Adlezenn 33:29 - Bibl Koad 21: Ar Bibl e Brezhoneg evit ar Vretoned

²⁹ Eürus out, Israel! Piv eo ar bobl a zo heñvel ouzhit, pobl saveteet gant an AOTROU, skoed da sikour, ha kleze da veurded? Da enebourien a vo doñvaet, ha te a vac'ho gant da dreid o lec'hioù uhel.

Adlezenn 33:29 Referencias Cruzadas

Geneliezh 15:1

Goude kement-se, komz an AOTROU a voe disklêriet da Abram en ur weledigezh, o lavarout: Na'z pez ket aon, Abram, me eo da skoed, ha da c'hopr a vo bras-meurbet.

2 Samuel 22:3

O Doue, va roc'h a gavan bod enni! Va skoed hag an nerzh am dieub, va repu uhel ha va minic'hi! Va Salver, te a ziwall ac'hanon diouzh ar feulster.

2 Samuel 22:45

Mibien an diavaeziad a luban ac'hanon, adalek ma klev o divskouarn, e sentont ouzhin,

2 Samuel 7:23

Ha bez' ez eus war an douar ur vroad heñvel ouzh da bobl, heñvel ouzh Israel, a zo bet dasprenet gant Doue evit ober anezhi e bobl, evit ober dezhañ un anv, hag evit ober ez keñver hag e-keñver da vro traoù bras ha spontus, en ur gas kuit dirak da bobl ac'h eus dasprenet evidout eus an Ejipt, broadoù hag o doueoù?

2 Danevelloù 31:8

Ezekiaz hag ar pennoù a zeuas hag a welas ar bernioù, hag e vennigjont an AOTROU hag e bobl Israel.

Salmoù 1:1

Eürus an den na gerzh ket hervez ali ar re zrouk, ha n'en em zalc'h ket en hent ar bec'herien, ha n'azez ket war skaon ar c'hoapaerien,

Salmoù 144:15

Eürus ar bobl emañ an traoù evel-se ganti! Eürus ar bobl eo an AOTROU he Doue!

Salmoù 18:44

Va saveteiñ a rez eus daeloù ar bobl, va lakaat a rez e penn ar broadoù, ur bobl n'anavezen ket a servijo ac'hanon.

Salmoù 18:45

Kerkent ha ma klevont, e sentont ouzhin; mibien an diavaeziad a zeu da'm lubaniñ,

Salmoù 32:1

"Maskil" David. Eürus an den a zo pardonet dezhañ e zisentidigezh, hag a zo goloet e bec'hed!

Salmoù 32:2

Eürus an den na damall an AOTROU dezhañ direizhder ebet, ha n'eus touell ebet en e spered!

Salmoù 33:12

Eürus ar vroad he deus an AOTROU da Zoue, ar bobl en deus dibabet evit e hêrezh!

Salmoù 33:20

Hon ene a zo en gortoz d'an AOTROU, hor sikour eo hag hor skoed.

Salmoù 45:3

Ar c'haerañ eus mibien an dud ez out, an drugarez a zo skuilhet war da vuzelloù, ha Doue en deus da venniget da viken.

Salmoù 66:3

Lavarit da Zoue: Pegen burzhudus eo da oberennoù! En abeg da vraster da nerzh, da enebourien a zeuio da blegañ dirazout.

Salmoù 68:34

d'an Hini a ya war-raok douget war neñvoù an neñvoù, an neñvoù peurbadus! Setu ma sav e vouezh, e vouezh galloudus.

Salmoù 7:12

Doue a zo ur barner reizh, hag un Doue a ya droug ennañ e pep amzer.

Salmoù 81:15

en un taol e lakafen o enebourien da blegañ, e trofen va dorn a-enep o enebourien.

Salmoù 84:11

Rak un devezh ez leurioù a zo gwelloc'h eget mil e lec'h all. Gwelloc'h eo din en em zerc'hel war dreuzoù ti va Doue, eget bezañ o chom e teltennoù ar re zrouk,

Izaia 12:2

Setu, Doue eo va silvidigezh. Fiziañs am bo ha ne'm bo ket aon, an AOTROU, an AOTROU, eo va nerzh ha va meuleudi, ha bet eo va Salver.

Izaia 27:1

En deiz-se e skoio an AOTROU gant e gleze bras nerzhus ha kalet ouzh al leviatan, an naer skañv, ouzh al leviatan, an naer gildrouk, hag e lazho an euzhvil mor.

Izaia 33:16

hennezh a vo o chom el lec'hioù uhel, kreñvlec’hioù ar reier a vo e repu, bara a vo roet dezhañ, doureier ne vankint ket dezhañ.

Izaia 45:17

Israel a zo salvet dre an AOTROU, gant ur silvidigezh peurbadus. Ne viot na mezhek na pinous, biken.

Izaia 58:14

neuze e kavi plijadurioù en AOTROU, me a lakaio ac'hanout da varc'hegañ dreist lec'hioù uhel an douar, hag e vagin ac'hanout gant hêrezh Jakob da dad, rak genoù an AOTROU en deus komzet.

Jeremiaz 12:12

An distrujerien a zeu war holl grec'hennoù ar gouelec'h, rak kleze an AOTROU a zebr ar vro eus ur penn d'egile. N'eus peoc'h enni evit den.

Jeremiaz 47:6

A! Kleze an AOTROU! Betek pegeit ne baouezi ket? Distro da'z kouin, sioula ha chom peoc'h!

Ozea 13:9

Kollet out, Israel, en ur vezañ a-enep din, a-enep an hini a zo da sikour.

Amoz 8:7

An AOTROU en deus touet dre c'hloar Jakob: Biken n'ankounac'hain o holl oberoù!

Habakuk 3:19

An AOTROU, an Aotrou eo va nerzh, lakaat a ra va zreid heñvel ouzh re ar c'harvezed, hag e ra din en em zerc'hel war an uhelder. D'ar mestr-kaner; gant binvioù-kerdin.

Niveroù 24:5

Pegen kaer eo da deltennoù, o Jakob! Ha da chomlec'hioù, o Israel!

Niveroù 33:52

e kasot kuit dirazoc'h holl dud ar vro, e tistrujot o holl skeudennoù, e tistrujot o holl zelwennoù teuzet, e tismantrot o holl uhellec'hioù,

Adlezenn 32:13

E lakaet en deus da varc'hekaat war lec'hioù uhel an douar ha da zebriñ frouezh ar parkeier, da chugal mel ar roc'h hag eoul ar reier kalet,

Adlezenn 4:32

Goulenn digant an deizioù tremenet a zo bet a-raok dit, adalek an deiz ma krouas Doue an den war an douar, hag adalek penn an neñvoù betek dibenn an neñvoù, hag-eñ ez eus bet un dra ken bras, hag-eñ ez eus bet klevet un dra heñvel?

Adlezenn 4:34

Hag-eñ ez eus esaeet un doue dont da gemer e-unan ur bobl a-greiz ur bobl all dre amprouennoù, sinoù, mirakloù ha stourmadegoù, dre un dorn kreñv hag ur vrec'h astennet, ha dre spontoù bras, evel kement en deus graet an AOTROU ho Toue en Ejipt dindan ho taoulagad?

1 Timote 4:10

Gouzañv a reomp, a dra sur, kement a labourioù ha kement a zismegañs abalamour ma’c’h esperomp en Doue bev, an hini eo Salver an holl dud, dreist-holl ar gredourien.

Apocalyps 1:16

En e zorn dehou en doa seizh steredenn. Eus e c’henoù e teue ur c’hleze lemm a zaou droc’h hag e zremm a lugerne evel an heol en e nerzh.

Apocalyps 19:21

Ar peurrest a voe lazhet gant ar c’hleze a zeue eus genoù an hini a oa pignet war ar marc’h, hag an holl laboused a voe leuniet gant o c’hig.

Ar Varnerien 7:20

An tri strollad a sonas gant ar shofaroù hag a dorras ar podoù, en ur gemer ar gouloù en o dorn kleiz hag ar shofaroù a sonent ganto en o dorn dehou, hag e krijont: Ar c'hleze evit an AOTROU hag evit Gedeon!