Adlezenn 6:18 - Bibl Koad 21: Ar Bibl e Brezhoneg evit ar Vretoned

¹⁸ Ober a ri ar pezh a zo eeun ha mat dirak daoulagad an AOTROU, evit ma vi eürus ha ma'z i da berc'hennañ ar vro vat en deus touet an AOTROU da'z tadoù,

Adlezenn 6:18 Referencias Cruzadas

Salmoù 19:11

Muioc'h c'hoantek int eget an aour, eget aour fin e-leizh, dousoc'h int eget ar mel, eget an hini a zeu eus an terennoù.

Ermaeziadeg 15:26

Lavarout a reas: Mar selaouez gant evezh mouezh an AOTROU da Zoue, mar rez ar pezh a zo reizh dirak e zaoulagad, mar roez skouarn d'e c'hourc'hemennoù ha mar mirez e holl lezennoù, ne roin ket dit hini ebet eus ar c'hleñvedoù am eus lakaet war an Ejipt, rak me eo an AOTROU a yac'ha ac'hanout.

Izaia 3:10

Lavarit: Eürus ar re reizh! Dre ma tebrint frouezh o oberoù.

Izaia 38:3

hag e lavaras: O AOTROU, az pez soñj em eus kerzhet dirak da zremm gant fealded hag eeunded a galon, hag em eus graet ar pezh a zo dereat da'z taoulagad! Hag Ezekiaz a skuilhas daeroù e-leizh.

Ezekiel 18:19

Hag e lavarit: Perak ne zougfe ket ar mab direizhder e dad? Dre m'en deus ar mab graet hervez an eeunder hag ar reizhder, miret en deus va reolennoù ha graet diouto; a-dra-sur e vevo.

Ezekiel 18:21

Mar distro an den fall diouzh e holl bec'hedoù en deus graet, ma vir va holl reolennoù ha ra ar pezh a zo reizh hag eeun, a-dra-sur e vevo ha ne varvo ket.

Ezekiel 18:27

Pa zistro an den fall diouzh e fallagriezh en deus graet, hag e ra ar pezh a zo reizh hag eeun, e lakaio e ene da vevañ.

Ezekiel 18:5

An den a zo reizh hag a ra an eeunder ha ar reizhder,

Ezekiel 33:14

Pa em bo lavaret d'an den fall: Mervel a ri a-dra-sur! Hag o tistreiñ diouzh e bec'hed, e ra ar pezh a zo reizh hag eeun,

Ezekiel 33:16

Ne vo ken soñj eus e holl bec'hedoù en deus graet, ober a ra ar pezh a zo reizh hag eeun, bevañ a raio a-dra-sur.

Ezekiel 33:19

Mar distro an den fall diouzh e fallagriezh, evit ober ar pezh a zo reizh hag eeun, e vevo en abeg da-se.

Ozea 14:9

Piv a zo fur? Ra gompreno an traoù-mañ! Piv a zo skiantek? Ra anavezo anezho! Rak hentoù an AOTROU a zo eeun, ar re reizh a gerzho enno, met ar re disent a gouezho enno.

Sant Ian 8:29

An hini en deus va c’haset a zo ganin. An Tad n’en deus ket va lezet va-unan, abalamour ma ran atav ar pezh a blij dezhañ.

Romaned 12:2

N’en em blegit ket d’ar c’hantved-mañ, met bezit cheñchet dre nevezidigezh ho klevidigezh, evit ma’c’h anavezot ez eo bolontez Doue mat, plijus ha peurvat.

Adlezenn 12:25

N'en debri ket evit ma vi eürus, te ha da vibien war da lerc'h, en ur ober ar pezh a zo reizh dirak daoulagad an AOTROU.

Adlezenn 12:28

Mir ha selaou an holl draoù a c'hourc'hemennan dit evit ma vi eürus, te ha da vibien war da lerc'h, da viken, en ur ober ar pezh a zo mat ha reizh dirak daoulagad an AOTROU da Zoue.

Adlezenn 13:18

pa ec'h eus sentet ouzh mouezh an AOTROU da Zoue, o virout e holl c'hourc'hemennoù a gemennan dit hiziv, hag oc'h ober ar pezh a zo reizh dirak daoulagad an AOTROU da Zoue.

Adlezenn 4:40

mir e reolennoù hag e c'hourc'hemennoù a gemennan dit hiziv, evit ma vi eürus, te ha da vibien war da lerc'h, evit ma vo hiraet da zeizioù war an douar a ro dit an AOTROU da Zoue.

Adlezenn 5:29

Ra o devo atav an hevelep kalon evit va doujañ hag evit mirout va gourc'hemennoù, hag e vint eürus, int hag o mibien, da viken.

Adlezenn 5:33

Kerzhout a reot en holl hent en deus gourc'hemennet an AOTROU ho Toue, evit ma vevot, ma vint eürus ha ma vo hiraet ho teizioù war an douar a berc'hennot.

Adlezenn 6:10

P'en devo da lakaet an AOTROU da Zoue da vont er vro en deus touet da'z tadoù, da Abraham, da Izaak, da Jakob reiñ dit, gant kêrioù bras ha mat na'c'h eus ket savet,

Adlezenn 6:19

o kas kuit da enebourien azirazout, evel m'en deus lavaret an AOTROU.

Adlezenn 8:11

Diwall d'ankounac'haat an AOTROU da Zoue, o tremen hep mirout e c'hourc'hemennoù, e varnedigezhioù hag e reolennoù a gemennan dit hiziv.