Adlezenn 18:14 - Bibl Koad 21: Ar Bibl e Brezhoneg evit ar Vretoned

¹⁴ Rak ar broadoù-se, a gasi kuit, a selaou ouzh an hudsteredourien hag ouzh an divinourien; met dit-te, n'out ket aotreet gant an AOTROU da Zoue.

Adlezenn 18:14 Referencias Cruzadas

Geneliezh 20:6

Doue a lavaras dezhañ en un huñvre: Gouzout a ran ec'h eus graet kement-se en eeunded da galon, setu perak em eus da harzet da bec'hiñ a-enep din. Setu perak n'em eus ket da lezet da stekiñ outi.

2 Rouned 21:6

Lakaat a reas e vab da dremen dre an tan. Ober a rae hudsteredouriezh hag achanterezh, hag e c'houlennatae speredoù hag igromañserezed. Ober a reas ar pezh a zo fall-kenañ dirak daoulagad an AOTROU evit e gounnariñ.

Izaia 2:6

Rak taolet ec'h eus kuit da bobl, tiegezh Jakob, dre ma'z int leun a sav-heol, a zivinourien evel ar Filistined, ha ma en em unanont da vugale an diavaezidi.

Jeremiaz 27:9

C'hwi eta, na selaouit ket ho profeded, ho tivinourien, hoc'h huñvreerien, ho steredourien, hoc'h hudourien, a gomz ouzhoc'h o lavarout: Ne servijot ket roue Babilon.

Daniel 2:27

Daniel a respontas dirak ar roue o lavarout: An dra guzhet a c'houlenn ar roue, na re fur, na steredourien, na hudourien, na divinourien ne c'hellint he diskuliañ d'ar roue.

Mika 5:12

e lamin da strobinelloù eus da zorn, ha ne'z po ken a hudsteredourien,

Actou an Ebestel 14:16

En amzer dremenet, lezet en deus an holl vroadoù da gerzhout en o hentoù o-unan,

Adlezenn 18:10

N'en em gavo den ez touez a lakaio e vab pe e verc'h da dremen dre an tan, nag a raio divinerezh, nag hudsteredour, nag achantour, na sorserez,