Adlezenn 34:1 - Bibl Koad 21: Ar Bibl e Brezhoneg evit ar Vretoned

¹ Moizez a bignas eus plaenennoù Moab war menez Nebo, war-lein ar Pisga, a-dal da Jeriko. An AOTROU a ziskouezas dezhañ an holl vro,

Adlezenn 34:1 Referencias Cruzadas

Geneliezh 13:14

An AOTROU a lavaras da Abram goude ma oa pellaet Lot dioutañ: Sav eta da zaoulagad ha sell diouzh al lec'h emaout ennañ etrezek an hanternoz, ar c'hreisteiz, ar sav-heol hag ar c'huzh-heol,

Geneliezh 14:14

Pa glevas Abram e oa prizoniad e vreur, ec'h armas tri c'hant triwec'h eus e dud leal, ganet en e di, hag ez eas war-lerc'h ar rouaned-se betek Dan.

Ezekiel 40:2

Va degas a reas e gweledigezhioù doueel da vro Israel, hag em lakaas war ur menez uhel-meurbet, ma en em gave warnañ ouzh ar c'hreisteiz evel savadurioù ur gêr.

Niveroù 21:20

eus Bamod d'an draonienn a zo e douar Moab, etrezek lein ar Pisga, pa seller war-zu an distro.

Niveroù 23:14

E ren a reas da bark Zofim war-lein ar Pisga. Sevel a reas seizh aoter hag e kinnigas ur c'hole hag un tourz war bep aoter.

Niveroù 27:12

An AOTROU a lavaras da Voizez: Pign war Venez Abarim ha sell ouzh ar vro am eus roet da vibien Israel.

Niveroù 33:47

Mont a rejont kuit eus Almon-Diblataim hag e kampjont er menezioù Abarim, dirak Nebo.

Adlezenn 3:27

Pign war-lein ar Pisga, sav da zaoulagad war-zu ar c'huzh-heol ha war-zu an hanternoz ha war-zu ar c'hreisteiz ha war-zu ar sav-heol, ha sell gant da zaoulagad; met ne dremeni ket ar Jordan-se.

Adlezenn 32:49

Pign war venez Abarim, war venez Nebo, a zo e bro Voab, a-dal da Jeriko, ha sell ouzh bro Ganaan a roan da hêrezh da vibien Israel.

Adlezenn 32:52

Gwelout a ri ar vro dirazout, met ned i ket er vro a roan da vibien Israel.

Adlezenn 34:4

An AOTROU a lavaras: Setu ar vro am eus touet reiñ da Abraham, da Izaak, da Jakob, o lavarout: He reiñ a rin da'z lignez. Diskouezet em eus anezhi da'z taoulagad, met ned i ket enni.

Jozue 19:47

Hag en em astenne harzoù mibien Dan pelloc'h. Mibien Dan a bignas hag a vrezelas ouzh Leshem, hag e kemerjont anezhi, hag e skojont warni gant troc'h ar c'hleze, hag e perc'hennjont anezhi, hag e voent o chom enni, hag e c'halvjont Leshem Dan, diwar anv Dan o zad.

Jozue 22:9

Mibien Ruben, mibien Gad hag hanter-veuriad Manase a zistroas hag a yeas kuit a-zigant mibien Israel, eus Silo a zo e bro Ganaan, evit mont da vro C'halaad, d'ar vro a berc'hennent, e-lec'h m'o doa bet o dalc'h, hervez gourc'hemenn an AOTROU dre c'henoù Moizez.

Apocalyps 21:10

Eñ a gasas ac’hanon er spered war ur menez bras hag uhel, hag e tiskouezas din ar gêr vras, ar Jeruzalem santel, a ziskenne eus an neñv eus kichen Doue,

Ar Varnerien 18:29

Anvet e voe kêr: Dan, hervez anv Dan o zad, a oa bet ganet en Israel. Met anv ar gêr diagent a oa Laish.