Adlezenn 17:17 - Bibl Koad 21: Ar Bibl e Brezhoneg evit ar Vretoned

¹⁷ Ne vo ket dezhañ kennebeut un niver bras a wragez, gant aon na zeufe e galon d'en em zistreiñ, ha ne vo ket dezhañ kalz a arc'hant hag a aour.

Adlezenn 17:17 Referencias Cruzadas

Geneliezh 2:24

Setu perak an den a guitaio e dad hag e vamm hag en em stago ouzh e wreg, hag e vint ur c'hig hepken.

2 Samuel 12:11

Evel-henn e komz an AOTROU: Setu ez an da lakaat da zont er-maez eus da di da-unan ar gwalleur a-enep dit. Me a gemero da wragez dirak da zaoulagad, hag o roin da unan eus da gerent a gousko gant da wragez dirak an heol.

2 Samuel 5:13

David a gemeras c'hoazh serc'hed ha gwragez eus Jeruzalem, goude bezañ deuet eus Hebron, hag e voe tad c'hoazh da vibien ha da verc'hed.

1 Rouaned 10:21

Holl hanafoù ar roue Salomon a oa en aour, hag holl listri ti koad al Liban a oa en aour glan. Netra ne oa en arc'hant. Ne veze graet van ebet anezhañ en deizioù Salomon.

1 Rouaned 10:27

Ar roue a reas d'an arc'hant bezañ ken boutin e Jeruzalem ha mein, ha d'ar sedrez ken boutin ha sikamor ar blaenenn.

1 Danevelloù 14:3

David a gemeras c'hoazh gwragez e Jeruzalem, hag e voe tad c'hoazh da vibien ha da verc'hed.

2 Danevelloù 1:15

Ar roue a reas d'an arc'hant ha d'an aour bezañ ken boutin e Jeruzalem ha mein, ha d'ar sedrez ken boutin ha sikamor ar blaenenn.

2 Danevelloù 11:21

Roboam a garas Maaka merc'h Absalom muioc'h eget e holl wragez ha serc'hed. Kemeret en doa triwec'h gwreg ha tri-ugent serc'h, hag e voe tad da eizh mab warn-ugent ha da dri-ugent merc'h.

Nehemia 13:26

Ha n'eo ket e kement-se e pec'has Salomon roue Israel? E-touez broadoù niverus n'eus ket bet ur roue eveltañ, karet e oa gant e Zoue, ha Doue en doa e lakaet da roue war Israel holl, ha koulskoude ar gwragez estren a reas dezhañ pec'hiñ.

Salmoù 62:10

Ar re vihan n'int nemet netra, ar re vras n'int nemet gaou. Lakaet er valañs, e vefent holl asambles skañvoc'h eget an netra zoken.

Krennlavarioù 31:3

Na ro ket da nerzh d'ar merc'hed, na da hentoù d'ar re a goll ar rouaned.

Malaki 2:15

Den n'en deus graet kement-se, o kaout un nemorant a spered! Ha perak an hini unan-se en deus henn graet? Klask a rae ul lignez a-berzh Doue. Taolit evezh eta ouzh ho spered, ha na vezit ket disleal e-keñver gwreg ho yaouankiz.

Mazhev 13:22

An hini en deus degemeret an had e-touez an drein, eo an hini a glev ar ger, met prederioù ar bed-mañ ha tromplerezh ar pinvidigezhioù a voug ar ger hag e laka difrouezh.

Mazhev 19:5

ha penaos en deus lavaret: Setu perak ar gwaz a guitaio e dad hag e vamm hag en em stago ouzh e wreg, hag an daou a zeuio ur c’hig hepken?

Sant Lucas 12:15

Hag e lavaras dezho: Diwallit gant evezh diouzh ar bizhoni, rak un den n’en deus ket ar vuhez diouzh puilhentez e vadoù.

1 Timote 6:17

Kemenn da re binvidik ar c’hantved-mañ ma chomint hep bezañ ourgouilhus hag hep lakaat o esperañs en argred ar pinvidigezhioù, met en Doue bev a ro deomp an holl draoù gant fonnusted evit ma laouenafemp ganto,

1 Timote 6:9

Met ar re a fell dezho bezañ pinvidik a gouezh en temptadur, er pech hag e kalz a c’hoantoù diskiant ha fall a stlap an dud er revin hag er gollidigezh.