Adlezenn 32:14 - Bibl Koad 21: Ar Bibl e Brezhoneg evit ar Vretoned

¹⁴ amann ar saout ha laezh an deñved, lard an oaned, an tourzed eus Basan hag ar bouc'hed, flour kuñv ar gwinizh; evet ec'h eus gwad nerzhus ar rezin.

Adlezenn 32:14 Referencias Cruzadas

Geneliezh 18:8

Kemer a reas amann ha laezh, hag al leue a oa fichet, hag o lakaas dirazo. Eñ en em zalc'has dirazo didan ar wezenn, hag e tebrjont.

Geneliezh 49:11

Stagañ a ra e azen ouzh ar winienn, hini bihan e azenez ouzh ar c'hef-gwini dibabet. Gwalc'hiñ a ra e zilhad er gwin, e vantell e gwad ar rezin.

2 Samuel 17:29

mel, amann, deñved, fourmaj saout, da Zavid ha d'ar bobl a oa gantañ, evit debriñ. Rak lavarout a raent: An dud-mañ o deus naon, skuizh ez int ha sec'hed o deus er gouelec'h-se.

Nehemia 9:25

Hag e kemerjont kêrioù kreñv ha douaroù druz, hag e perc'hennjont tiez leun a bep seurt madoù, puñsoù toullet, gwini, olived ha gwez-frouezh e-leizh, hag e tebrjont hag o doe o gwalc'h, deuet int lart hag e vevjont er plijadurioù dre da vadelezh vras.

Nehemia 9:26

Met e voent disentus hag en em savjont a-enep dit, hag e taoljont da lezenn a-dreñv o c'hein. Lazhañ a rejont da brofeded a zouge anezho da zistreiñ ouzhit, hag e rejont dismegañsoù bras dit.

Levr Job 20:17

Ne welo ket ar gwazhioù, ar stêrioù, ar froudoù mel hag amann.

Levr Job 29:6

pa walc'hen va zreid el laezh, pa zevere ar roc'h din froudoù eoul!

Salmoù 147:14

reiñ a ra ar peoc'h da'z harzoù, da leuniañ a ra eus druzoni ar gwinizh.

Salmoù 22:12

Na bella ket diouzhin rak an estrenvan a zo tost, ha n'eus den da'm sikour!

Salmoù 81:16

Ar re a gasa an AOTROU o defe pleget dezhañ, hag amzer Israel a badfe da viken.

Izaia 7:15

Debriñ a raio koaven ha mel, betek ma ouio disteurel an droug ha dibab ar mad.

Izaia 7:22

hag e roint kement a laezh ma tebro koaven, rak koaven ha mel a zebro ar re holl a vo manet er vro.

Ezekiel 39:18

Kig ar c'halloudeien a zebrot, gwad priñsed an douar a evot, maouted, oaned, bouc'hed, leueoù, holl anezho lartaet e Basan.

Ozea 11:4

O zennet em eus gant kerdin denel, gant ereoù a garantez. Bet on evito evel ar re o dije savet ar yev diwar o javedoù, ha kinniget em eus boued dezho.

Amoz 4:1

Selaouit ar gomz-mañ, buoc'hed Basan, a zo war venez Samaria, a wask ar beorien, a wallgas an ezhommeien, a lavar d'o mestroù: Degasit hag evomp!

Mika 7:14

Mesa da bobl gant da wialenn, tropell da hêrezh a zo o chom e-unan er goadeg e-kreiz ar C'harmel. Ra beurint e Basan hag e Galaad, evel en deizioù gwechall.

Niveroù 18:12

Roet em eus dit ar wellañ lodenn eus an eoul, ar wellañ lodenn eus ar gwin hag eus ar gwinizh, o frouezh kentañ a ginnigint d'an AOTROU.

Adlezenn 28:47

Dre ma ne'z po ket servijet an AOTROU da Zoue gant levenez hag a galon vat e-barzh leunder a bep tra,

Apocalyps 14:20

Ar veoliad a voe gwasket er-maez eus kêr, ha gwad a zeuas kuit eus ar veol betek bridoù ar c’hezeg, war un astennidigezh a vil c’hwec’h kant stadenn.

Ar Varnerien 5:25

Dour a c'houlennas, laezh a roas dezhañ, dienn a ginnigas dezhañ en un hanaf enorus.