc'h ha brasoc'h egeto.

Adlezenn 9:3

Gouez eta hiziv penaos an AOTROU da Zoue a dremeno dirazout evel un tan loskus, eñ eo o distrujo hag o izelaio dirazout. O c'hasi kuit hag o lakai da vervel buan, evel m'en deus lavaret an AOTROU.

Jozue 1:5

Den ne zalc'ho dirazout e-pad holl zeizioù da vuhez; me a vo ganit evel ma'z on bet gant Moizez, ne zilaoskin ket ac'hanout, ne zilezin ket ac'hanout.

Jozue 10:23

Hag e rejont evel-se. Lakaat a rejont ar pemp roue da zont er-maez eus ar vougev, roue Jeruzalem, roue Hebron, roue Jarmud, roue Lakish ha roue Eglon, hag o degasjont dezhañ.

Jozue 10:40

Jozue a skoas eta war ar vro holl, war ar menez, ar c'hreisteiz, ar blaenenn, ar c'hrec'hioù, gant o holl rouaned. Ne lezas den da dec'hout kuit, hag e lakaas da verz kement a anale, evel m'en doa gourc'hemennet an AOTROU Doue Israel.

Jozue 10:42

Jozue a gemeras en ur wech an holl rouaned-se hag o broioù, rak an AOTROU Doue Israel a vrezele evit Israel.

Jozue 10:8

An AOTROU a lavaras da Jozue: Na'z pez ket aon, o lakaet em eus etre da zaouarn, hini anezho ne zalc'ho dirazout.

Jozue 11:17

adalek Menez Halak a bign da Seir, betek Baal-Gad e traonienn al Liban, e traoñ Menez Hermon. Hag e tapas ivez o holl rouaned, e skoas warno hag o lakaas d'ar marv.

Jozue 12:24

roue Tirza, unan. An holl rouaned: unan ha tregont.

Jozue 21:44

An AOTROU a roas dezho diskuizh a bep kostez, evel m'en doa touet d'o zadoù, hag hini ebet eus o enebourien ne zalc'has dirazo; an AOTROU a lakaas o holl enebourien etre o daouarn.

Jozue 23:3

Gwelet hoc'h eus kement en deus graet an AOTROU ho Toue d'an holl vroadoù-mañ dirazoc'h, rak an AOTROU ho Toue eo an hini en deus stourmet evidoc'h.

Jozue 23:9

An AOTROU en deus kaset kuit dirazoc'h broadoù bras ha kreñv, ha den n'en deus dalc'het dirazoc'h betek hiziv.

Jozue 6:2

An AOTROU a lavaras da Jozue: Sell, lakaet em eus etre da zaouarn Jeriko hag he roue, gant he brezelourien nerzhus.