Adlezenn 32:13 - Bibl Koad 21: Ar Bibl e Brezhoneg evit ar Vretoned

¹³ E lakaet en deus da varc'hekaat war lec'hioù uhel an douar ha da zebriñ frouezh ar parkeier, da chugal mel ar roc'h hag eoul ar reier kalet,

Adlezenn 32:13 Referencias Cruzadas

2 Samuel 22:34

a ro da'm zreid da vezañ heñvel ouzh re an heizezed, a laka ac'hanon war va uheldirioù,

Levr Job 20:17

Ne welo ket ar gwazhioù, ar stêrioù, ar froudoù mel hag amann.

Levr Job 29:6

pa walc'hen va zreid el laezh, pa zevere ar roc'h din froudoù eoul!

Salmoù 18:33

Doue eo an hini am gouriz gant nerzh, hag a laka va hent da vezañ e savete,

Salmoù 81:16

Ar re a gasa an AOTROU o defe pleget dezhañ, hag amzer Israel a badfe da viken.

Izaia 48:21

N'o deus ket bet sec'hed p'en deus lakaet anezho da gerzhout dre ar gouelec'hioù, lakaet en deus da darzhañ evito dour eus ar roc'h, faoutet en deus ar roc'h ha ruilhet o deus an dourioù.

Izaia 58:14

neuze e kavi plijadurioù en AOTROU, me a lakaio ac'hanout da varc'hegañ dreist lec'hioù uhel an douar, hag e vagin ac'hanout gant hêrezh Jakob da dad, rak genoù an AOTROU en deus komzet.

Ezekiel 16:13

Evel-se e voes kinklet gant aour ha gant arc'hant, da wiskamant a oa a lin fin, a seiz hag a vroderezh. Flour bleud, mel hag eoul a oa da voued, ha deuet out da vezañ kaer-kenañ. Ober a rejout berzh betek ar rouantelezh.

Ezekiel 21:17

Kri ha yud, man an den, rak a-enep va fobl eo tennet, a-enep holl briñsed Israel. Roet int d'ar c'hleze, ha va fobl ganto, sko eta war da vorzhed.

Ezekiel 36:2

Evel-henn e komz an Aotrou AOTROU: Peogwir en deus lavaret an enebour a-enep deoc'h: A! A! An uhelennoù kozh-se a zo deuet da vezañ hon dalc'h,

Ozea 13:6

O gwalc'h o deus bet en o feurvanoù, o gwalc'h o deus bet hag o c'halon a zo savet. Neuze o deus va ankounac'haet.

Adlezenn 28:47

Dre ma ne'z po ket servijet an AOTROU da Zoue gant levenez hag a galon vat e-barzh leunder a bep tra,

Adlezenn 33:26

N'eus hini hag a vefe heñvel ouzh Doue Jeshurun, a zeu da'z sikour douget war an neñvoù, ha war e goabrennoù en e veurdez.

Adlezenn 33:29

Eürus out, Israel! Piv eo ar bobl a zo heñvel ouzhit, pobl saveteet gant an AOTROU, skoed da sikour, ha kleze da veurded? Da enebourien a vo doñvaet, ha te a vac'ho gant da dreid o lec'hioù uhel.

Adlezenn 8:15

en deus lakaet ac'hanout da gerzhout er gouelec'h bras hag euzhus-se, leun a naered gwrezus hag a gruged, e lec'hioù sec'h hep dour, en deus lakaet dour da zont er-maez eus ar roc'h evidout, eus ar rec'hell,

Adlezenn 8:8

ur vro gant gwinizh, heiz, gwini, gwez-fiez ha greunavalenned, ur vro gant gwez-olivez o reiñ eoul ha gant mel,