Adlezenn 17:16 - Bibl Koad 21: Ar Bibl e Brezhoneg evit ar Vretoned

¹⁶ Ne vo ket dezhañ un niver bras a gezeg, ha ne zegaso ket ar bobl en-dro d'an Ejipt evit kreskiñ niver ar c’hezeg, rak an AOTROU en deus lavaret deoc'h: Ne zistroit ken dre an hent-se.

Adlezenn 17:16 Referencias Cruzadas

2 Samuel 8:4

David a gemeras digantañ mil seizh kant marc'heger hag ugent mil troadeg. Troc'hañ a reas jaritelloù ar c'hezeg eus an holl girri, met mirout a reas kant karr.

1 Rouaned 1:5

Adonija mab Hagid en em uhelaas o lavarout: Me a reno! Hag e pourvezas kirri, marc'hegerien hag hanter-kant den a rede a-raok dezhañ.

1 Rouaned 4:26

Salomon en doa ivez daou-ugent mil kel-kraou-kezeg evit e girri ha daouzek mil marc'heger.

1 Rouaned 5:6

Ha bremañ, gourc'hemenn ma vo troc'het din sedrez el Liban, ha va servijerien a vo gant da servijerien. Reiñ a rin dit ar gopr a c'houlenni evit da servijerien, rak te a oar n'eus den e-touez ac'hanomp o c'houzout troc'hañ koad evel ar Sidoniz.

2 Danevelloù 1:16

Eus an Ejipt eo e teue ar c'hezeg en doa Salomon. Ur strollad marc'hadourien a-berzh ar roue a yae d'o c'herc'hat dre lodenn evit ur priz merket.

2 Danevelloù 9:25

Salomon en doa pevar mil kraou-kezeg, kirri, ha daouzek mil marc'heger, a lakaas er c'hêrioù ma veze dalc'het e girri hag e-kichen ar roue e Jeruzalem.

Salmoù 20:7

Gouzout a ran dija en deus an AOTROU saveteet e Olevad; respont a raio dezhañ eus neñvoù e santelezh, gant skoazell c'halloudek e du dehou.

Ermaeziadeg 13:17

Pa lezas Faraon ar bobl da vont kuit, Doue n'o renas ket dre hent bro ar Filistined, daoust ma oa tostoc'h, rak Doue a lavaras: Arabat eo n'he defe keuz ar bobl pa welo ar brezel ha na zistrofe en Ejipt.

Ermaeziadeg 13:18

Met Doue a lakaas ar bobl d'ober un dro dre hent ar gouelec'h, etrezek ar Mor Ruz. Mibien Israel a bignas armet-mat eus an Ejipt.

Ermaeziadeg 14:13

Moizez a lavaras d'ar bobl: N'ho pet ket aon, chomit aze ha gwelit ar silvidigezh a vo roet deoc'h hiziv gant an AOTROU , rak an Ejipsianed a welit hiziv, ne welot anezho mui biken.

Izaia 2:7

O bro a zo leun a arc'hant hag a aour, ha n'eus diwezh ebet d'he zeñzorioù. O bro a zo leun a gezeg, ha n'eus diwezh ebet d'he c'hirri.

Jeremiaz 42:19

An AOTROU en deus lavaret deoc'h, nemorant eus Juda: N'it ket d'an Ejipt! Gouezit a-dra-sur e tifennan-se ouzhoc'h hiziv.

Ezekiel 17:15

Met hemañ a zo en em savet a-enep dezhañ o kas kannaded d'an Ejipt, evit ma vefe roet dezhañ kezeg hag un niver bras a dud. Hag e raio berzh? Hag en em saveteo an hini a ra hevelep traoù? Torret en deus an emglev, hag e tec'hfe kuit?

Ozea 11:5

Ne zistroint ket da vro Ejipt, met Asiria a vo o roue, rak n'eus ket fellet dezho dont en-dro etrezek ennon.

Ozea 14:3

Asiria ne saveteo ket ac'hanomp, ne bignimp ken war gezeg, ne lavarimp ken da labour hon daouarn: Hon doueoù! Rak ennout eo e kav trugarez an emzivad.

Mika 5:10

En deiz-se, eme an AOTROU, e lamin da gezeg eus da greiz, hag e tistrujin da girri,

Adlezenn 28:68

Hag an AOTROU a adkaso ac'hanout d'an Ejipt war listri, dre an hent am eus lavaret dit diwar e benn: N'en adweli ken! Hag eno en em werzhot d'hoc'h enebourien evel sklaved ha mitizhien, ha ne vo den d'ho prenañ.

1 Samuel 8:11

Hag e lavaras: Setu amañ petra a raio deoc'h ar roue a reno warnoc'h. Kemer a raio ho mibien, hag o lakaio war e girri hag e-touez e varc'hegerien da redek dirak e garr,